التاي ”2020-جىلعى جۇڭگونىڭ قىسقى ساياحاتتاعى ايگىلى قالاسى “ تىزىمدىگىنە كىردى

  التاي گازەتىنىڭ ءتىلشىسى حۋ جۇنشيۋ، ەرىكتى ءتىلشى سۇن شۋەلۇن حابارلايدى. 12-ايدىڭ 27-كۇنى، چاڭچۇن قالاسىندا وتكىزىلگەن 5-كەزەكتى جۇڭگو. جيلين حالىقارالىق قار-مۇز كاسىبى كورمەسىندە ”2020-جىلعى جۇڭگو ساياحات كاسىبىنىڭ ىقپالدى مىسالدار“ تىزىمدىگى جاريالاندى، التاي ايماعى ”2020-جىلعى جۇڭگونىڭ قىسقى ساياحاتتاعى ايگىلى قالاسى“ تىزىمدىگىنەن ورىن الدى. بۇل التاي ايماعىنىڭ ”ساياحاتشىلاردى التايدى ساياحاتتاۋعا باۋراۋ“ نىسان مىسالى بو-اۋ حالىقارالىق ساياحات سيلىعى جىلدىق ساياحات ايگىلى جوسپارلاۋ-ساتۋ سيلىعىن العاننان كەيىنگى تاعى ءبىر داڭقتى اتاعى بولدى.

  ءتىلشىنىڭ ۇعىسۋىنا قاراعاندا، ”2020-جىلعى جۇڭگو ساياحات كاسىبىنىڭ ىقپالدى مىسالدارى“ بۇكىل مەملەكەت كولەمىندە نىساندى جيناۋ، ءىرى ساندى مالىمەتتى تەكسەرۋ جانە تالداۋ جاساۋ، كاسىپتىك باعالاۋ قاتارلى تارتىپتەر ارقىلى ”2020-جىلعى جۇڭگونىڭ قىسقى ساياحاتتاعى ايگىلى قالاسى“، ”2020-جىلعى جۇڭگو تۇنگى كورىنىس ساياحات ايگىلى قالاسى“، ”2020-جىلعى جۇڭگو جوعارى قارقىندى تاس جول ساياحات قالاسى“ قاتارلى جالاڭ تۇردەگى باعالاۋدى قۇردى.

  قار-مۇز ساياحاتى التاي ايماعى ساياحاتىنىڭ جاڭا تانىسقىسىنا اينالدى. التاي ايماعىنىڭ قار- مۇز مادەنيەتى تاريحى ۇزاق، ءمانى تەرەڭ، قىسقى ساياحات بايلىعى مول، ”ادامزاتتىڭ بايىرعى قار شاڭعى مەكەنى“، ”جەر ءجانناتى — قاناس، قارلى مەكەن — التاي“ قاتارلى ساياحات تانىسقىسى بار. جاقىنعى جىلداردان بەرى، التاي ايماعى وزگەشە قار-مۇز ساياحات بايلىعىنا سۇيەنىپ، ”قار-مۇزعا“ كوپتەپ كۇش شىعارىپ، 2020-جىلى بەيجيڭ قىسقى وليمپياداسىن وراي ەتىپ، قار-مۇز قيمىلى، قار-مۇز تاماشالاۋ، قار-مۇز سپورتى، قار-مۇز سالت-ساناسى قاتارلى قار-مۇز ساياحات كاسىبىن كۇش سالا دامىتىپ، قىسقى ساياحاتتىڭ دامۋىن جەبەپ، التاي قالاسى گەنەرال تاۋى قار شاڭعى الاڭى، ۋشىلىك دالالىق قار باقشاسى، التاي قالاسى ەكاشا حالىقارالىق قار شاڭعى الاڭى، كوكتوعاي حالىقارالىق قار شاڭعى الاڭى، قاناس كورىنىس رايونى جىكپەلەڭ قار شاڭعى الاڭى قاتارلىلارعا سۇيەنىپ قىسقى ساياحاتتىڭ جاڭا قۇرىلىمىن باستاپقى قادامدا قالىپتاستىرىپ، قار شاڭعى اۋەسكەرلەرىنىڭ ”قار شاڭعى تەبۋدىڭ تاڭداۋلى جەرى“ دەگەن باعاسىنا يە بولدى.

جاۋاپتى رەداكتور: ءاننا اكىمقان قىزى