كەدەيلىكتەن ارىلتۋدان قامال الۋ تابىستارىنىڭ تيانشان الابىنا تيىمدىلىك جەتكىزۋىنە مۇمكىندىك جاسايىق

  پارتيا ورتالىق كوميتەتى شينجياڭنىڭ كەدەيلىكتەن ارىلتۋدان قامال الۋ قىزمەتىنە وسكەلەڭ ءمان بەردى، كاسىپ سالاسى ارقىلى كەدەيلەردى سۇيەمەلدەۋ، قونىس جاڭالاپ كەدەيلەردى سۇيەمەلدەۋ، وقۋ - اعارتۋ ارقىلى كەدەيلەردى سۇيەمەلدەۋ قاتارلى جاقتاردا كورنەكتى ناتيجەلەرگە قول جەتتى −

  كەدەيلىكتەن ارىلتۋدان قامال الۋ تابىستارىنىڭ تيانشان الابىنا تيىمدىلىك جەتكىزۋىنە مۇمكىندىك جاسايىق

  حالىق گازەتىنىڭ ءتىلشىسى جياڭ جيە

  ”بۇرىن قىس كەلگەندە اتىز باسىندا جۇمىس قالماي، ۇيدە بوس جاتاتىنمىن. بيىل قىستا ءۇي ماڭىنداعى زاۆودتا قىزمەت ىستەپ، اقشا تاۋىپ قانا قالماستان، ۇيگە دە قارايلاستىم، كەرەمەت بولدى“. جۋىقتا شينجياڭ ۇيعۇر اۆتونوميالى رايونى اقسۋ ايماعى توقسۋ اۋدانى جەڭىل ونەركاسىپ باقشا رايونىنداعى كونتينەرلىك قالتا ءوندىرۋ سەحىندا سۋلياۋ كونتينەرلىك قالتا تىگۋمەن قاربالاستاپ جاتقان مارگۇل اپەز وسىلاي دەدى. مارگۇل توقسۋ اۋدانى تاسارىق قالاشىعى جاڭا اۋات قىستاعىنداعى ارحيۆ تۇرعىزىلىپ، كارتچكالاندىرىلعان كەدەي شارۋا. جۋىقتاعى ءبىر ايدا ول ءار كۇنى تاڭەرتەڭ ەرتە بالاسىن مەكتەپكە جەتكىزگەن سوڭ، زاۆود سەحىنا جۇمىسقا بارىپ تۇردى، ءۇيدىڭ كىرىسى دە بىردەن ايتارلىقتاي كوبەيدى.

  پارتيانىڭ 18 - قۇرىلتايىنان، اسىرەسە، 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭنىڭ كەدەيلىكتەن ارىلتۋدان قامال الۋ قىزمەتىنە وسكەلەڭ ءمان بەرىپ، شينجياڭنىڭ، اسىرەسە، وڭتۇستىك شينجياڭنىڭ كاسىپ سالاسى ارقىلى كەدەيلەردى سۇيەمەلدەۋ، قونىس جاڭالاپ كەدەيلەردى سۇيەمەلدەۋ، وقۋ - اعارتۋ ارقىلى كەدەيلەردى سۇيەمەلدەۋ، نەگىزدىك قۇرىلعىلار قۇرىلىسى، قالا - قالاشىق قامتاماسىزدىق سيپاتتى بەيقۇت ءۇي قۇرىلىسى جانە اۋىل - قىستاق بەيقۇت ءۇي قۇرىلىسى، اۋىز سۋ حاۋىپسىزدىگىن قامتاماسىز ەتۋ، ەكولوگيا ارقىلى كەدەيلەردى سۇيەمەلدەۋ، سونداي - اق شەكاراداعى كەدەيلىكتەن ارىلتۋدان قامال الۋ جاقتارىندا كورنەكتى تابىستارعا جەتۋىن ىلگەرىلەتتى.

  پارتيا ورتالىق كوميتەتى بەيىمدەلۋ، قولداۋ تەبىنىن ارتتىرىپ، كاسىپ سالاسى ارقىلى سۇيەمەلدەۋ ەرەكشە ساياساتىن شىعاردى

  پارتيا ورتالىق كوميتەتى وڭتۇستىك شينجياڭداعى 4 ايماق - وبلىستى ”ءۇش رايون، ءۇش وبلىس“ كولەمىنە ەنگىزىپ، ءتۇيىندى قولداۋ كورسەتىپ، قارجى، نىسان، ساياسات سياقتى جاقتاردا بەيىمدەلۋ، قولداۋ تەبىنىن ارتتىردى. 2014 - جىلدان 2019 - جىلعا دەيىن ورتالىق قازىنا شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانىنا قازىنادان وتكەرمەلەپ تولەگەن قارجى 263 ميلليارد 690 ميلليون يۋاننان 422 ميلليارد 480 ميلليون يۋانعا ارتىپ، جىلدىق ورتاشا ارتۋى %10.4 بولعان، 6 جىلدا شينجياڭعا جالپى 2 تريلليون يۋاننان استام كومەك كورسەتىلىپ، قارجى جاعىندا تۇگەلدەي وڭتۇستىك شينجياڭعا بەيىمدەلگەن. 2020 - جىلى 11 - ايدىڭ 14 - كۇنى شينجياڭ ۇيعۇر اۆتونوميالى رايوندىق حالىق ۇكىمەتى بىلاي دەپ حابارلاندىردى: وڭتۇستىك شينجياڭدى قامتىعان تۇتاس شينجياڭ تۇگەلدەي كەدەيلىكتەن ارىلدى، جالپى 3 ميلليون 89 مىڭ ادام كەدەيلىكتەن ارىلدى، 3666 كەدەي قىستاق كەدەيلىك تىزىمىنەن شىعارىلدى، 32 كەدەي اۋدان كەدەيلىك قالپاعىن الىپ تاستادى.

  شينجياڭ جىبەك جولى ەكونوميكالىق بەلدەۋىنىڭ وزەكتى رايونى رەتىندە، ورىن ابزالدىلىعىنا يە، بايلىق مول دا شوعىرلى، دامۋ نەگىزىن ازىرلەگەن. پارتيا ورتالىق كوميتەتى شينجياڭنىڭ وڭىرلىك جاعدايىنىڭ ءىس جۇزىندىگىمەن بىرلەستىرە كاسىپ سالاسى ارقىلى سۇيەمەلدەۋ ەرەكشە ساياساتىن شىعارىپ، كاسىپ سالاسىن دامىتىپ، جۇمىستانۋدى ارتتىرۋدى كەدەيلىكتەن ارىلتۋدان قامال الۋدىڭ ماڭىزدى بۋىنى ەتتى، بۇكىل شينجياڭدا قالا - قالاشىقتاردا جاڭادان جۇمىستانعانداردىڭ سانى جىلىنا ورتا ەسەپپەن 450 مىڭ ادام - رەتكە جەتىپ، باسقا سالاعا ويىستىرىپ جۇمىستاندىرۋ بويىنشا اۋىل - قىستاق ارتىق ەڭبەككۇشتەرىنەن جىلىنا ورتا ەسەپپەن 2 ميلليون 700 مىڭ ادام - رەت جۇمىستانعان.

  − شينجياڭ توقىماشىلىق، كيىم - كەشەك كاسىپ سالاسىنىڭ دامۋىن قولدايتىن قولداۋ ساياساتىن شىعاردى. شينجياڭ ماقتاسىنىڭ ءتۇسىمى جوعارى، ساپاسى تاماشا بولۋداي وزگەشە ابزالدىلىعىن تولىق ويلاستىرىپ، «شينجياڭنىڭ توقىماشىلىق، كيىم - كەشەك كاسىپ سالاسىنىڭ دامۋىن قولداپ، جۇمىستانۋدى جەبەۋ جونىندەگى جەتەكشى پىكىردى» باسىپ تاراتىپ، توقىماشىلىق، كيىم - كەشەك كاسىپ سالاسىن دامىتۋ ارناۋلى قارجىسىن تاعايىندادى، ورتالىق قازىنا ءار جىلى 2 ميلليارد يۋان ورنالاستىردى ءارى ارتقان قۇن باجىسىن قايتارۋ، قوعامدىق قامتاماسىزداندىرۋ جانە باۋلۋ كومەك قاراجاتى، تاسىمال قوسىمشا قاراجاتى، ەلەكتر اقىسى سياقتى جاقتاردا ءتيىمدى ساياسات جۇرگىزدى. 2019 - جىلى شينجياڭ توقىماشىلىق، كيىم - كەشەك كاسىپ سالاسىنىڭ دامۋىن قولداۋعا قاتىستى تيىمدىلىك ساياساتىنىڭ اتقارىلۋ مەرزىمىن 2023 - جىلعا دەيىن جالعاستىراتىن بولدى، سونداي - اق تيىمدىلىك جاساۋ كولەمىن ەڭبەك شوعىرلانعان باسقا دا قاتىستى كاسىپ سالالارىنا دەيىن كەڭەيتتى.

  − ساياحات كاسىبىن كۇش سالا دامىتۋ ارقىلى جۇمىستانۋعا تۇرتكى بولدى. 2014 - جىلدان 2019 - جىلعا دەيىن شينجياڭنىڭ ەل ءىشى - سىرتىنان قابىلداعان ساياحاتشى سانى 49 ميلليون ادام - رەتتەن 213 ميلليون ادام - رەتكە كوبەيىپ، ساياحات كىرىسى 65 ميلليارد يۋاننان 363 ميلليارد 300 ميلليون يۋانعا ارتتى.

  − فينانس ارقىلى كەدەيلەردى دالمە - ءدال سۇيەمەلدەۋ تەبىنىن كۇشەيتتى. 2019 - جىلدىڭ سوڭىنا دەيىن شينجياڭ وڭىرىندە فينانس ارقىلى كەدەيلەردى دالمە - ءدال سۇيەمەلدەۋ قارىز اقشا قالدىعى 112 ميلليارد 900 ميلليون يۋان بولدى، مۇنىڭ ىشىندە وڭتۇستىك شينجياڭداعى 4 ايماق - وبلىستا قارىز اقشا قالدىعى 58 ميلليارد يۋان بولدى. سونىمەن بىرگە، فينانس قۇرىلىمدارىن اۋىل شارۋاشىلىعىنا ساياتىن سەنىمدى قارىز تاراتۋعا جەتەكتەدى، 2019 - جىلدىڭ سوڭىنا دەيىن شينجياڭ وڭىرىندە اۋىل شارۋاشىلىعىنا ساياتىن قارىز اقشا قالدىعى 755 ميلليارد 400 ميلليون يۋان بولدى.

  نەگىزدىك قۇرىلعىلار قۇرىلىسىن كەمەلدەندىرۋدى قولداپ، كەدەيلىكتەن ارىلتۋدان قامال الۋعا بەرىك نەگىز قالادى

  شينجياڭنىڭ جەرى كەڭ، دالاسى بايتاق، ادامى سيرەك، نەگىزدىك قۇرىلعىلار قۇرىلىسىن سالۋ كەدەيلىكتەن ارىلۋدا ەرەكشە ماڭىزدى. ورتالىق شينجياڭنىڭ جول - قاتىناس، سۋ يگىلىگى، ەلەكتر تورى سياقتى نەگىزدىك قۇرىلعىلار قۇرىلىسىن كۇش سالا قولداپ، كورنەكتى ونىمدىلىككە جەتتى.

  − شينجياڭنىڭ جول - قاتىناس ىستەرىنىڭ دامۋىن قولدادى. ”باييمىن دەسەڭ، الدىمەن جول جاسا“. 2019 - جىلدىڭ سوڭىنا جەتكەندە شينجياڭ وڭىرىندە پويەز قاتىنايتىن تەمىر جولدىڭ جالپى ۇزىندىعى 6900 كيلومەترگە جەتىپ، بۇكىل شينجياڭداعى 14 ايماق، وبلىس، قالادا تەمىر جولدىڭ ءوزارا ۇلاسۋىن، تۇتاسۋىن جۇزەگە اسىردى، بارلىق ايماق، وبلىس، قالا جوعارى جىلدامدىقتى تاس جول داۋىرىنە ءوتتى. ياركەن قاتارلى 3 اۋەجاي جاڭادان سالىنىپ، ۇشاق قاتىناپ، شينجياڭ وڭىرىندە حالىقتىق تاسىمال اۋەجايىنىڭ سانى 2014 - جىلعى 16دان 21گە كوبەيىپ، ورنالاسۋى ۇيلەسىمدى، فۋنكتسياسى كەمەلدى اۋەجاي تورى جۇيەسى العاشقى قادامدا قالىپتاستى.

  − شينجياڭنىڭ سۋ يگىلىگى ىستەرىنىڭ دامۋىن قولدادى. ورتالىق سۋ يگىلىگى بويىنشا جالپى 77 ميلليارد 300 ميلليون يۋان قارجى قوستى، شينجياڭدا 16 ينجەنەريا مەملەكەتتىڭ سۋ ۇنەمدەۋ، سۋ جەتكىزۋ جونىندەگى 172 ەلەۋلى سۋ يگىلىگى ينجەنەرياسى قاتارىنا ەنگىزىلدى، قازىر بارلىعىندا جۇمىس باستالىپ، جۇمىس باستاۋ سانى بۇكىل ەلدىڭ الدىڭعى قاتارىندا تۇر. داشىشيا سۋ يگىلىگى تورابى، يۇرۇڭقاش سۋ يگىلىگى تورابى سياقتى تاۋلى وڭىردەگى تىزگىندەۋ سيپاتتى سۋ قويمالارى قۇرىلىسى باستالدى. ارتاش سۋ يگىلىگى تورابى سالىنىپ ىسكە قوسىلىپ، ياركەن وزەنىندەگى سۋ اپاتىن الاستاپ، جاعاسىنداعى 2 ميلليون 400 مىڭ بۇقارانى يگىلىكتەندىردى.

  − شينجياڭنىڭ ەلەكتر ۇلەستىرۋ تورى قۇرىلىسىن جاڭالاۋدى جەدەل جۇرگىزدى. 2014 - جىلدان بەرى ارناۋلى قۇرىلىس قورىنان 640 ميلليون يۋان ورنالاستىردى؛ اۋىل - قىستاق ەلەكتر تورىن جاڭالاپ، دارەجەسىن ءوسىرۋدى كۇش سالا قولداپ، اۋىل - قىستاق ەلەكتر تورىن جاڭالاپ، دارەجەسىن وسىرۋگە ورتالىق مەجە ەسەپ جوسپارى بويىنشا 23 ميلليارد يۋان قارجى قوسۋدى ورنالاستىردى؛ وڭتۇستىك شينجياڭنىڭ كومىردىڭ ورنىنا ەلەكتر پايدالانۋ ينجەنەرياسىن بەلسەنە قولداپ، 338 مىڭ وتباسىندا جاڭالاۋ ءجۇرىلدى؛ قايتا تۋىندايتىن ەنەرگيا عىلمي، تارتىپپەن دامىتىلىپ، 2019 - جىلدىڭ سوڭىندا شينجياڭدا قايتا تۋىندايتىن ەنەرگيا ەلەكتر كۇشى گەنەراتور اگراگاتتارىنىڭ جالپى سيىمدىلىعى 37 ميلليون 530 مىڭ كيلوۆات بولىپ، گەنەراتور جالپى سيىمدىلىعىنىڭ %38.7ىن يەلەدى.

  الەۋمەتتىك قىزمەت وتەۋدى بىركەلكىلەندىرۋدى ولشەم ەتىپ، ءار ۇلت بۇقاراسىنىڭ تۇرمىسىن كورنەكتى جاقسارتتى

  جاقىنعى جىلداردان بەرى پارتيا ورتالىق كوميتەتى الەۋمەتتىك قىزمەت وتەۋدى بىركەلكىلەندىرۋدى ولشەم ەتىپ، ساياسات جانە قارجى جاعىنان قولداۋ تەبىنىن ۇزدىكسىز كۇشەيتىپ، قوعامدىق ىستەردىڭ دامۋىن بەلسەندىلىكپەن ىلگەرىلەتتى، شينجياڭداعى ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.

  − وقۋ - اعارتۋ ىستەرىنىڭ جەدەل دامۋىن قولدادى. 2019 - جىلى شينجياڭنىڭ ادەتتەگى الەۋمەتتىك مەجە ەسەپتەگى وقۋ - اعارتۋ قاراجاتى 86 ميلليارد 290 ميلليون يۋانعا جەتىپ، 2014 - جىلداعىدان %50.37 ارتىپ، ءار دارەجەلى، ءار تۇردەگى مەكتەپتەردىڭ وقىتۋ جۇرگىزۋ شارت - جاعدايى ۇزدىكسىز جاقساردى. ورتالىقتىڭ ەرەكشە قىزمەت ورنىنا ۇسىنىس ەتىلگەن وقىتۋشىلار جوسپارىن جانە اۆتونوميالى رايوننىڭ ەرەكشە قىزمەت ورنىنا ۇسىنىس ەتىلگەن وقىتۋشىلار جوسپارىن جۇرگىزىپ، كادرلاردى وقۋ - اعارتۋعا كومەككە جىبەرۋ، ستۋدەنتتەردى پراكتيكا ارقىلى وقۋ - اعارتۋعا كومەككە جىبەرۋ، شينجياڭعا كومەكتەسەتىن 10 مىڭ وقىتۋشىنى وقۋ - اعارتۋعا كومەككە جىبەرۋ، ”يىنليڭ وقۋ - اعارتۋعا كومەككە جىبەرۋ جوسپارى“ سياقتى قيمىلداردى ورىستەتتى، 2014 - جىلدان بەرى شينجياڭعا جالپى 56 مىڭ وقىتۋشى تولىقتاندى. 2019 - جىلى بۇكىل رايوندا مەكتەپكە دەيىنگى 3 جىلدا بالاباقشاعا كىرۋ جالپى مولشەرى %97.51كە جەتىپ، باستاۋىش مەكتەپتەگى وقۋ جاسىنداعى بالالاردىڭ وقۋعا كىرۋ ناقتى مولشەرى %99.97، ورتالاۋ مەكتەپ ساتىسىنداعى وقۋ جاسىنداعى وسپىرىمدەردىڭ وقۋعا كىرۋ ناقتى مولشەرى %99.78، ورتا مەكتەپ ساتىسىنداعى وقۋعا كىرۋ جالپى مولشەرى %98.82، جوعارى مەكتەپ وقۋ - اعارتۋىنداعى وقۋعا كىرۋ جالپى مولشەرى %46.79 بولىپ، جەكە - جەكە 2014 - جىلداعىدان %25.09، %0.16، %1.41، %14.87، %15.72 ارتتى.

  − قالا - قالاشىق قامتاماسىزدىق سيپاتتى بەيقۇت ءۇي ينجەنەرياسى مەن اۋىل - قىستاق بەيقۇت ءۇي ينجەنەرياسى قۇرىلىسىن كۇشەيتتى. 2014 - جىلدان 2019 - جىلعا دەيىن اۋىل - قىستاق بەيقۇت ءۇي ينجەنەرياسى بويىنشا، ءبىر ميلليون 690 مىڭنان استام ءۇي، قالا - قالاشىق قامتاماسىزدىق سيپاتتى بەيقۇت ءۇي ينجەنەرياسى بويىنشا، ءبىر ميلليون 560 مىڭنان استام ءۇي سالىنىپ، 10 ميلليوننان استام بۇقارا قۋانا - قۋانا جاڭا ۇيلەرگە كوشىپ كىردى. اۋىل - قىستاق اۋىز سۋ حاۋىپسىزدىگى جانە ونى بەكەمدەۋ، دارەجەسىن ءوسىرۋ ينجەنەرياسى جەدەل جۇرگىزىلىپ، 4 ميلليون 620 مىڭ 900 ەگىنشى - مالشىنىڭ اۋىز سۋ حاۋىپسىزدىگى ۇيلەسىمدى شەشىلدى.

  − ەمدەۋ - دەنساۋلىق ساقتاۋ، سالاماتتىق قىزمەت وتەۋىن كۇشەيتتى. قالا، اۋىلداردى قامتىعان نەگىزگى ەمدەۋمەن قامتاماسىز ەتۋ تورى قۇرىلىسىن كۇشەيتىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىس رەفورماسىندا كەزەڭدىك تابىستارعا قول جەتىپ، اۋىل - قالاشىق شيپاحانالارى مەن قىستاق ەمحانالارىنىڭ ولشەمدەنۋ مولشەرى %100كە جەتتى. نەگىزگى الەۋمەتتىك دەنساۋلىق ساقتاۋ ىستەرى قىزمەت وتەۋى بويىنشا جان باسىندىق ورتاشا ولشەم 2014 - جىلعى 35 يۋاننان 2019 - جىلعى 69 يۋانعا جوعارىلادى. مەملەكەتتىڭ نەگىزگى ءدارى - دارمەك تۇزىمىندە تۇتاس قامتۋ جۇزەگە اسىرىلدى، قالا، اۋىل تۇرعىندارىنىڭ نەگىزگى ەمدەۋمەن قامسىزداندىرۋ ءتۇزىمىن بىرىكتىرۋ مەن ولكە اتتاپ باسقا جەردە ەمدەلۋدى بۇكىل ەلدە تۇتاستىرىپ ەسەپ جاساۋ جۇزەگە اسىرىلدى.

  − قالا، اۋىل تۇرعىندارىنىڭ تۇرمىستىق ەلەكتردەن پايدالانۋ، گازدان پايدالانۋ رەفورماسىن ورىستەتتى. 2018 - جىلدان باستاپ شينجياڭدا تۇرعىندار پايدالاناتىن ەلەكتر باعاسى ءبىر تۇتاس ءبىر كيلوۆات ساعاتى 0.39 يۋان، تابيعي گازدىڭ باس پۋنكت باعاسى ءبىر تۇتاس ءبىر تەكشەمەترى 1.04 يۋان بولدى. جالپى ۇزىندىعى 2485 كيلومەترگە جەتەتىن تارىم ويپاتىن اينالعان وڭتۇستىك شينجياڭ تابيعي گاز ارقىلى حالىققا پايدا جەتكىزۋ ينجەنەرياسى سالىنىپ، ىسكە قوسىلدى، كۇندىك گازبەن قامداۋ مولشەرى 2 ميلليون تەكشەمەتردەن استام بولىپ، وڭتۇستىك شينجياڭداعى 4 ايماق - وبلىستاعى نەشە ميلليونداعان بۇقارانىڭ گازدان ورنىقتى پايدالانۋ ماسەلەسىن شەشتى.

  شينجياڭعا باعىتتامالى كومەكتەسۋ تەبىنىن ۇزدىكسىز كۇشەيتىپ، شينجياڭنىڭ ەكونوميكالىق، قوعامدىق دامۋىنا پارمەندى دەم بەردى

  پارتيا ورتالىق كوميتەتى شينجياڭعا باعىتتامالى كومەكتەسۋدى شينجياڭنىڭ ەكونوميكالىق، قوعامدىق دامۋىن ىلگەرىلەتۋدەگى ماڭىزدى ستراتەگيالىق شەشىم ەتتى. 2014 - جىلدان 2019 - جىلعا دەيىن شينجياڭعا كومەكتەسۋشى 19 ولكە جان - جاقتىلى باعىتتامالى كومەكتەسۋدى جالپى بەتتىك كۇشەيتىپ، شينجياڭعا (بيڭتۋاندى قامتيدى) كومەكتەسۋ قارجىسىنان جالپى 96 ميلليارد 400 ميلليون يۋان قوسىپ، شينجياڭعا كومەكتەسۋ نىسانىنان 10 مىڭنان استامىن جۇرگىزدى.

  ىلگەرىندى - كەيىندى شينجياڭ قاشقاردا، حوتاندا 6 - رەتكى، 7 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىن اشىپ، كادر - دارىندى، كاسىپ سالاسى، وقۋ - اعارتۋ، عىلىم - تەحنيكا، ەمدەۋ، مادەنيەت سياقتى جاقتاردا شينجياڭعا كومەكتەسۋدى ىشكەرىلەي ىلگەرىلەتىپ، شينجياڭعا باعىتتامالى كومەكتەسۋدىڭ ۋنيۆەرسال ونىمدىلىگىن ۇزدىكسىز جوعارىلاتتى. تانىستىرۋعا قاراعاندا، 2014 - جىلدان بەرى ءار ءتۇرلى كادر - دارىندىدان جالپى 8965 ادام تاڭداپ جىبەرىلىپ، ءار ءتۇرلى دارىندىدان شامامەن 50 مىڭ ادام - رەت يكەمدىلىكپەن ەنگىزىلگەن.

  كاسىپ سالاسى ارقىلى شينجياڭعا كومەكتەسۋدى كۇشەيتىپ، شينجياڭعا كومەكتەسۋشى ولكە، قالاداعى كاسىپورىنداردان ەنگىزىلگەن ءبىر تريلليون 684 ميلليارد يۋان قارجى تياناقتاندىرىلدى. ورتالىق كاسىپورىندارىنىڭ شينجياڭدا قوسقان قارجىسى 700 ميلليارد يۋاننان اسىپ، ۇستىنە الىپ جۇرگىزۋ نىسانىنىڭ توقتام سوماسى 200 ميلليارد يۋاننان اسىپ، جەرگىلىكتى ورىننان 300 مىڭنان استام ادامدى جۇمىستانۋعا باۋرادى.

  ( 1 - ايدىڭ 11 - كۇنگى «حالىق گازەتىنە» باسىلعان)

جاۋاپتى رەداكتور: ەسبول قاجىكەرىم ۇلى