”ۋينان قارا تاۋىعى“نىڭ جەرگىلىكتى جۇمىرتقاسى المۇرت قالاسى بازارىنا ەندى

  تيانشان تورىنىڭ حابارى. (ءتىلشى لي ليڭ، ەرىكتى ءتىلشى ني حايشيا حابارلايدى) تاياۋدا، ٴتىلشى لوپنۇر اۋدانى تارىم اۋىلى نانحايزى قىستاعىنداعى ياۋلۇڭ باعىمشىلىق شارۋالار سەلبەستىك كووپەراتيۆىنە باردى، قىزمەتكەرلەر تاۋىق ۇياداعى جۇمىرتقانى تەرۋىمەن ابىگەر.

  «بۇل توپتاعى بالاپاندار قارا الاقات پەن الاقات جاپىراعىن جەپ وسەتىندىكتەن، جۇمىرتقا اعى قويۋ، جۇمىرتقا سارىسى التىن سارى بولىپ، بازاردىڭ قارسى الۋىنا يە بولدى. قاراڭىزشى، بۇل جۇمىرتقالارعا كورلاداعى 13 ٴىرى، ورتا تۇرپاتتى ەرەن بازارلار الدىن الا زاكار بەرىپ بولدى“،-دەدى لوپنۇر اۋدانى تارىم اۋىلى نانحايزى قىستاعىنىڭ ٴبىرىنشى شۋجيى لي جىنحاي ماقتانىشپەن.

  لوپنۇر اۋدانى تارىم اۋىلى نانحايزى قىستاعىنىڭ ەگىستىك جەرى از، قىستاق كوللەكتيۆ ەكونوميكاسى ٴالسىز. قىستاق كوللەكتيۆىنىڭ ەكونوميكاسىن كۇشەيتىپ، قىستاق تۇرعىندارىنىڭ باعىمشىلىق ارقىلى كىرىستەرىن ارتتىرۋى ٴۇشىن، 2019 - جىلى، نانحايزى قىستاعى قىستاق پارتيا ياچەيكاسىن باستاپ سەلبەستىك كووپەراتيۆىن قۇرۋ ۇلگىسى ارقىلى ياۋلۇڭ باعىمشىلىق شارۋالار سەلبەستىك كووپەراتيۆىن باستاماشىلدىقپەن قۇرىپ باعىمشىلىق نەگىزى بار 12 قىستاق تۇرعىنىنا جارنا قوستىردى سونىمەن بىرگە، ارحيۆ تۇرعىزىلىپ، كارتچكالاندىرىلعان 5 كەدەي وتباسىن باعىمشىلىققا قاتىناستىرىپ، تۇسكەن كىرىمدى بولىپ بەرۋ ارقىلى ولاردىڭ كىرىسىن ارتتىردى.

  لي جىنحاي بىلاي دەپ تانىستىردى: كووپەراتيۆ قارا الاقاتتى تەرىپ تاۋىقتارعا بەرەدى، وسىلاي بولعاندا جەرلىك تاۋىقتىڭ ەتى شىمىر، جۇمىرتقاسىنىڭ ٴدامى ٴتىل ۇيىرەتىن بولىپ، بازار تۇتىنۋشىلارىنىڭ جاقسى باعاسىنا يە بولدى، سەلبەستىك كووپەراتيۆى تاعى ”ۋينان قارا تاۋىعى“نىڭ جەرگىلىكتى جۇمىرتقا ماركاسىن تىركەتتى.

جاۋاپتى رەداكتور: ەسبول قاجىكەرىم ۇلى