كەدەيلىكتەن ارىلتۋدان قامال الۋ جونىندەگى 8 ءبولىمدى ساياسي شولۋ ارناۋلى تاقىرىپتىق فيلم «كەدەيلىكتەن ارىلۋ» باستاپ قويىلادى

  شينحۋا اگەنتتىگىنىڭ 2 - ايدىڭ 18 - كۇنى بەيجيڭنەن بەرگەن حابارى (ءتىلشى باي يىڭ). ورتالىق راديو - تەلەۆيزيا باس ستانسياسى تۇسىرگەن كەدەيلىكتەن ارىلتۋدان قامال الۋ جونىندەگى 8 ءبولىمدى ساياسي شولۋ ارناۋلى تاقىرىپتىق فيلم «كەدەيلىكتەن ارىلۋ» 2 - ايدىڭ 18 - كۇنىنەن 25 - كۇنىنە دەيىن ورتالىق تەلەۆيزياسىنىڭ ۋنيۆەرسال كانالىندا، اۋىل شارۋاشىلىعى، اۋىل - قىستاق كانالىندا كەشكى التىن ۋاقىتتا باستاپ قويىلادى.

  ورتالىق راديو - تەلەۆيزيا باس ستانسياسىنىڭ تانىستىرۋىنشا، بۇل فيلمدە باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىمەن تىعىز ۇشتاستىرىپ، وسى ماڭىزدى بايىمداۋدىڭ جۇڭگونىڭ كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزۋدەگى عىلمي باعدارناما جانە ءتۇبىرلى بويسۇنۋ ولشەمى ەكەنى تۇسىندىرىلگەن؛ نازاردى جۇڭگو كوممۋنيستىك پارتياسىنىڭ باستان - اياق ”حالىقتى وزەك ەتكەن“ بيلىك جۇرگىزۋ ۇستانىمى مەن بورىش ارقالاۋىنا شوعىرلاندىرىپ، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل ەلدەگى ءار ۇلت حالقىن باستاپ كەدەيلىككە سايىس جاريالاپ، قازىرگى ولشەمدەگى 100 ميلليونعا تاياۋ اۋىل - قىستاقتاعى كەدەي حالىقتىڭ بارلىعى كەدەيلىكتەن ارىلعان، 832 كەدەي اۋداننىڭ بارلىعى كەدەيلىك قالپاعىن الىپ تاستاعان حيكاياسى باياندالعان؛ ادامزات تاريحىنداعى كولەمى ەڭ زور، سەرپىنى ەڭ كۇشتى كەدەيلىكتەن ارىلتۋدان قامال الۋ شايقاسى مەن قىرۋار جاسامپاز، وزگەشە كەلەلى شارالاردى قولدانعاندىعى ارقىلى جۇڭگو كوممۋنيستىك پارتياسىنىڭ پارمەندى باسشىلىق قابىلەتى مەن جۇڭگوشا سوتسياليستىك ءتۇزىمنىڭ ابزالدىلىعىن ايگىلەگەن.

  «كەدەيلىكتەن ارىلۋ» − «ايبىندى ۋادە»، «دالمە - ءدال شارا قولدانۋ»، «بورىش ارقالاۋ»، «كۇش بىرىكتىرە قامال الۋ»، «العان بەتتەن قايتپاۋ»، «وتباسى - وتان سۇيىسپەنشىلىگى»، «تاعدىرلاس بولۋ»، «جاڭا جورىققا قايتا اتتانۋ» سىندى 8 بولىمگە ءبولىنىپ، ادامزات قوعامىنىڭ دامۋ تاريحى تۇرعىسىنان جۇڭگونىڭ كەدەيلىكتەن ارىلتۋدان قامال الۋىنا تۇسىنىك جاسالىپ، ايرىقشا ۇلى ءىس پەن ادامزات دۇنيەسىندەگى كەرەمەتتى ايگىلەدى؛ دۇنيە ءجۇزىنىڭ كەدەيلىكتى ازايتۋداعى الەمدىك تۇرعىدان جۇڭگو اقىل - پاراساتىن، جۇڭگو جوباسىن جانە جۇڭگو ۇلەسىن جان - جاقتىلى بەينەلەدى؛ نازاريا مەن امالياتتى ۇشتاستىرا وتىرىپ، جۇڭگونىڭ تۇتاس تۇلعالىق كەدەيلىكتەن ارىلتۋدان قامال الۋ ۇلى امالياتى جانە كەدەيلەردى سۇيەمەلدەۋدەگى ءاربىر شىنايى حيكايالارى ارقىلى، جۇڭگونىڭ كەدەيلەردى دالمە - ءدال سۇيەمەلدەۋ نازارياسىن، كەدەيلەردى سۇيەمەلدەۋ ۇلگىسىن، كەدەيلەردى سۇيەمەلدەۋ رۋحىن قورىتىندىلادى، ساراپتادى؛ ساياسي شولۋ مەن ناقتى دەرەكتى ءوزارا ۇشتاستىرۋ سىندى جاسامپازدىق شەبەرلىكتەن پايدالانىپ، ”جۇڭگونىڭ كەدەيلىكتەن ارىلتۋدان قامال الۋ شايقاسىندا قالاي جەڭىسكە جەتكەندىگى“ سىندى نەگىزگى تاقىرىپتى جان - جاقتى ءتۇسىندىردى.

جاۋاپتى رەداكتور: ەسبول قاجىكەرىم ۇلى