كەدەيلىكتەن ارىلتۋدان قامال الۋدىڭ تابىستارىن ۇزدىكسىز بەكەمدەۋ، كەڭەيتۋ كەرەك

شوكىرات زاكىر قۇمىل قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

كەدەيلىكتەن ارىلتۋدان قامال الۋدىڭ تابىستارىن ۇزدىكسىز بەكەمدەۋ، كەڭەيتۋ كەرەك

   شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 12 - ايدىڭ 6 - كۇنى قۇمىلدان حابارلايدى. 12 - ايدىڭ 5 - كۇنىنەن 6 - كۇنىنە دەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باركول قازاق اۆتونوميالى اۋدانىنا، اراتۇرىك اۋدانىنا بارىپ، كەدەيلىكتەن ارىلتۋدان قامال الۋ قىزمەتىنە ناقتى تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارى مەن تالاپتارىنا ساي، كەدەيلىكتەن ارىلتۋدان قامال الۋدىڭ تابىستارىن ۇزدىكسىز بەكەمدەپ، كەڭەيتىپ، دامۋدىڭ ىشكى قوزعاۋشى كۇشى مەن دامۋ ومىرشەڭدىگىن كۇشەيتۋ كەرەك.

  شوكىرات زاكىر شىعىس تيانشان تاۋىنىڭ باۋرايىنداعى باركول قازاق اۆتونوميالى اۋدانى كولبويى اۋىلى جيانشانزى قىستاعىنا كەلدى، بۇل قىستاق وتىرىقتاندىرۋ ارقىلى مال شارۋاشىلىعىن گۇلدەندىرۋ ينجەنەرياسى، قىستاققا اسفالت جول جەتكىزۋ، كاسىپ سالاسىن دامىتۋ سياقتى كەدەيلەردى سۇيەمەلدەۋ نىساندارىن دالمە - ءدال اتقارۋ ارقىلى كەدەيلىكتەن ارىلتۋدى جۇزەگە اسىردى. شوكىرات زاكىر قىستاق كادرلارىنان كاسىپ سالاسى ارقىلى جەتەكتەۋ مەن بۇقارانىڭ كىرىستەرىنىڭ ارتۋ جاعدايىن ەگجەي - تەگجەيلى سۇراپ ۇعىستى ءارى قىستاق تۇرعىنى مادەن بورداحاننىڭ ۇيىنە بارىپ، كاريامەن بىرگە وتباسىنىڭ كىرىسىن ەسەپتەدى: باعىمشىلىقتىڭ جىلدىق كىرىسى 15 مىڭ يۋان، شاشتارازحانا اشۋدىڭ جىلدىق كىرىسى 21 مىڭ 600 يۋان... ءبىر - بىرلەگەن كىرىستەرىنىڭ جاعدايى شىنايى، باياندى بولىپ شىقتى، شوكىرات زاكىر شىن كوڭىلىمەن كاريا ءۇشىن قۋاندى، ول كاريانى شابىتتاندىرىپ بىلاي دەدى: ”سەنىم ورناتىپ، بەلسەندىلىكپەن كۇرەس جاساساق بولعانى، بولاشاقتا ءتىپتى دە تاماشا تۇرمىسقا كەنەلەمىز“.

  اراتۇرىك اۋدانى اراتۇرىك قالاشىعى شيۋشۇييۋان الەۋمەتتىك اۋماعىندا شوكىرات زاكىر قىستاق تۇرعىنى يميت تاجيدىڭ بەيقۇت ۇيىنە بۇرىلدى. ”پارتيانىڭ ابزال ساياساتىنا راقىمەت، بۇرىندارى ويعا الۋعا باتىنا الماۋشى ەدىك، مىنە قازىر قالالىقتارمەن بىردەي تۇرىپ جاتىرمىز“. كاريانىڭ بۇل تەبىرەنىسىن ەستىپ، جاڭا تۇراعىنىڭ اشەكەيلەنۋىنىڭ كوركەم، تەلەۆيزور، مۇزداتقىش سياقتى قۇرىلعىلارىنىڭ تولىق ەكەنىن كورىپ شوكىرات زاكىر بىلاي دەدى: ”سىزدەر رازى بولساڭىزدار، ءبىز الاڭسىز بولامىز. تۇرمىستارىڭىزدىڭ اناعۇرلىم باقىتتى بولۋىن تىلەيمىن!“.

  باركول قازاق اۆتونوميالى اۋدانىنداعى جيانكۇن مال شارۋاشىلىعى شەكتى سەرىكتەستىگى جۇمىستاندىرۋعا تارتۋ، تاپسىرىستىق باعىمشىلىق، مالدى اماناتتاپ باققىزۋ سياقتى فورمالاردان پايدالانىپ بۇقارانى كىرىستەرىن ارتتىرىپ بايۋعا باستادى؛ اراتۇرىك اۋدانى شينجياڭ جۇڭتو بيولوگيالىق عىلىم - تەحنيكا شەكتى سەرىكتەستىگى كاسىپ سالاسى تىزبەگىن قالىپتاستىرۋ، قوسىمشا قۇندى جوعارىلاتۋ ارقىلى ەگىنشى - مالشىلاردىڭ ءتىپتى دە كوپ ارتقان قۇننىڭ پايداسىنا كەنەلۋىنە مۇمكىندىك جاسادى. شوكىرات زاكىر كاسىپورىننىڭ ءوندىرىس، تيجارات، تەحنيكالىق زەرتتەپ اشۋ، جۇمىستاندىرۋدى جەتەكتەۋ سياقتى جاعدايلارىن ەگجەي - تەگجەيلى ۇعىسىپ، كاسىپورىن جاۋاپتىلارىن كۇش ۇستىنە كۇش قوسىپ، وسى زامانعى اۋىل شارۋاشىلىعى كاسىپورىندارىنىڭ ەگىنشى - مالشىلاردى ۇيىمداستىرۋ جانە باستاۋ رولىن ويداعىداي ساۋلەلەندىرىپ، ەگىنشى - مالشىلارمەن اراداعى مۇددە بايلانىس مەحانيزمىن كۇشەيتىپ، كەدەيلىكتەن ارىلعان بۇقارانىڭ تۇرمىسىنا كەپىلدىك ەتۋمەن بىرگە، كەدەيلىكتەن ارىلعان بۇقارانىڭ ءتىپتى دە تاماشا تۇرمىس ارمانى بولۋىنا مۇمكىندىك جاراتۋعا شابىتتاندىردى.

  شوكىرات زاكىر تەكسەرۋ - زەرتتەۋ جۇرگىزۋ بارىسىندا بىلاي دەپ باسا دارىپتەدى: كەدەيلىكتەن ارىلتۋ، كەدەيلىك قالپاعىن الىپ تاستاۋ ءتىپتى دە باقىتتى، كوركەم تۇرمىستىڭ جاڭا باستاماسىنا قادام تاستاعاندىق، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماستان دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، كەدەيلىكتەن ارىلتۋدان قامال الۋ قىزمەتىن بۇلجىماستان ويداعىداي ۇستاپ، كوپ ءتۇرلى شارالار ارقىلى كەدەيلىكتەن ارىلتۋ تابىستارىن بەكەمدەپ، كەڭەيتىپ، قايتالاي كەدەيلەسۋدىڭ الدىن الۋدى قاداعالاۋ جانە كومەكتەسۋ - سۇيەمەلدەۋ مەحانيزمىنەن ويداعىداي پايدالانىپ، جالپى بەتتىك كەدەيلىكتەن ارىلتۋ مەن اۋىل - قىستاقتى گۇلدەندىرۋدى ءونىمدى ۇشتاستىرۋدى ۇزدىكسىز ىلگەرىلەتىپ، كەدەيلىكتەن ارىلتۋدان قامال الۋ ساپاسىنىڭ ءتىپتى دە جاقسى بولۋىنا شىنايى كەپىلدىك ەتۋ كەرەك. ”14 - بەسجىلدىق“ جوبانى عىلمي، ويداعىداي جوسپارلاپ، ءار ۇلت حالقىنىڭ تىنىش ءومىر، شات - شادىمان تىرشىلىك كەشۋىن تىعىز ارقاۋ ەتىپ، ەكونوميكالىق، قوعامدىق دامۋ مەن حالىق تۇرمىسىن جاقسارتۋدى ىلگەرىلەتىپ، ءار ۇلت حالقىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

جاۋاپتى رەداكتور: ءاننا اكىمقان قىزى