شاشۋ جولى ساقشى بولىمشەسى 1-دارەجەلى بولىپ باعالاندى

التاي قالالىق قوعام حاۋىپسىزدىگى مەكەمەسى ، شاشۋ جولى ساقشى بولىمشەشى قوعام حاۋىپسىزدىگى مينيستىرلىگى جاعىنان 1-دارەجەلى ساقشى بولىمشەسى بولىپ باعالاندى.

  التاي گازەتىنىڭ جالپىلىق اقپارات قۇرالدارىنىڭ پراكتيكانت ءتىلشىسى لۋ جياۋ حابارلايدى. تاياۋدا، التاي قالالىق قوعام حاۋىپسىزدىگى مەكەمەسى شاشۋ جولى ساقشى بولىمشەسى قوعام حاۋىپسىزدىگى مينيسترلىگى جاعىنان 1-دارەجەلى ساقشى بولىمشەسى بولىپ باعالاندى، بۇل بولسا، ساقشى بولىمشەسىنىڭ ەڭ جوعارى دارەجەسى.

  ۇعىسۋعا قاراعاندا، 1-دارەجەلى ساقشى بولىمشەسى — مەملەكەتتىك ۇزدىك ساقشى بولىمشەسى بولىپ، وعان قوعام حاۋىپسىزدىگى مينيستىرلىگى اتاق بەرەدى، قوعام حاۋىپسىزدىگى مينيستىرلىگىنىڭ ساقشى بولىمشەسىنىڭ دارەجەسىنە قاراتا باعالاۋ جۇرگىزۋى ساقشى بولىمشەسىنىڭ حالىق بۇقاراسىنا اناعۇرلىم ويداعىداي قىزمەت وتەۋىنە باقىلاۋ جۇرگىزۋ ءۇشىن. باعالاۋ مازمۇنى: جان سانىن باسقارۋ، اماندىقتى باسقارۋ، حاۋىپسىزدىك قورعانىسى، زاڭ اتقارىپ، دەلو ىستەۋ، بۇقاراعا قىزمەت وتەۋ، قوسىن قۇرىلىسى، ىشكى جاقتى باسقارۋ، ارتقى شەپتى قامتاماسىزداندىرۋ قاتارلى 8 جاقتى قامتىپ،جالپى بەرىلەتىنى 100 ءنومىر. 1-دارەجەلى ساقشى بولىمشەسى بولىپ باعالانۋدىڭ تالابى قىزمەت ناتيجەسى كورنەكتى، باعالاۋداعى ءنومىرى 95 تەن جوعارى، بۇقارانىڭ ريزالىق دارەجەسى %90 تەن جوعارى بولۋ كەرەك، جىلىنا ءبىر رەت باعالاۋ جۇرگىزىپ، وسى ارقىلى ساقشى بولىمشەسىندەگى حالىق ساقشىلارىنىڭ جۇمىس تىندىرۋ ونىمدىلىگىن ۇزدىكسىز جوعارىلاتۋعا شابىتتاندىرادى.

  ۇعىسۋعا قاراعاندا، 2020-جىلدان بەرى، شاشۋ جولى ساقشى بولىمشەسى ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن جانە ”ساياسيدا تاباندى ساقشى قوسىنىن قۇرۋ، ساقشىلار قوسىنىن جاپپاي قاتاڭ باسقارۋ“ تاربيەلەۋ، رەتكە سالۋ قيمىلىن ىشكەرىلەي ورىستەتۋدى نەگىزگى جەلى ەتىپ، پارتيا 19-كەزەكتى ورتالىق كوميتەتىنىڭ بەسىنشى جالپى ءماجىلىسى رۋحىن جانە 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى رۋحىن ىشكەرىلەي ۇيرەنىپ، دايەكتىلەندىرىپ، پارتيا قۇرىلىسى قىزمەت ادىسىندە ۇزدىكسىز جاڭالىق جاراتتى. ”قوعام بولىپ سايكەسۋ، بۇقارا ات سالىسۋ، زاڭ-تۇزىممەن قامتاماسىزداندىرۋ“ قوعامدىق جونگە سالۋ ءتۇزىلىسىن دايەكتىلەندىرىپ، تياناقتاندىرىپ، بىرلىكتە قۇرۋ، بىرلىكتە جونگە سالۋ، ورتاق كەنەلۋدەي قوعامدىق جونگە سالۋ جۇيەسىن كۇش سالا جاراتتى. وسىمەن بىرگە، ”ءبىر ورىندا ءبىتىرۋ“، ”توراپتان ءبىر جولا ءبىتىرۋ“ قىزمەت مەحانيزمىن بار كۇشپەن ىلگەرىلەتىپ، بۇقارانى اۋرە-سارساڭنان ارىلتىپ، بۇقاراعا قىزمەت وتەۋ دەڭگەيىن شىنايى جوعارىلاتىپ، حالىق ساقشىلارى حالىق ءۇشىن ىستەۋدىڭ تاماشا وبرازىن تىكتەدى. بۇدان تىس، ينفورماتسيانى جاريا ۇستاۋ ءتۇزىمى، ءبىر جولاتا ەسكەرتۋ بەرۋ ءتۇزىمى، باستى جاۋاپكەرلىكتى قۋزاۋ ءتۇزىمى، قىزمەت ورنىن تولىقتاۋ ءتۇزىمى، قىزمەت وتەۋگە ۋادە بەرۋ ءتۇزىمى، جاۋاپكەرلىكتى قۋزاۋ ءتۇزىمى قاتارلى 6 جاقتان تەرەزەلىك قىزمەت وتەۋدىڭ تۇتاس بارىسىن جۇيەلەندىرىپ، ساقشى بولىمشەسى تەرەزەلىك قىزمەت وتەۋىن ولشەمدەندىرۋدى كۇش سالا جۇزەگە اسىرىپ، قىزمەت وتەۋ ساپاسىن كۇش سالا جوعارىلاتتى.

  التاي قالالىق قوعام حاۋىپسىزدىگى مەكەمەسى شاشۋ جولى ساقشى بولىمشەسىنىڭ باستىعى جياڭ جيانحاۋ بىلاي دەدى: قاجىرلىلىقپەن كۇرەس جۇرگىزۋدەي تاماشا ستيلدى جالعاستى ساۋلەلەندىرىپ، بورىشتى ەستە بەرىك ساقتاپ، قىزمەت مىندەتىمىزدى ادا ەتىپ، اناعۇرلىم تىنىش، كورىكتى، باقىتتى، جاڭا التاي قۇرۋ ءۇشىن اناعۇرلىم زور ۇلەس قوسامىز.

جاۋاپتى رەداكتور: ەسبول قاجىكەرىم ۇلى