2020 - جىلدىڭ سوڭىندا بارلىق كەدەي حالىق كەدەيلەر قاتارىنان تۇگەلدەي شىعارىلادى

  شينحۋا اگەنتتىگىنىڭ 12 - ايدىڭ 2 - كۇنى بەيجيڭنەن بەرگەن حابارى (ءتىلشى حوۋ شۋەجيڭ). مەملەكەتتىك كەڭەس كەدەيلەردى سۇيەمەلدەۋ، وركەندەتۋ باسشىلىق گرۋپپاسى كەڭسەسىنىڭ ورىنباسار مەڭگەرۋشىسى وۋ چيڭپيڭ 12 - ايدىڭ 2 - كۇنى مەملەكەتتىك كەڭەس اقپارات كەڭسەسى وتكىزگەن اقپار جاريالاۋ ماجىلىسىندە مىنالاردى ءبىلدىردى: قالعان كەدەي حالىق كەدەيلەر قاتارىنان شەگىنۋ ءتارتىبىن ورىنداۋدا، قازىرگى جاعدايدان قاراعاندا، جىل سوڭىندا بارلىق كەدەي حالىق تۇگەلدەي كەدەيلەر قاتارىنان شىعارىلادى.

  ”كەدەيلىكتەن ارىلتۋدان قامال الۋدىڭ ساپاسى مەن ونىمىنە شىنايى كەپىلدىك ەتۋ ءۇشىن، پارتيا ورتالىق كوميتەتىنىڭ شەشىمدەرىنە، ورنالاستىرۋىنا ساي، بيىل جىل باسىندا ءبىز قايتا كەدەيلەسۋدەن ساقتانۋ جانە قاداعالاۋ، كومەكتەسۋ - سۇيەمەلدەۋ مەحانيزمىن ورناتىپ، قالعان كەدەيلىكتەن ارىلتۋ مىندەتتەرىنەن قامال الۋمەن بىرگە، ءونىمدى شارالار قولدانىپ، قايتا كەدەيلەسۋدەن، كەدەيلەسۋدەن ساقتاندىق“، - دەدى وۋ چيڭپيڭ.

  كەزەكتە قوعام كوڭىل ءبولىپ وتىرعان كەدەيلىكتەن ارىلتقاننان كەيىنگى ساياساتتىڭ وزگەرۋى - وزگەرمەۋى سىندى ماسەلە جونىندە وۋ چيڭپيڭ بىلاي دەدى: ساياسات جالپى تۇلعالىق جاقتان ورنىقتىلىعىن ساقتايدى، كەدەيلىكتەن ارىلتۋدان قامال الۋ مەزگىلىنەن كەيىن وتپەلى مەزگىل بەلگىلەنىپ، وتپەلى مەزگىلدە ”ءتورتتى توقتاتپاۋ“ ۇزدىكسىز اتقارىلادى، ياعني كەدەيلىك قالپاعى الىنعانىمەن جاۋاپكەرشىلىك توقتامايدى، كەدەيلىك قالپاعى الىنعانىمەن ساياسات توقتامايدى، كەدەيلىك قالپاعى الىنعانىمەن كومەكتەسۋ - سۇيەمەلدەۋ توقتامايدى، كەدەيلىك قالپاعى الىنعانىمەن باقىلاۋ - باسقارۋ توقتامايدى، كەدەيلىكتەن ارىلتۋدان قامال الۋ جەتىستىكتەرى شىن مانىندە بەكەمدەلىپ، كەڭەيتىلەدى.

  وۋ چيڭپيڭ مىنالاردى ءبىلدىردى: ورتالىقتىڭ تالابىنا ساي، قازىر ورتالىق اۋىل - قىستاق قىزمەتى باسشىلىق گرۋپپاسى جانە مەملەكەتتىك كەڭەس كەدەيلەردى سۇيەمەلدەۋ، وركەندەتۋ باسشىلىق گرۋپپاسى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدىڭ جەتەكشى پىكىرىن اقىلداسىپ بەلگىلەۋدە قاتىستى تاراۋلارمەن بىرگە كەدەيلىكتەن ارىلتۋدان قامال الۋ مەزگىلىندەگى بۇرىنعى قولداۋ ساياساتتارىن كەمەلدەندىرىپ، رەتتەپ، قاتىستى قىزمەتتەردى اقىلداسىپ ورنالاستىرادى.

  وۋ چيڭپيڭ بىلاي دەدى: كەلەسى قادامدا اۋىل - قىستاقتارداعى تومەن كىرىستى حالىققا جانە دامۋى كەنجە قالعان وڭىرلەرگە كومەكتەسۋ - سۇيەمەلدەۋ مەحانيزمى ورناتىلادى. باتىس بولىك وڭىردە كەدەيلىكتەن ارىلىپ، كەدەيلىك قالپاعى الىنعان اۋدانداردىڭ اراسىنان تاعى ءبىر ءبولىم قيىنشىلىعى بار اۋدانداردى تاڭداپ، وسى ءتۇيىندى كومەكتەسۋ - سۇيەمەلدەنەتىن اۋدانداردىڭ ىشكى دامۋ قوزعاۋشى كۇشىن كۇشەيتۋ جانە كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ العاشقى قادامدا ويلاستىرىلۋدا.

جاۋاپتى رەداكتور: ءاننا اكىمقان قىزى