كوكتوعاي حالىقارالىق قارشاڭعى الاڭى مەن گەنەرال تاۋى قارشاڭعى الاڭى اراسىنا توتە كولىك قاتىنادى

  التاي گازەتىنىڭ جالپىلىق اقپارات قۇرالدارى ءتىلشىسى گۇلناز حابارلايدى. 1-ايدىڭ 7-كۇنى، تۇڭعىش كەزەكتى كوكتوعاي اۋدانى كوكتوعاي حالىقارلىق قار شاڭعى الاڭىنان التاي قالاسى گەنەرال تاۋى قار شاڭعى الاڭىنا تىكە قاتىنايتىن اۆتوكولىك كوكتوعاي تاياتى سايىنان جولعا شىقتى. وسىدان باستاپ ەلىمىزدىڭ ءارقايسى جەرىنەن كەلگەن قار شاڭعى اۋەسكەرلەرى شاڭعى تەبۋ توتە كولىگىنە وتىرىپ، التايداعى ەكى ۇلكەن قار شاڭعى الاڭىندا ەمىن-ەركىن شاڭعى تەبۋىنە بولادى.

  شاڭحايدان كەلگەن قار شاڭعى اۋەسكەرى جاۋ چياڭ بىلاي دەدى: بۇل قار شاڭعى اۋەسكەرلەرى جونىنەن العاندا توتەنشە جاقسى بولدى. قىستا التايعا كەلىپ ساياحاتتاعاندا، كوكتوعايدان التاي قالاسىنا بارۋ ءۇشىن از دەگەندە ەكى دە ءۇش رەت كولىك الماستىراتىنبىز. ال، قازىر قار شاڭعى الاڭىنان شاڭعى اياق كيىمىن شەشە سالا تاعى ءبىر قار شاڭعى الاڭىنا توتە بارۋىمىزعا بولاتىن بولدى، بۇل توتەنشە تاماشا ساياحاتتىق باستان كەشىرۋ.

  ءتىلشىنىڭ كوكتوعاي اۋدانى كوكتوعاي تاييۇن ساياحاتقا قارجى قوسۋ، دامىتۋ شەكتى سەرىكتەستىگىنەن ۇعىسۋىنشا، شاڭعى تەبۋ توتە كولىگى كۇنىنە ءبىر كەزەك قاتىنايدى. ەكى جەردەن كولىك شىعاتىن ۋاقىت تۇگەلدەي تۇستەن كەيىن ساعات 17كوكتوعاي اۋدانى كوكتوعاي كورىنىس رايونىنىڭ كولىك توقتايتىن بەكەتتەرى: تاياتى سايى رايون ارالىق كولىك الماستىرۋ ءتۇيىنى، كىكى جيارى قوناقجايى، ەرتىس قوناق سارايى، 1953 قوناقجايى، چىڭرۇي قوناقجايى، يۇي-ۋجياڭ قوناقجايى، شينحايشين قوناقجايى، حايفىڭ قوناقجايى، 3-ءنومىرلى اۋلا، فاڭحۋا گۋشىلي سپورتشىلار جاتاعى.

  التاي قالاسىنىڭ كولىك توقتايتىن بەكەتتەرى: شۋەدۋ قوناقجايى، جيندۋ قوناقجايى، يىنشۇي قوناقجايى، رۇيتاي قوناقجايى، مەيلۇن قوناقجايى، ۋييەنا قوناقجايى.

  كوكتوعاي حالىقارالىق قار شاڭعى الاڭىنىڭ ەڭ بيىك جەرىنىڭ تەڭىز دەڭگەيىنەن بيىكتىگى 3041 مەتر، قار شاڭعى جولى رايونىنىڭ ەڭ الاسا جەرىنىڭ تەڭىز دەڭگەيىنەن بيىكتىگى 1821.437 مەتر، قۇلديلاۋ پارقى 1219.563 مەتر. جەر ءپىشىنى جاقسى، قارلى مەزگىلى ۇزاق. قارلى مەزگىلى 7 ايعا سوزىلاتىندىقتان، بۇل قار شاڭعى الاڭى ”قارلى مەزگىلى ۇزاق، قار ساپاسى جاقسى، قۇلديلاي ءتۇسۋ پارقى زور، سىرعاناۋ جولى كوپ، جەل كۇشى ءالسىز، اسەرى جاقسى“ بولۋداي 6 ۇلكەن ەرەكشەلىكتى ءوز ىشىنە قامتىعان، شاڭعى تەبۋ، ونەر باسەكەسى، ەل ءىشى، حالىقارالىق جارىستى ۇستىنە الىپ وتكىزۋدى ءبىر تۇلعالاندىرعان حالىقارالىق قار شاڭعى الاڭى.

  گەنەرال تاۋى قار شاڭعى الاڭى التاي قالاسىنا ورنالاسقان، قالا ورتالىعىنان تەك 1.6 كيلومەتر قاشىقتىقتا عانا. ەلىمىزدەگى بىردەن-ءبىر قالامەن جالعاسقان بيىك تاۋ قار شاڭعى الاڭى، شينجياڭداعى ءتورت 5S دارەجەلى قار شاڭعى الاڭىنىڭ ءبىرى. ”ەلىمىزدەگى 10 ۇزدىك قار شاڭعى الاڭى“ اتاعىنا يە بولعان ءارى شينجياڭداعى بىردەن-ءبىر ەكى سىرعاناۋ جولى حالىقارالىق قار شاڭعى بىرلەستىگىنىڭ كۋالاندىرۋىنان وتكەن قار شاڭعى الاڭى. تەك 2019-جىلدىڭ وزىندە گەنەرال تاۋى قار شاڭعى الاڭى جينشۋەحۋا قار شاڭعى كاسىبى جينالىسى جانە 5-كەزەكتى جۇڭگو قار شاڭعى كاسىبىن دامىتۋ تالقى مىنبەسىنىڭ ەڭ ۇزدىك جەكەلىك مەدياسى، ەڭ ۇزدىك جارىس قيمىلى، ابىرويى جوعارى قار شاڭعى باقشاسى، شاڭعى اۋەسكەرلەرى ەڭ ۇناتاتىن قار شاڭعى الاڭى قاتارلى سيلىقتارعا يە بولعان.

جاۋاپتى رەداكتور: ءاننا اكىمقان قىزى