پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى نەگىزگى ساتىدا

پارتيانىڭ ءۇنىن قىستاۋداعى مالشىلارعا جەتكىزدى

  ەرىكتى ءتىلشى جارقىن، سايرانبەك حابارلايدى. بۋىرشىن اۋدانى «دومبىرا» شاعىن اترەتى ۇگىت-لەكسيا ۇيىرمەسىن ۇيىمداستىرىپ، پارتيا 19-كەزەكتى ورتالىق كوميتەتىنىڭ بەسىنشى جالپى ٴماجىلىسى مەن 3-رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن يكەمدى، الۋان ٴتۇرلى فورمامەن ەڭ سوڭعى ٴبىر شاقىرىمعا، ەڭ الىس ٴبىر وتباسىنا جەتكىزىپ، ٴماجىلىس رۋحىنىڭ نەگىزگى ساتىدا تامىر تارتۋىنا مۇمكىندىك جاسادى.

  تاياۋدا، ٴتىلشى بۋىرشىن اۋدانىنىڭ «دومبىرا» شاعىن اترەتىنە ىلەسىپ، اۋدان قالاشىعىنان 100 نەشە شاقىرىم شالعايداعى ساۋىر تاۋى قىستاۋلىعىنا كەلدى، ۇگىت ـ لەكسيا ۇيىرمەسىنىڭ مۇشەلەرى پارتيا 19 ـ كەزەكتى ورتالىق كوميتەتىنىڭ بەسىنشى جالپى ٴماجىلىسى مەن 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن دومبىرامەن ۇگىتتەپ، سول جەردەگى مالشىلاردىڭ قىزۋ قارسى الۋىنا بولەندى.

  ۇگىت ـ لەكسيا ۇيىرمەسى پارتيا 19 ـ كەزەكتى ورتالىق كوميتەتىنىڭ بەسىنشى جالپى ماجىلىسىندە العا قويىلعان اۋىل شارۋاشىلىعىن وسىزامانداندىرۋدان ۇلگى كورسەتۋ رايونىن قۇرۋ سياقتى مازمۇندارمەن ۇشتاستىرىپ، مالشىلارعا ىشكەرىلەي تۇسىنىك جاساپ، حالىققا ٴتيىمدى ساياساتتاردى،حالىق تۇرمىسىن قامتاماسىزداندىرۋ شارالارىن مالشىلاردىڭ كوڭىلىنە ۇيالاتىپ، كوپشىلىكتى باعىمشىلىق كووپەراتيۆىن قۇرىپ، ولشەمدەنگەن، كولەمدەنگەن، وسىزاماندانعان باعىمشىلىق كاسىبىن دامىتىپ، بىرگە اۋقاتتانۋعا شابىتتاندىردى.

  ۇگىتشىلەر مالشىلارعا جەكە ٴان، اقىندار ايتىسى سياقتى تارتىمدى كوركەمونەر نومىرلەرىن الا كەلىپ، مالشىلاردىڭ رۋحاني مادەني تۇرمىسىن بايىتتى. ” پارتيا مەن مەملەكەتتىڭ كومەگىندە، قىستاۋلىققا ەلەكتر جەتكىزىلىپ، ينتەرنەت سيگنالى تاراتىلىپ، تۇرمىس ساپامىز بارىنشا جوعارىلادى، تۇرمىسىمىز ٴتىپتى دە باقىتقا شومدى“،ـ دەدى مالشى دۋمان.

  تارتىمدى ۇگىت ويماقى قالاشىعى قاتاي قىستاعىنىڭ مالشىسى تابىستى ەرەكشە جىگەرلەندىردى، وسى بىرنەشە جىلدا ونىڭ تۇرمىسىندا وراسان زور وزگەرىستەر تۋىلىپ، قىستاۋدان جاڭا جىلى قورا سالىپ، ورنىقتى كىرىس كىرگىزدى.”مەن ساۋىر تاۋىندا 30 نەشە جىل تۇرمىس كەشىردىم، بۇرىن مالىم از بولاتىن، قازىر بارعان سايىن ءوسىپ، پارتيا مەن ۇكىمەتتىڭ قامقورلىعىندا تۇرمىسىم كۇن سايىن جاقسارۋدا“، ـ دەدى تابىس.

  قازىر، بۋىرشىن اۋدانى پارتيا 19-كەزەكتى ورتالىق كوميتەتىنىڭ بەسىنشى جالپى ٴماجىلىسى مەن 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن ۇگىتتەۋ قيمىلىن 380 رەتتەن استام ورىستەتىپ، ٴماجىلىس رۋحىن قاراستى رايونداعى ٴاربىر مالشى وتباسىنا جەتكىزىپ، جاپپاي قامتۋدى جۇزەگە اسىردى.

  اۋدارعان: مەيرامگۇل مۇسىنات قىزى

جاۋاپتى رەداكتور: ءاننا اكىمقان قىزى