ىلە وبلىستىق ۇكىمەت قىزمەتىنەن باياندامانى تالقىلادى

التايدا تۇراتىن ىلە وبىلىستىق ساياسي كەڭەس مۇشەلەرى ىلە وبىلىستىق ۇكىمەت قىزمەتىنەن باياندامانى قىزۋ تالقىلادى

  التاي گازەتىنىڭ جالپىلىق اقپارات قۇرالدارى ءتىلشىسى ياڭ ۋيشۋان، پراكتيكانت چاڭ يرۋ حابارلايدى. 1 ـ ايدىڭ 9 ـ كۇنى تۇستەن بۇرىن، ساياسي كەڭەس اۆتونوميالى وبلىستىق 13 ـ كەزەكتى كوميتەتىنىڭ 5 - ءماجىلىسى التاي بولىمشە ءماجىلىس مايدانىندا ساياسي كەڭەس مۇشەلەرى تەلە ەكىران ءماجىلىسى فورماسىندا ىلە وبىلىستىق 14 ـ كەزەكتى حالىق قۇرىلتايى 5 ـ ءماجىلىسى 1 ـ جالپى جيىنىنا سىرتتاي قاتىناسىپ، «ىلە وبلىستىق ۇكىمەت قىزمەتىنەن باياندامانى» جانە «اۆتونوميالى وبلىستىق حالىق شارۋاشىلىعى مەن قوعامدىق دامۋىنىڭ 14 ـ بەسجىلدىق جوباسى مەن 2035 ـ جىلعا دەيىنگى بولاشاقتىق نىسانا باعدارلاماسىن (جوبا نۇسقا)» مۇقيات تىڭدادى. كوپشىلىك ءبىر جاعىنان تىڭداپ، ءبىر جاعىنان مۇقيات ەستەلىك الدى، ءبىر ـ بىرلەگەن ناقتى ساندى مالىمەتتەر، ءبىر ـ بىرلەگەن ناقتى شارالار، ءبىر ـ بىرلەگەن نىسانالاردىڭ جۇزەگە اسۋى، مۇشەلەرگە وتكەن ءبىر جىلداعى وبلىستىق ۇكىمەتتىڭ ىستەگەن قىزمەتتەرى مەن تۇتاس وبلىستىڭ ەكونوميكا مەن قوعامدى دامىتۋدا قول جەتكىزگەن قۋانارلىق تابىستارىن تولىق ۇعىندىردى.

  ىلە وبلىستىق ساياسي كەڭەس مۇشەسى، التاي ايماقتىق ايەلدەر بىرلەستىگى پارتگرۋپپاسىنىڭ شۋجيى حۋاڭ ليجۇن بىلاي دەدى: ”ەكى بايانداما“ توتەنشە تولىق قورىتىندى جاساعان، نىساناسى ايقىن، تىڭعىلىقتى، دۇرىس، ماعان زور شابىت جانە الداعى قىزمەتتەردى ويداعىداي ىستەۋگە دەگەن زور سەنىم بەردى. جاڭا ءبىر جىلعا كوز تاستاساق، ارقالايتىن جاۋاپكەرلىگىمنىڭ اۋىرلىعىن تەرەڭ سەزىنەمىن، پارتيا 19 ـ كەزەكتى ورتالىق كوميتەتى بەسىنشى جالپى ماجىلىسى جانە 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسى رۋحىن ۇزدىكسىز جەتەكشى ەتىپ، ءار دارەجەلى ايەلدەر بىرلەستىگىنىڭ ۇيىمداستىرۋ رولىن ويداعىداي ساۋلەلەندىرىپ، تۇتاس ايماقتاعى 320 مىڭ ايەلدەر قاۋىمىن جەلەكتەر كۇشىن بەلسەنە ساۋلەلەندىرۋگە جەتەكشىلىك ەتەمىز.

  ىلە وبلىستىق ساياسي كەڭەس مۇشەسى، ايماقتىق جۇڭگوشا ەمشىلىگى شيپاحاناسىنىڭ (ايماقتىق قازاق ەمشىلىگى شيپاحاناسى، التاي قالالىق جۇڭگوشا ەمشىلىگى شيپاحاناسى) ورىنباسار اۋدان دارەجەلى كادرى، اعا شپياگەر كۇلاشقان قادىلبەك قىزى بىلاي دەدى: ءبىر ساياسي كەڭەس مۇشەسى جانە ەمدەۋ قىزمەتكەرى بولعاندىعىمنان، وزىندىك ابزالدىلىعىمدى بەلسەنە ساۋلەلەندىرىپ، نەگىزگى ساتى ەمدەۋ دەنساۋلىق ساقتاۋ جاعىنداعى تاجىريبەلەرىمدى ىرىقتىلىقپەن قورىتىندىلاپ، ولقىلىقتار مەن جەتەرسىزدىكتەردى تاۋىپ شىعىپ، ۇيلەسىمدى ۇسىنىس ـ جوبالاردى ورتاعا قويىپ، ايماقتىڭ ەمدەۋ ـ دەنساۋلىق ساقتاۋ ىستەرىنىڭ ورنىقتى دامۋىنا كەپىلدىك ەتۋگە قۇلشىنامىن.

  ىلە وبلىستىق ساياسي كەڭەس مۇشەسى، جەمەنەي اۋداندىق ساياسي كەڭەس پارتگرۋپپاسىنىڭ ورىنباسار شۋجيى، ءتوراعاسى بالتاباي تالعاتبەك ۇلى بىلاي دەدى: ۇكىمەت قىزمەتىنەن بايانداما جالپى وبلىستىڭ وتكەن ءبىر جىلدا ەكونوميكا مەن قوعامدى دامىتۋ جاعىندا قول جەتكىزگەن تابىستارىن جاپپاي قورىتىندىلاپ، كوز الداعى قىزمەتتەردەگى ساقتالعان جەتەرسىزدىكتەر مەن بوگەتتەرگە وبيەكتيك تالداۋ جاساپ، جاڭا ءبىر جىلداعى نەگىزگى قىزمەت مىندەتىن ايقىن العا قويىپ، جۇيەلى، ايقىن، شارالارى جۇزەگە اسارلىقتاي، جالپى وبلىستىڭ دامۋ ءىس جۇزىندىگىنە ۇيلەسەدى، جوعارى دارەجەلى، جەرگىلىكتى جاعدايعا ۇيلەسەتىن قىزمەت بايانداماسى. بۇدان بىلاي، وبلىستىق ۇكىمەت قىزمەتىنەن باياندامادا العا قويعان نىسانا ـ مىندەتىنە ساي، بەلسەنە اقىل ـ كەڭەس بەرىپ، مىندەتىمدى ادا ەتىپ، ناقتى ناتيجە جاراتۋدى شىنايى كۇشەيتىپ، ايماقتىڭ ەكونوميكاسى مەن قوعامىنىڭ دامۋىنا جانە قوعام ورنىقتىلىعىنا ۇلەس قوسامىن.

جاۋاپتى رەداكتور: ەسبول قاجىكەرىم ۇلى