كوكتەم مەرەكەسىندە ايماق 520 مىڭ ادام رەت ساياحاتشى قابىلدادى

  ءوز ءتىلشىمىز قۇرمانگۇل جەڭىسبەك قىزى حابارلايدى. 2-ايدىڭ 18-كۇنى ٴتىلشىنىڭ التاي ايماقتىق مادەنيەت-دەنە تاربيە، راديو-تەلەۆيزيا جانە ساياحات مەكەمەسىنەن ۇعىسۋىنشا، كوكتەم مەرەكەسى كەزىندە (2-ايدىڭ 11-كۇنىنەن17ـكۇنىنە دەيىن) التاي ايماعى 520 مىڭ ادام رەت ساياحاتشى قابىلداپ، ساياحات كىرىسى 330 ميلليون يۋان بولىپ، التاي ايماعىنىڭ ساياحات بازارى ورنىقتى، ءتارتىپتى، ساياحاتقا قىزمەت وتەۋ ساپاسى كورنەكتى جوعارىلاعان.

                               

    ”كوكتەم مەرەكەسى كەزىندە، التايداعى ءارقايسى اۋدان (قالا ، كورىنىس رايونى) ساياحاتقا قاتىستى كوپتەگەن ٴتيىمدى ساياساتتاردى جولعا قويىپ، شينجياڭنىڭ ٴىشى-سىرتىنان كەلگەن ساياحاتشىلاردى قار-مۇز ساياحات ونىمدەرىمەن قامداپ، مەرەكەنىڭ مەرەيىن اسىرىپ، ساياحاتتى اناعۇرلىم جانداندىردى. بۇدان سىرت، كوكتەم مەرەكەسى كەزىندە التايدىڭ قىسقى قار-مۇز ساياحاتى، جەكە كولىكپەن ساياحاتتاۋ، توڭىرەكتى ساياحاتتاۋ ءتۇرى تىڭ ورلەۋگە كوتەرىلىپ، كوكتوعاي حالىقارالىق قار شاڭعى الاڭى، التاي قالاسىنىڭ گەنارال تاۋى قار شاڭعى الاڭىنا شاڭعى تەبۋگە كەلگەن ساياحاتشىلاردىڭ سانى ارتىپ، ٴار كۇنى 2000 نان استام ساياحاتشى قابىلداپ، ايماقتىڭ قىسقى ساياحاتى ءۇرتىس جانداندى“،-دەدى التاي ايماقتىق مادەنيەت-دەنە تاربيە، راديو-تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى نيە پيڭ.

                              

  بىرنەشە كۇننەن بەرى، التاي قالاسىنىڭ گەنەرال تاۋى قار شاڭعى الاڭىندا قار شاڭعى تەبۋشىلەردىڭ سانى تىڭ ورلەۋگە كوتەرىلدى، ٴار ٴتۇرلى قار شاڭعى كيىمىن كيگەن قار شاڭعى اۋەسكەرلەرى شاڭعى الاڭىندا ارلى-بەرلى زىمىراپ، قارشاڭعى تەبۋدىڭ قىزىعىنا باتتى. ”دوسىمنىڭ تانىستىرۋى بويىنشا التايعا كەلدىك، بۇل ارانىڭ كورىنىسى ادامدى قايران قالدىرادى ەكەن، قار شاڭعى الاڭى ءتىپتى دە كەرەمەت، قار ساپاسى دا جاقسى، شاڭعى تەبۋگە ىڭعايلى، وتە كوڭىلدى وينادىق“،ـ دەدى شىنجىننان كەلگەن ساياحاتشى يىن ليپيڭ.

                                   

  ءتىلشىنىڭ ۇعىسۋىنشا، كوكتەم مەرەكەسى كەزىندە كوكتوعاي حالىقارالىق قار شاڭعى الاڭى 26 مىڭ 955 ادام رەت، التاي قالاسىنىڭ گەنەرال تاۋى قار شاڭعى الاڭى 31 مىڭ 67 ادام رەت ساياحاتشى قابىلداعان.2-ايدىڭ 11-كۇنى كەشتە، 2021-جىلعى ورتالىق تەلەۆيزياسىنىڭ كوكتەم مەرەكەسىنە ارنالعان بىرلەسكەن ساۋىق كەشىندە، ءانشى ۋاڭ چيدىڭ تامىلجىتا شىرقاعان ”كوكتوعاي شوپانى“ ءانى ٴتىپتى دە كوپ ادامدى التايعا، كوكتوعايعا ساياحاتتاپ كەلۋگە باۋرادى. ەلىمىز كولەمىندەگى كورەرمەندەردىڭ دوۋيىندا تاراتۋ مولشەرى5 ميلليون رەتتەن، قويىلىمى 3 ميلليارد 200 ميلليون رەتتەن اسىپ، كوكتەم مەرەكەسى بىرلەسكەن ساۋىق كەشىندە كوكتوعاي كورىنىس رايونىن جانامالاي ۇگىتتەپ، التايدىڭ ساياحات ەكونوميكاسىنىڭ دامۋىن جەبەدى.

  ”كورىنىس رايونىندا كوكتوعاي شوپانى ءانىن تىڭداي وتىرىپ، قار كورىنىسىن تاماشالاپ، وسى انگە ارقاۋ بولعان ماحاببات حيكاياسىن ەسكە ءتۇسىرۋ راسىندا كەرەمەت ەكەن“،-دەدى گۋاڭجوۋدان كەلگەن ساياحاتشى جاي ليڭيۋە.

  بۇدان سىرت، كوكتەم مەرەكەسىن قۇتتىقتاۋ ٴۇشىن، التاي ايماعىنداعى ءار اۋدان، قالا، كورىنىس رايوندارى” شينجياڭدى مادەنيەتپەن نارلەندىرۋ، مەرەكەلىك تىلەك جەتكىزۋ“ ”مادەنيەت-كوركەمونەردى جالعاستىرىپ، كوكتەم مەرەكەسىن شات مەرەيمەن قارسى الۋ “ سياقتى باي مازمۇندى مادەنيەت قيمىلدارىن 16 رەت ۇيىمداستىرىپ وتكىزىپ، ءداستۇرلى مادەنيەتتى، بەيزاتتىق مادەني مۇرالاردى ساۋلەلەندىرۋدى نەگىزگى مازمۇن ەتكەن حالىقتىق ادەبيەت-كوركەمونەردىڭ نۇر شۇعىلاسىن شاشىپ، ”مادەنيەت+ساياحات“ ”بەيزاتتىق مادەني مۇرا+ساياحاتتى“ ۇشتاستىرۋ ارقىلى كوكتەم مەرەكەسى ساياحاتىن بارىنشا جانداندىردى.سونىمەن بىرگە، ٴتۇرلى قيمىلدار جەلىدە، جەلىدەن تىس تاسىلدەر ارقىلى بۇقارانىڭ تاماشالاۋىنا باعىتتالىپ، اقپارات قۇرالدارىندا حابارلاۋ مولشەرى 1800 گە، دوۋيىن، كۋايشوۋ سياقتى قىسقا كەسكىن تەكشەلەرىندەگى كورىلىمى 120ميلليون رەتكە،ٴتۇرلى ءۇنحات تەكشەسى ماقالالارىنىڭ كورىلىمى 20ميلليون رەتكە جەتتى.

  التاي ايماعىنداعى ٴارقايسى كورىنىس رايوندارى قاتىستى تالاپتارعا قاتاڭ بويسۇنىپ، ىندەتتەن ساقتانۋ-تىزگىندەۋدىڭ ۇدايىلانعان شارالارىن قاتاڭ تياناقتاندىرىپ، ىندەتتەن ساقتانۋ-تىزگىندەۋ، كورىنىس رايونىنا تەگىن كىرۋ، ساياحات حاۋىپسىزدىگى جانە ءتارتىپتى قورعاۋ سياقتى قاتىستى قىزمەتتەردى باقىلاۋ-تەكسەرۋ سەرپىنىن ارتتىرىپ، حاۋىپسىزدىك شارالارىن كۇشەيتتى. سونىمەن بىرگە، ٴارقايسى كورىنىس رايوندارى توراپتا الدىن الا كەلىسۋ، شىن اتى-جونىمەن تىزىمدەۋ، دەنە تەمپەراتۋراسىن ولشەۋ، كۇندەلىكتى زارارسىزداندىرۋ، جولاۋشىلار سانىن تىزگىندەۋ سياقتى قىزمەتتەردى جاقسى ىستەۋمەن بىرگە، حاۋىپ-قاتەردەن ساقتانۋ شارالارىن كۇشەيتىپ، ورماندى ورتتەن ساقتاۋ، كوڭىل اشۋ قۇرىلعىلارىنىڭ حاۋىپسىزدىگىن تەكسەرۋ سياقتى قىزمەتتەردى ويداعىداي ىستەدى.

  اۋدارعان: جانار قاناپيا قىزى، ءاننا اكىمقان قىزى

جاۋاپتى رەداكتور: ەسبول قاجىكەرىم ۇلى