التاي قالاسى مەرەكەنى ۇنەمشىلدىكپەن، مادەنيەتتى وتكىزدى

  التاي قالاسى مەرەكەنى ۇنەمشىلدىكپەن، مادەنيەتتى وتكىزدى

  ەرىكتى ءتىلشى جاڭ يۋانيۋان حابارلايدى. بيىلعى كوكتەم مەرەكەسىندە، ىندەتتەن ساقتانۋ-تىزگىندەۋدى ۇدايلاندىرۋ تالابى بويىنشا، «تۇرعان جەرىندە كوكتەم مەرەكەسىن وتكىزۋ» مەرەكەنىڭ مەرەيىن اسىرىپ قالماستان، اس اسىرماۋ قيمىلى، ەرىكتى قىزمەت وتەۋ، وركەنيەتتى ساياحات سياقتى قيمىلدار كوكتەم مەرەكەسىنىڭ جاڭاشا سالتىنا اينالدى.

  ەرىكتى قىزمەت وتەپ، مەيىرگە تولى مەرەكە وتكىزدى

  كوكتەم مەرەكەسى كەزىندە، التاي قالاسى ەرىكتى قىزمەت وتەۋ قيمىلىن كەڭ كولەمدە ورىستەتىپ، جاڭا ءداۋىر وركەنيەت امالياتى ورتالىعىنداعى ەرىكتى قىزمەت وتەۋ اترەتتەرىنىڭ كۇشىن تولىق ساۋلەلەندىرىپ، ەرىكتىلەردىڭ ىندەتتەن ساقتانۋ-تىزگىندەۋ، كۇزەتتە تۇرۋ سياقتى ەرىكتى قىزمەت وتەۋ قيمىلدارىنا بەلسەنە ات سالىسۋىنا مۇمكىندىك جاساپ، ٴىس جۇزىندىك ارەكەتتەرى ارقىلى ءمورال ۇلگىلەرى، پاناسىز قارتتار، قيىنشىلىعى بار بۇقارا، تۇرعان جەرىندە مەرەكە وتكىزگەن باتىس بولەك جوسپارى ستۋدەنت ەرىكتىلەرى قاتارلىلارعا وتباسىنىڭ جىلۋلىعىن سەزىندىرىپ، مەرەكەلىك ىزگى تىلەك جەتكىزدى.

        بيىل كوكتەم مەرەكەسىندە كوپتەگەن ادام وتباسىنداعىلارمەن باس قوسا الماعانىمەن، جاڭا ءداۋىر وركەنيەت امالياتى ەرىكتىلەرىنىڭ قامقورلىعىندا، تۇرعان جەرىندە مەرەكە وتكىزگەندەر قارلى مەكەن التايدا مەرەكەنى جاراسىمدى، تىنىش، دۋماندى وتكىزدى.

  مەرەكەنى ۇنەمشىلدىكپەن وتكىزدى

  كوكتەم مەرەكەسىن كوڭىلدى، مادەنيەتتى، ۇنەمشىلدىكپەن وتكىزۋ تاماشا داعدى. بيىلعى مەرەكەدە «ۇنەمشىلدىكتى بۇلجىتپاي اتقارىپ،ىسىراپشىلدىقتى تيۋ»تۋىس-تۋعان،دوس-جارانداردىڭ باس قوسىپ تاماقتانعان كەزىندەگى ورتاق تانىمىنا اينالدى.

       اس اسىرماۋ دارىپتەمەسىنە بەلسەنە ءۇن قوسۋ ٴۇشىن، التاي قالاسىنداعى ءىرى تاعامجايلار قۋىرماشتاردى كىشكەنە تاقسىمەن شىعارىپ، ۇلكەن تاقسىداعى قۋىرماشتاردى جەپ تاۋىسا الماي، اس اسىرۋ سىندى ىسىراپشىلدىق ارەكەتىنەن ساقتاندى. «وركەنيەتتى داستارقان»، «اس اسىرماۋ قيمىلى» قالا تۇرعىندارىنىڭ داعدىسىنا اينالىپ، ورتاق ساقپى-قاسىق ىستەتۋ، لايىقتى تاماق بۇيىرتۋ، اسقان تاماقتى قوراپتاپ اكەتۋ ارەكەتى مەرەكە كەزىندەگى جاڭاشا، وركەنيەتتى تاماقتانۋ سالتىنا اينالدى.

  وركەنيەتتى ساياحاتتاپ، مەرەكەنى شات ـ شادىمان وتكىزدى

  تۇرعان جەرىندە مەرەكە وتكىزۋ دەگەنىمىز ۇيدەن شىقپاۋ دەگەندىك ەمەس، وركەنيەتتى ءجۇرىس-تۇرىس التايداعى قالا تۇرعىندارىنىڭ جاڭاشا سالتىنا اينالىپ، قالا تۇرعىندارى تاماشا وركەنيەت تانىمىن ورناتىپ، كونە داعدىنى سانالى تۇردە وزگەرتىپ، مەرەكە كەزىندە سىرتقا شىعىپ ساياحاتتايتىن تاماشا تۇرمىس ادەتىن قالىپتاستىردى.

  گەنارال تاۋى قار شاڭعى الاڭى، اققايىڭ باقشاسى سياقتى جەرلەردەن قالا تۇرعىندارىنىڭ جەكەلىك قورعانۋدى جاقسى ىستەپ، توپتاسپاي، بەتالدى قوقىر-قوقسىق تاستاماي ساياحاتتاپ جۇرگەنىن، كورىنىس رايونىندا اۆتوكولىكتەر كوپ بولعانىمەن، ءتارتىپتى قاتىناعانىن كورۋگە بولادى.

   التاي قالالىق وداق كوميتەتى التايدا قالىپ كوكتەم مەرەكەسىن وتكىزگەن باتىس بولەك جوسپارى ستۋدەنت ەرىكتىلەرىن ۇيىمداستىرىپ، اققايىڭ باقشاسىندا ساياحات، كوركەمونەر قيمىلدارىن ورىستەتتى، باتىس بولەك جوسپارى ستۋدەنت ەرىكتىسى حۋاڭ جيان بىلاي دەدى: ”دوستارىممەن بىرگە قيمىلعا قاتىناسقانىما توتەنشە قۋانىشتامىن، التاي قالالىق وداق كوميتەتى قامقورلىعىندا بيىلعى مەرەكەنى ماعىنالى، كوڭىلدى وتكىزدىك“.

  توراپتا سيلىقتى جارىس وتكىزىلدى

  وسى رەتكى كوكتەم مەرەكەسىندە، التاي قالاسى مادەنيەتپەن حالىققا تيىمدىلىك جاساۋعا قىزمەت وتەۋ قيمىلدارىن ورىستەتىپ، مادەنيەت ارقىلى تاربيەلەيتىن وركەنيەتتى جاڭا سالت قالىپتاستىرىپ، ءار ۇلت بۇقاراسىنىڭ مادەنيەتتى مەرەكە وتكىزۋىنە مۇمكىندىك جاسادى.

  التاي قالالىق كىتاپحانا «تۇرعان جەرىندە مەرەكە وتكىزۋ» دارىپتەمەسىنە ٴۇن قوسىپ، سوتسياليستىك وزەكتى قۇن كوزقاراسىن بارىنشا ساۋلەلەندىرۋدى، بۇقارانىڭ رۋحاني مادەنيەت تۇرمىسىن بايىتۋدى ماقسات ەتە وتىرىپ، «ءبىزدىڭ جۇڭگو ارمانىمىز ــ مادەنيەتتى سان مىڭداعان وتباسىنا جەتكىزۋ» تاقىرىپتىق قيمىلىن ورىستەتىپ، جاڭالىق اشۋ ءتاسىلىن قولدانىپ، جەلىدە «بۇلت مادەنيەتىن» العا قويىپ، ءار ۇلت بۇقاراسىنىڭ جەلىدە كوكتەم مەرەكەسىن وتكىزۋىنە مۇمكىندىك جاسادى.

        ۇعىسۋعا قاراعاندا، التاي قالالىق كىتاپحانا 2-ايدىڭ 8-كۇنىنەن 28-كۇنىنە دەيىن، «التىنتاۋدى مادەنيەتپەن نارلەندىرىپ، كوكتەم مەرەكەسىندە كىتاپ وقۋ» اتىنداعى توراپتا سۇراققا جاۋاپ بەرۋ سيلىقتى قيمىلىن وتكىزىپ، الدىڭعى 50 ورىندى يەلەگەن وقىرماندارعا تارتۋ سيلايدى ەكەن.

  وسى رەتكى قيمىل ارقىلى بۇقارانىڭ مادەنيەت قاجەتىن قاناعاتتاندىرىپ، كىتاپ وقۋ اۋەسكەرلەرىنىڭ بەلسەندىلىگىن ارتتىرىپ قالماستان، بۇقارانىڭ جەلىدە جانە جەلىدەن تىس قيمىلدارعا قاتىناسىپ، مەرەكەنى كوڭىلدى وتكىزۋلەرىنە مۇمكىندىك جاسادى.

  اۋدارعان : ءاننا اكىمقان قىزى

جاۋاپتى رەداكتور: ەسبول قاجىكەرىم ۇلى