بۋىرشىن اۋدانى شۇڭقىر قالاشىعى قىراۋلاتقان تاڭعاجايىپ قىس كورىنسى جەر جاناتىنداي

  شۇڭقىر قالاشىعىنىڭ ءبىر بۇرىشى. (2020 - جىلى 12 - ايدىڭ 16 - كۇنى تۇسىرىلگەن) لو ياڭشۋە فوتوسى

  شۇڭقىر قالاشىعى بۋىرشىن اۋدانىنىڭ باتىس سولتۇستىگىنە ورنالاسقان، اۋداننان 70 كيلومەتر قاشىقتىقتا بولىپ، قاناسقا باراردا باسپ وتەتىن جول.

  ءار جىلدىڭ 11 - ايىنىڭ سوڭىنان كەلەر جىلدىڭ 2 - ايىنىڭ سوڭىنا دەيىن، شۇڭقىردىڭ قىراۋلاتقان قىس كورىنىسىنىڭ ەڭ تاماشا مەزگىلى.

  2020 - جىلى 12 - ايدىڭ 16 - كۇنى ۇرىمجىدەن كەلگەن ساياحاتشى ارزىگۇل حالەل: ”مەنىڭ بۋىرشىنعا تۇڭعىش كەلۋىم، تۇڭعىش رەت وسىنداي قالىڭ قاردى، قىراۋ شالعان كورىنىستى كورۋىم، وتە تاماشا، وزگەشە ەكەن“،-دەدى.

  حيلۇڭجياڭ ولكەسىنەن كەلگەن ساياحاتشى ۋ چىڭچۇن: ”مەنىڭ اۋىلىم حيلۇڭجياڭدا، بۇل ارانىڭ قىراۋلاتقان قىس كورىنىسى شىعىس سولتۇستىككە ەرەكشە ۇقسايدى، بەينە ءوز اۋىلىمدا جۇرگەندەي، توتەنشە ىستىق سەزىلدى. ءبىراق، بۇل ارانىڭ كورىنىسى شىعىس سولتۇستىكپەن ۇقسامايدى ەكەن، قىراۋ شالعان اعاشتارى مەن تاۋلارىنىڭ وزىندىك دارا سۇلۋلىعى بار“،-دەدى.

  التاي قالاسىنان كەلگەن فوتو اپپارات اۋەسكەرى دۋمان ماقسات: بۇل ءبىر كۇمىس ءپۇلىس جامىلعان ەرتەگى الەمىندەگى قالاشىقتاي ەكەن،-دەدى.

  بۇگىن اۋا رايى ەرەكشە جاقسى، كوز سۇرىندىرەتىن قىراۋ شالعان كورىنىستىڭ كوبىن اپپاراتقا ءتۇسىرىپ، ءۇنحات دوستىق شەڭبەرىمە شىعارىپ، دوستارىما وسىنداي تاماشا تابيعات كورىنىسىن ورتاقتاستىم، وسى جولعى شۇڭقىرداعى ساياحاتىمدا جاقسى فوتو اپپارات تۋىندى جاراتۋىمدى ءۇمىت ەتەمىن،-دەدى دۋمان.

  شۇڭقىر قالاشىعىنىڭ قىراۋ مەرەكەسى بۋىرشىن اۋدانى قىسقى ساياحاتىنىڭ تانىستىرماسىنا اينالدى. ۇعىسۋعا قاراعاندا، بۋىرشىن اۋدانى 2020 - جىلى 11 - ايدان بەرى، قىسقى ساياحاتتا مەجەمەن 288 مىڭ 400 ادام - رەت ساياحاتشى قابىلدادى.

جاۋاپتى رەداكتور: قارلىعاش ءماۋلىت قىزى