قۇمدى ءشول جيەگىندەگى شاعىن قىستاقتا ساياحات ورلەۋى كوتەرىلدى

انار بۇلت / شينجياڭ گازەتىنىڭ ءتىلشىسى سۇڭ يا - ۋىن

  ”قىستاعىمىز قۇمدى شولگە تاياۋ جەردە، بۇرىنعى دامۋداعى السىزدىكتىڭ قازىر جاعراپيالىق ورىن باسىمدىعىنا اينالاتىندىعىن ويلاپ تا كورمەگەن بولاتىنبىز“. 2020 - جىلى 12 - ايدىڭ 28 - كۇنى مۇتتار قۇمدى ءشول كورىنىس وڭىرىنەن 20 نەشە كيلومەتر قاشىقتىقتاعى جىڭ اۋدانى تودوگ قالاشىعىنىڭ گۇرت مال شارۋاشىلىق قىستاعىندا قىستاق پارتيا ياچەيكاسىنىڭ شۋجيى ۋاڭ يۇڭحۋا تىلشىگە قىستاقتىڭ اۋىل - قىستاق ساياحاتىن بار كۇشپەن دامىتىپ، ساياحاتتى ەگىن، مال شارۋاشىلىعىمەن، حالىقتىق سالت - سانا مادەنيەتىمەن، ت . ب تەرەڭدەي توعىستىرۋدى بەلسەنە ىلگەرىلەتىپ جاتقاندىعىن ايتتى.

  بىرنەشە جىلدىڭ الدىندا گۇرت مال شارۋاشىلىق قىستاعى جەر ۇيلەر ىعى - جىعى ورنالاسقان، شەت - شالعايداعى مالشىلار وتىرىقتانۋ ءتۇيىنى بولاتىن، نەگىزدىك قۇرىلعىلارى توتەنشە مەشەۋ ەدى. بۇقارا كىرىستى ارتتىرىپ، بايىعىسى كەلگەنىمەن، ونىڭ جولىن تابا الماعان ەدى.

  سوڭعى جىلدارى جىڭ اۋدانى ساياحات ءىسىن بەلسەنە ويداعىداي ىستەپ، مۇتتار قۇمدى ءشول مادەنيەتى ساياحات ايگىلى ماركاسىن بار كۇشپەن تۇلعالاپ، ساياحات نەگىزدىك قۇرىلعىلارىن ۇزدىكسىز كەمەلدەندىرىپ، قىرۋار ساياحاتشىنى باۋرادى. قۇمدى ءشولدى ساياحاتتاپ كەلگەننەن كەيىن، گۇرت مال شارۋاشىلىق قىستاعى كوپتەگەن ساياحاتشى، ءسوز جوق، باراتىن جەرگە اينالدى. قىستاق تۇرعىندارى دامۋ ورايىن يگەرىپ، تاۋ - تاستا، جايلىمداردا مال باعاتىن، كىرىسى ورنىقسىز تۇرمىسقا قوش ايتىپ، ەكولوگيالىق ساياحاتتىڭ يگىلىگىن كوردى. شارۋالار اۋلاسى ەرەكشەلىككە يە حالىقتىق تۇسەلحاناعا، ەگىن، مال شارۋاشىلىعى ونىمدەرى، ۇلتتىق ەرەكشەلىككە يە قولونەر بۇيىمدارى ساياحات ونىمدەرىنە اينالىپ، قىستاق تۇرعىندارىنىڭ قالتاسى كۇن سايىن قامپايا ءتۇستى. قازىرگە دەيىن قىستاقتا حالىقتىق تۇسەلحانادان 28ى، ەگىنشىلەر (مالشىلار) شاتتىعى ساياجايىنان 5ى بار، جىلدىق ساياحاتشى قابىلداۋ مولشەرى 30 نەشە مىڭ ادام - رەتكە جەتەدى.

   قىستاق كادرلارىنىڭ شابىتتاندىرۋىندا قىستاق تۇرعىنى ىرىسقان ءجۇنىس ءۇيىنىڭ ماڭىندا مالشىلار شاتتىعى ساياجايىن اشىپ، كىرىسى جىل سايىن ارتتى. 2018 - جىلى ىرىسقان تودوگ قالاشىعىندا 106 شارشى مەترلىك ءۇي ساتىپ الىپ، ءبىر ءۇيلى جان كەڭ دە جارىق قابات ۇيگە كوشىپ كىردى. ىرىسقان: ”قازىر قۇمدى ءشول بايۋدىڭ ’اسىلىنا‘ اينالدى“، - دەدى.

  قىستاقتاعى گۇلدەن كەستەشىلىك سەلبەستىك كووپەراتيۆى باۋلۋ ارقىلى 15 قىستاق تۇرعىنىن كووپەراتيۆتىڭ مۇشەلىگىنە قابىلدادى. ”ءبىز دەن قويا كەستەلەگەن قولونەر بۇيىمداردى ساياحاتشىلار ەرەكشە ۇناتادى، كووپەراتيۆ مۇشەلەرىنىڭ جىلدىق ورتاشا كىرىسى 20 نەشە مىڭ يۋانعا جەتەدى. 2021 - جىلى كولەمدى كەڭەيتىپ، اناعۇرلىم كوپ مالشىنىڭ جاقىن ماڭنان جۇمىستانىپ، اقشا تابۋىنا مۇمكىندىك جاساماقشىمىز“، - دەدى سەلبەستىك كووپەراتيۆىنىڭ جاۋاپتىسى گىميڭگۇل رامازان.

  ”پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە اۋىل شارۋاشىلىعىن، اۋىل - قىستاقتى الدىمەن دامىتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ العا قويىلدى؛ جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ دە العا قويىلدى. بۇل ءبىزدىڭ ەكولوگيالىق ساياحاتتى ويداعىداي ىستەۋ سەنىمىمىزدى ءتىپتى دە بەكەمدەي ءتۇستى“، - دەدى ۋاڭ يۇڭحۋا.

  بولاشاق جونىندە ىرىسقان تولىق سەنىممەن: ”جاقسى ورىن تاڭداپ، مالشىلار شاتتىعى ساياجايىنان تاعى بىرەۋىن اشپاقشىمىن“، - دەدى.

جاۋاپتى رەداكتور: ءاننا اكىمقان قىزى