كوكتەم مەرەكەسىندە نەلىكتەن بالالارعا مەرەكەلىك اقشا سيلايدى

كوكتەم مەرەكەسىندە نەلىكتەن بالالارعا مەرەكەلىك اقشا سيلايدى

  بالالارعا مەرەكەلىك اقشا بەرۋ جوسىنىنىڭ قالىپتاسۋى جونىندە ٴبىر اڭىز بار: ەرتە زاماندا بالالارعا قاستاندىق كەلمەس ٴۇشىن، ادامدار تاڭ اتقانشا شىراق جاعىپ، تاڭ اسىرۋمەن بىرگە مىس جارماقتاردى جاس بالالاردىڭ جاستىعىنىڭ استىنا قويىپ اماندىق تىلەيدى ەكەن. بالالارعا مەرەكەلىك اقشا بەرۋ سالتى ميڭ، چيڭ پاتشالىقتارى تۇسىندا كەڭىنەن جالپىلاسقان، ول كەزدەردە بالالارعا بەرىلەتىن مەرەكەلىك جارماق اقشالار قىزىل جىپكە وتكىزىلىپ بەرىلەتىن.

  چيڭ پاتشالىعى كەزىندە جاساعان فۋچاي گۋوچۇڭنىڭ «يانجيڭداعى كۇندەر» دەگەن كىتابىندا: «قىزىل جىپكە جارماقتاردى تىزبەكتەپ، بالا توسەگىنىڭ سيراعىنا بايلاپ قويادى، مۇنى اماندىق تىلەيتىن اقشا دەپ اتايدى، جاسى ۇلكەن كىسلەر جاس بالالارعا اقشا سيلايدى، مۇنى مەرەكەلىك اقشا ساۋعا دەپ اتايدى» دەپ جازعان. مەرەكەدە سيلاعان اقشانى ۇلكەندەردىڭ بالالارعا سيلاعان «اماندىق تىلەگى» دەۋگە دە بولادى، وسى ارقىلى جاڭا ٴبىر جىلدا بالالاردىڭ دەنىنىڭ ساۋ، باقىتتى بولۋىن تىلەگەن جاقسى كوڭىلىن بىلدىرەدى.

جاۋاپتى رەداكتور: قارلىعاش ءماۋلىت قىزى