شي جينپيڭ جولداستىڭ «جۇڭگو كوممۋنيستىك پارتياسىنىڭ تاريحى تۋرالى» اتتى كىتابى باسپادان شىعىپ تاراتىلدى

  شينحۋا اگەنتتىگى، 2 - ايدىڭ 21 - كۇنى، بەيجيڭ. ج ك پ ورتالىق كوميتەتىنىڭ پارتيا تاريحى مەن قۇجاتتاردى زەرتتەۋ مەكەمەسى رەداكسيالاعان شي جينپيڭ جولداستىڭ «جۇڭگو كوممۋنيستىك پارتياسىنىڭ تاريحى تۋرالى» دەگەن كىتابى جۋىردا ورتالىق قۇجات باسپاسى جاعىنان باسپادان شىعارىپ، بۇكىل ەل كولەمىندە تاراتىلدى.

  وسى ارناۋلى ماقالالار جيناعىنا شي جينپيڭ جولداستىڭ جۇڭگو كوممۋنيستىك پارتياسىنىڭ تاريحى جونىندەگى 40 ماڭىزدى ماقالاسى ەنگىزىلدى. مۇنىڭ ىشىندە ءىشىنارا ماقالالار تۇڭعىش رەت اشىق جاريالانىپ وتىر.

  تاريح − ەڭ جاقسى وقۋلىق. پارتيانىڭ 18 - قۇرىلتايىنان بەرى شي جينپيڭ جولداس جۇڭگو كوممۋنيستىك پارتياسىنىڭ تاريحىن ارقاۋ ەتۋ نەگىزىندە ءبىرقىدىرۋ ماڭىزدى پايىمداۋ جاساپ، پارتيامىزدىڭ جۇڭگو حالقىن ىنتىماقتاستىرىپ جانە باستاپ، قاجىماي - تالماي كۇرەس جۇرگىزگەن شۇعىلالى بارىسىن جۇيەلى ەسكە الىپ، پارتيانىڭ ءارقايسى تاريحي مەزگىلدە جاراتقان نازاريالىق جەتىستىكتەرىن، توپتاعان باعالى تاجىريبەلەرىن، سومداعان ۇلى رۋحىن ىشكەرىلەي قورىتىندىلاپ، پارتيانىڭ جۇڭحۋا ۇلتىنا قوسقان ۇلى ۇلەسىن، ادامزات ماسەلەسىن شەشۋگە قوسقان جۇڭگو اقىل - پاراساتى مەن جۇڭگو جوباسىن ىشكەرىلەي پايىمداپ، پارتيا مەن حالىق ىستەرى دامۋىنىڭ نۇرلى بولاشاعىنا كوز جىبەردى. وسى ماڭىزدى پايىمداۋلاردىڭ ماقساتى اسقاق، مازمۇنى باي، يدەياسى تەرەڭ، ول شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولەگى سانالادى. شي جينپيڭ جولداستىڭ «جۇڭگو كوممۋنيستىك پارتياسىنىڭ تاريحى تۋرالى» اتتى كىتابىنىڭ باسپادان شىعىپ تاراتىلۋى قالىڭ كادرلار مەن بۇقارانىڭ پارتيا تاريحىن جاقسى ۇيرەنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋىندا توتەنشە ماڭىزدى جەتەكشىلىك مانگە يە. (شي جينپيڭ جولداستىڭ «جۇڭگو كوممۋنيستىك پارتياسىنىڭ تاريحى تۋرالى» اتتى كىتابىنىڭ باستى مازمۇنى «حالىق گازەتىنىڭ» بۇگىنگى 2 - بەتىندە تانىستىرىلدى)

جاۋاپتى رەداكتور: ءاننا اكىمقان قىزى