ايماق تۇڭعىش كەزەكتى ”جۇڭگو حالىق ساقشىلار مەرەكەسىن“ قۇتتىقتادى

ايماق تۇڭعىش كەزەكتى ”جۇڭگو حالىق ساقشىلار مەرەكەسىن“ قۇتتىقتاۋ جينالىسىن اشتى

 

 التاي گازەتىنىڭ جالپىلىق اقپارات قۇرالدارى پراكتيكانت ءتىلشىسى لۋ جياۋ حابارلايدى. 1-ايدىڭ 10-كۇنى، تۇڭعىش كەزەكتى ”جۇڭگو حالىق ساقشىلار مەرەكەسى“. سول كۇنى ايماقتىق قوعام حاۋىپسىزدىگى مەكەمەسى تۇڭعىش كەزەكتى ”جۇڭگو حالىق ساقشىلار مەرەكەسىن“ قۇتتىقتاۋ جينالىسىن اشىپ، ايماقتىق پارتكومنىڭ مۇشەسى، ساياسي زاڭ كوميتەتىنىڭ شۋجيى جۋ شين جينالىسقا قاتىناستى ءارى ءسوز سويلەدى. ايماقتىق قوعام حاۋىپسىزدىگى مەكەمەسى باسشىلىق القاسىنداعى مۇشەلەر، حالىق ساقشىلارى ۋاكىلى، دەمالىسقا، پەنسياعا شىققان كادرلاردىڭ ۋاكىلى، سونداي-اق ايماقتىق ورتا دارەجەلى حالىق سوتى مەكەمەسىنىڭ سوت ساقشىلارى، وبلىستىق پروكۋراتۋرا مەكەمەسى التاي ايماقتىق بولىمشە مەكەمەسىنىڭ حالىق ساقشىلارى قۇتتىقتاۋ جينالىسىنا قاتىناستى.

  تۇستەن بۇرىن جينالىسقا قاتىناسقان ۋاكىلدەر «جۇڭحۋا حالىق رەسپۋبليكاسىنىڭ مەملەكەت ءانىن» شىرقاپ، ايماقتاعى قوعام حاۋىپسىزدىگى تاراۋلارىنىڭ قىزمەتىن بەينەلەگەن ارناۋلى تاقىرىپتىق فيلمدى كوردى. سوڭىندا، حالىق ساقشىسى مىندەتىن 40 جىل وتەگەن 2 حالىق ساقشىسىنا جانە حالىق ساقشىسى مىندەتىن 30 جىل وتەگەن 6 حالىق ساقشىسىنا وردەن تاراتىپ، جينالىسقا قاتىناسقان ۋاكىلدەر حالىق ساقشىسى ۋاكىلىنىڭ لەبىزىن تىڭداپ، باستان كەشكەن حالىق ساقشىسى مىندەتىن وتەگەن شاقتارىن بىرلىكتە ەسكە الدى.

  — بۇل جۇڭگو حالىق ساقشىلارىنىڭ شەكسىز داڭقتى كۇنى. حالىق ساقشىسى مىندەتىن وتەگەنىمە 6205 كۇن بولدى، حالىق ساقشىسى كيىمىن كيىپ، ماڭدايىما ساقشى بەلگىسىن تاققان ءاربىر ساتتەردى ماقتانىش سانايمىن! حالىق ساقشىسى بولعاننان بەرى قىلمىستىق ىستەر، ەسىرتكىگە تيىم سالۋ قاتارلى قىزمەتتەردى ىستەدىم. وسى بارىستا ازاپتى، قۋانىشتى، تابىستى كۇندەردى باستان وتكىزدىم. بۇدان بىلاي التايدىڭ قوعام حاۋىپسىزدىگى قىزمەتى ءۇشىن تىنباي كۇرەس جاساپ، شۇعىلالى بولاشاقتى بىرلىكتە جاراتۋعا دايىنمىن،-دەدى ايماقتىق قوعام حاۋىپسىزدىگى مەكەمەسىنىڭ ەسىرتكىگە تيىم سالۋ تارماق اترەتىنىڭ ورىنباسار باستىعى ۋاڭ ليڭ.

  جينالىس مىنانى اتاپ كورسەتتى: ”جۇڭگو حالىق ساقشىلار مەرەكەسىنىڭ“ بەلگىلەنۋى حالىق ساقشىلارىنا دەگەن تۇراقتاندىرۋ مەن سەنىم ارتۋ، داڭق پەن بورىش، شابىتتاندىرۋ مەن دەم بەرۋ. 2021-جىل — جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14-بەسجىلدىق“ جوبانىڭ باستالۋ جىلى ءارى جاپپاي سوتسياليستىك وسىزاماندانعان مەملەكەت قۇرۋ تىڭ ساپارىنىڭ باستالۋ جىلى، ۇلاعاتتى ىستەر كوپ، ۇرىمتال مەزگىلدەر تىعىز، حاۋىپ-قاتەردەن ساقتانىپ، اماندىققا كەپىلدىك ەتۋ، ورنىقتىلىقتى قورعاۋ مىندەتى جاپالى. ”پارتياعا ادال بولۋ، حالىق ءۇشىن قىزمەت وتەۋ، ءادىل زاڭ اتقارۋ، ءتۇزىم قاتاڭ بولۋ“ تالابىن تىعىز توڭىرەكتەپ، ”ورنىقتىلىق“ قىزمەتىنە تاباندى بولىپ، اماندىققا كەپىلدىك ەتىپ، ورنىقتىلىقتى قورعاۋدىڭ ءتۇرلى شارالارىن شىنايى، مىقتى يگەرۋ كەرەك.

  جينالىس مىنانى اتاپ كورسەتتى: قوعام حاۋىپسىزدىگى قوسىنى تۋدى ايقىن ۇستاپ ساياسيدى دارىپتەپ، ادال قوعام حاۋىپسىزدىگى قۇرىش قوسىنىن شىنىقتىرۋعا كۇش سالۋى؛ كوكىرەك تولى جالپى جاعدايدى بورىش ساناپ، جاۋاپكەرلىكتى ارقالاپ جۇمىس ىستەيتىن قوعام حاۋىپسىزدىگى قۇرىش قوسىنىن شىنىقتىرۋعا كۇش سالۋ؛ ادىلدىكتى قورعايتىن قوعام حاۋىپسىزدىك قۇرىش قوسىنىن شىنىقتىرۋعا كۇش سالۋى؛ قاجىماي-تالماي رەفورما جۇرگىزۋدى مىقتى يگەرىپ، ومىرشەڭدىك قۋاتقا تولى قوعام حاۋىپسىزدىگى قۇرىش قوسىنىن شىنىقتىرۋعا كۇش سالۋى؛ تاباندىلىقپەن ستيلگە بۇرىلىس جاساپ، تارتىپتە قاتاڭ قوعام حاۋىپسىزدىگى قۇرىش قوسىنىن شىنىقتىرۋعا كۇش سالۋ كەرەك.

  جينالىس مىنانى تالاپ ەتتى: تۇتاس ايماقتاعى قوعام حاۋىپسىزدىگى ورگانى مەن قالىڭ قوعام حاۋىپسىزدىگى حالىق ساقشىلارى قوعام ورنىقتىلىعى مەن باياندى تىنىشتىق جالپى نىساناسىن ەستە بەرىك ساقتاپ، ايماقتىڭ رەفورما، دامۋ، ورنىقتىلىق جالپى جاعدايىن توڭىرەكتەپ، مىزعىماس سەنىممەن، كوكىرەك تولى قىزۋ ىنتامەن، دۇرىس ستيلمەن اۋەلگى ماقساتتى ۇمىتپاي، ۇدىرە العا تارتىپ، جاڭا داۋىردەگى قوعام حاۋىپسىزدىگى قىزمەتىنىڭ جاڭا جاعدايىن جاراتىپ، تىنىش، تاماشا، باقىتتى جاڭا التاي قۇرۋعا زور ۇلەس قوسۋ كەرەك.

  جينالىس قوعام حاۋىپسىزدىگى حالىق ساقشىلارىنىڭ «جۇڭگو حالىق ساقشىلار ءانىن» اسقاقتاتا شىرقاپ تابىسپەن اقىرلاستى.

جاۋاپتى رەداكتور: ەسبول قاجىكەرىم ۇلى