التاي ۋاكىلدەرى «ۇكىمەت قىزمەتىنەن باياندامانى» مۇقيات قارادى

التاي ايماعىنىڭ ۋاكىلدەر ۇيىرمەسى «ۇكىمەت قىزمەتىنەن باياندامانى» مۇقيات قارادى

  التاي گازەتىنىڭ جالپىلىق اقپارات قۇرالدارى ءتىلشىسى ياڭ ۋيشۋان، پراكتيكانت چاڭ يرۋ حابارلايدى. 1-ايدىڭ 9-كۇنى تۇستەن كەيىن، التاي ايماعىنىڭ ۋاكىلدەر ۇيىرمەسى گرۋپپالارعا ءبولىنىپ ىلە قازاق اۆتونوميالى وبلىسىنىڭ باستىعى قۇرماش سىرجان ۇلىنىڭ ىلە قازاق اۆتونوميالى وبلىستىق 14 ـ كەزەكتى حالىق قۇرىلتايى 5 ـ ماجىلىسىندە جاساعان «ۇكىمەت قىزمەتىنەن باياندامانى» جانە «ىلە قازاق اۆتونوميالى وبلىسىنىڭ 2020 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە2021 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ جوبا نۇسقاسى بايانداماسىن»، «ىلە قازاق اۆتونوميالى وبلىسىنىڭ 2020 ـ جىلعى قازىنالىق مەجە ەسەبىنىڭ اتقارىلۋ جاعدايى جانە 2021 ـ جىلعى قازىنالىق مەجە ەسەپ جوبا نۇسقاسى بايانداماسىن» قارادى.

  باياندامانى قاراۋ بارىسىندا، ۋاكىلدەر ءبىر اۋىزدان «ۇكىمەت قىزمەتىنەن باياندامانىڭ» وي جەلىسى ايقىن، وبيەكتيۆ، ناقتىلى، بۇقاراعا جاقىن بولدى. باياندامادا 2020-جىلدان بەرى ءتۇرلى قىزمەتتە قول جەتكىزگەن تابىستاردى قورىتىندىلاپ، بۇدان كەيىنگى قىزمەت جونىندە ناقتى مىندەتتەرى مەن تالاپتاردى العا قويىپ، قۇتتى مەكەن جاڭا ىلە قۇرۋ ءۇشىن ايقىن جٶسپار جانە دامۋ باعىتىن العا قويىپ، وبلىسىمىزداعى ءار ۇلت كادرلارى مەن بۇقاراسىنىڭ بۇدان كەيىنگى تۇرمىسقا بولعان سەنىمى مەن ارمانىن بەكەمدەي ءتۇستى دەدى.

  بۋىرشىن اۋداندىق حالىق قۇرىلتايى تۇراقتى كوميتەتىنىڭ مەڭگەرۋشىسى جاناربەك سەتەرقان ۇلى باياندامانى قاراۋ بارىسىندا بىلاي دەدى: ۇكىمەت قىزمەتىنەن بايانداما ”13-بەسجىلدىق“ كەزىندەگى وبلىسىمىزدىڭ ءتۇرلى قىزمەتتەرى مەن قول جەتكىزگەن تابىستارىن وبيەكتيۆ، جالپى جاقتان قورىتىندىلادى، سونىمەن بىرگە، ”14-بەسجىلدىق“ جوباعا جوسپار جاسادى، ورتاق تانىم ۇيىستىرعان، جۇرت جۇرەگىن جىگەرلەندىرگەن، ادامدى العا باسۋعا جەتەلەيتىن جاقسى بايانداما بولدى. ىلە قازاق اۆتونوميالى وبلىستىق حالىق قۇرىلتايىنىڭ ۋاكىلى بولعان مەن اۋدانىمىزداعى ءار ۇلت كادرلارى مەن بۇقاراسىن جالعاستى ىنتىماقتاستىرىپ باستاپ، حالىق قۇرىلتايى ۋاكىلىنىڭ رولىن بەلسەنە ساۋلەلەندىرىپ، ”14-بەسجىلدىق“ جوبادا العا قويىلعان نىسانا مەن مىندەتتەردى جۇزەگە اسىرۋ ءۇشىن ۇزدىكسىز قۇلشىنامىن.

  بيڭتۋان 10-شى 185 ـ تۋانى 4-ليانىنىڭ قىزمەتكەرى ما جۇن-ۋ بىلاي دەدى: باياندامانىڭ مازمۇنى باي، جۇرت جۇرەگىن سەرپىلتەدى. وتكەن ءبىر جىل وزگەشە ءبىر جىل بولدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ بارعان سايىن قۇدىرەتتەنگەنىن شىنايى سەزىندىم. باياندامانى تىڭداعاننان كەيىن تەرەڭ شابىت الدىم، شەكارا قورعاۋشى رەتىندە بۇدان كەيىنگى تۇرمىس بارىسىندا، ساياسي دەڭگەيىمدى ءتىپتى دە جوعارىلاتىپ، قىزمەت جاۋاپكەرلىگىمدى ايقىنداپ، قىزمەتتىڭ كىرىسۋ ءتۇيىنىن ءداپ باسىپ تاۋىپ، مىندەتتى ادا ەتۋ ورەمدى شىنايى جوعارىلاتىپ، مەملەكەت ءۇشىن شەكارانى ويداعىداي كۇزەتىپ، حالىقتىڭ باقىتىنا قورعاۋشى بولامىن.

  بۋىرشىن اۋدانى ويماقى قالاشىعى قاق قىستاعى پارتيا ياچەيكاسىنىڭ شۋجيى حۋاڭ جينيۋان بىلاي دەدى: ۇكىمەت قىزمەتىنەن باياندامادا ىلە قازاق اۆتونوميالى وبلىسىنىڭ وتكەن جىلداعى ەكونوميكالىق، قوعامدىق دامۋ تابىستارى مەن جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى كەلەلى ستراتەگيالىق ناتيجەلەرىن شىندىقتى ءىس جۇزىنەن ىزدەي وتىرىپ قورىتىندىلاپ، ءدوپ كەلىپ وتىرعان قيىنشىلىقتار مەن ماسەلەلەرگە وبيەكتيۆ تالداۋ جاساپ، ”14 ـ بەسجىلدىق“ كەزىندەگى قىزمەت مىندەتتەرى مەن تالاپتارىنا جاپپاي جوسپار جاسادى، نىساناسى ايقىن، شارالارى ناقتى، ءبىر جاعىنان بۇقارا ۇزاق ۋاقىت كۇتكەن تاماشا حابار، ەندى ءبىر جاعىنان نەگىزگى ساتى كادرلارىنا ساياتىن جاقسى ساياسات بولدى. نەگىزگى ساتى پارتيا ياچەيكاسىنىڭ شۋجيى بولعان مەن شي جينپيڭ جاڭا ءداۋىر جۇڭگٶشا سوتسياليزم يدەياسىن جەتەكشى ەتۋگە تاباندى بولىپ، باياندامادا العا قويىلعان ءتۇرلى مىندەتتەردى ويداعىداي، ناقتى يگەرىپ، بۇقارانى كىرىستى ارتتىرىپ، اۋقاتتانۋعا باستايمىن.

  ىلە قازاق اۆتونوميالى وبلىستىق حالىق قۇرىلتايىنىڭ ۋاكىلى، حالىق قۇرىلتايى ايماقتىق قىزمەت كوميتەتىنىڭ مەڭگەرۋشىسى ءسابيت قازەز ۇلى التاي ايماعىنىڭ ۋاكىلدەر ۇيىرمەسىنىڭ باياندامانى قاراۋىنا قاتىناستى.

جاۋاپتى رەداكتور: ەسبول قاجىكەرىم ۇلى