حوتان اۋدانى ەكونوميكالىق جاڭا رايونى شاتيان الەۋمەتتىك اۋماعى: كەرەك - جاراعىمەن عانا جاڭا قونىسقا كوشىپ كىردى، كەدەيلىكتىڭ تامىرىنا بالتا شاۋىپ، بايۋعا، شارۋاشىلىق قۇرۋعا ۇمتىلدى

شينجياڭ گازەتىنىڭ جالپىلىق اقپارات قۇرالدارى ءتىلشىسى ءپاريزات ابدۇل

  ”جاڭا ءۇيىم عيماراتتا، تۇرارجاي شارت - جاعدايىم وتە جاقسى، شيپاحاناعا دا، مەكتەپكە دە جاقىن، مەنىڭ جاڭا قىزمەتىم دە بار“، - دەدى 11 - ايدىڭ 25 - كۇنى حوتان اۋدانى ەكونوميكالىق جاڭا رايونى شاتيان الەۋمەتتىك اۋماعىنىڭ تۇرعىنى تۇرنيازحان ماحمۇت جۇزىنەن كۇلكى ەسىپ.

  حوتان اۋدانى تاكلاماكان ءشولىنىڭ وڭتۇستىك جيەگىندە كليماتى قۇرعاق، سۋى وتە تاپشى. ”جاراتىلىستىق شارت - جاعدايى ادامداردى اسىراي المايتىن“ قيىن جاعدايدان قۇتىلۋ ءۇشىن حوتان اۋدانى تاۋ قويناۋىندا، قۇمدى ءشول جيەگىندە وتىراتىن كەدەي بۇقارانى قونىس جاڭالاپ ورنالاستىردى، سونىمەن وسى ماڭداعى 12 اۋىل - قالاشىقتاعى ارحيۆ تۇرعىزىلىپ، كارتچكالاندىرىلعان 468 كەدەي وتباسى، 2261 ادام بۇرىنعى كونەتوز جۇرتىنا قوش ايتىپ، دوڭگەلەك داۋلەتتى تۇرمىسقا ارشىندى قادام تاستادى.

جاڭا تۇرارجايدىڭ قۇرىلعىلارى كەمەلدى

  شاتيان الەۋمەتتىك اۋماعىنا قادام باسساڭىز، قاز - قاتار تىزىلگەن 20 بەيقۇت ءۇي عيماراتى، سەمەنت جولدىڭ ەكى جاعىنداعى جاسىل ورمان بەلدەۋى مەن كوگال كوزىڭىزگە وتتاي باسىلادى، الەۋمەتتىك اۋماققا سەپتەلگەن شيپاحانا، بالاباقشا، باستاۋىش مەكتەپ، ساۋدا - ساتتىق كوشەسىنىڭ بارلىعى پايدالانۋعا بەرىلگەن. تۇنيسا مۇتالىپتىڭ جاڭا تۇرارجايى 80 شارشى مەتر، 3 جاتىن ءۇيى، ءبىر قوناق بولمەسى بار. ”ءۇي ىشىندە وتباسى ەلەكتر جابدىقتارىنىڭ بارلىعى تولىق، اسپا مەشى دە بار. 2018 - جىلدىڭ سوڭىندا ”كەرەك - جاراعىمەن عانا كوشىپ كىرگەن“ كەزىن ەسىنە العان تۇنيسا تەبىرەنبەي تۇرا المايدى.

  ”كونەتوز جۇرتتان كوشىرۋ“ حوتان اۋدانىنىڭ كەدەيلەردى قونىس جاڭالاپ سۇيەمەلدەۋ قىزمەتىنىڭ ءبىرىنشى قادامى.

  قونىس جاڭالاۋدان ىلگەرى تۇنيسا وتباسى تاۋاككول اۋىلى قوشىنور قىستاعىندا تۇراتىن، بۇل ءۇيدىڭ ەگىستىك جەرى از، تۇرارجاي شارت - جاعدايى اسا جۇپىنى ەدى. جاڭا تۇرارجايعا كوشىپ كىرگەننەن كەيىن، تۇنيسا وتباسى ءبىر ەرەن بازار اشتى، تۇنيسا ەرەن بازاردىڭ ءبىر بولمەسىندە الەۋمەتتىك اۋماق تۇرعىندارىنىڭ كيىم - كەشەگىن تىكتى. ”ەرەن بازار اشىپ، تىگىنشىلىك ىستەدىم، قازىر وتباسىمىزدىڭ ايلىق كىرىسى 7000 يۋان اينالاسىندا“، - دەدى تۇنيسا رازى بەينەمەن.

  شاتيان الەۋمەتتىك اۋماعى پارتيا ياچەيكاسىنىڭ شۋجيى چىن دىفىڭ بىلاي دەپ تانىستىردى: اۋدان الەۋمەتتىك اۋماقتىڭ سايكەستى نەگىزدىك قۇرىلعىلارى مەن الەۋمەتتىك قىزمەت وتەۋ قۇرىلعىلارىن ۇزدىكسىز كەمەلدەندىرىپ، قونىستاندىرۋ تۇيىنىنە سۋ، توك، جول، توراپ جەتكىزۋ سياقتىلارعا شىنايى كەپىلدىك ەتىپ، قونىس جاڭالاعان بۇقارانىڭ قولايلى نەگىزدىك الەۋمەتتىك قىزمەت وتەۋدەن يگىلىكتەنۋىنە مۇمكىندىك جاساپ، تابىس سەزىمىن، باقىت سەزىمىن ۇزدىكسىز ارتتىردى.

ەسىگىمىزدىڭ الدىندا قىزمەت ىستەيتىن بولدىق

  اينەكتى قولىمەن باسىپ تۇرىپ، اينەك كەسكىشپەن سىزعىشتى بويلاپ سىزىپ شىقتى... ابىلەت وبىلاسەن شەبەرلىكپەن ءبىر ۇلكەن ءبۇتىن اينەكتى بىرنەشە بولەككە ءبولدى.

  ”قاراڭىزشى، قالدىق مولشەرى وتە از“. قاسىندا تۇرعان اينەك زاۆودىنىڭ جاۋاپتىسى ۋاڭ يۇڭپيڭ ماقتاي سويلەدى.

  26 جاستاعى ابىلەت حوتان اۋدانى باقچي قالاشىعىنىڭ اسىلىكانت قىستاعىنان كوشىپ كەلگەن. ول 2018 - جىلدىڭ سوڭىندا ءۇي ىشىمەن شاتيان الەۋمەتتىك اۋماعىنا كوشىپ كەلگەننەن كەيىن تاياۋ ماڭداعى حوتان اۋدانى ەكونوميكالىق جاڭا رايونى كاسىپ سالاسى باقشاسىنداعى ءبىر اينەك زاۆودىنا قىزمەت ىستەپ، اي سايىن 3000 يۋاننان استام ەڭبەك اقى الادى.

  ”قولمەن كەسۋدى دە، ماشينامەن كەسۋدى دە يگەرىپ الدىم، قالدىق مولشەرى از بولعان سايىن ەڭبەك اقىم دا جوعارى بولادى، 9 - ايدا مەن 5000 يۋان ەڭبەك اقى الدىم“، - دەيدى ابىلەت ماقتانىشپەن.

  شاتيان الەۋمەتتىك اۋماعى تۇرعان حوتان اۋدانى ەكونوميكالىق جاڭا رايونى كاسىپ سالاسى باقشاسىندا ازىق - تۇلىك مانەرلەۋ، مال باعىمشىلىعى، توقىماشىلىق، كيىم - كەشەك سياقتى 70تەن استام كاسىپورىن بار، قونىس جاڭالاعان وتباسىلاردىڭ جاقىن ماڭنان جۇمىستانۋىن قامتاماسىزداندىرىپ وتىر.

  قونىس جاڭالاعان بۇقارانىڭ ”كوللەكتيۆپەن توعىسۋىنا، بايۋ جولى بولۋىنا“ مۇمكىندىك جاساۋ ءۇشىن، شاتيان الەۋمەتتىك اۋماعى ەڭبەككۇشتەردى سىرتقا شىعارۋ، باۋلىپ جۇمىستاندىرۋ، ءوز كۇشىنە سۇيەنىپ شارۋاشىلىق قۇرۋ، الەۋمەتتىك يگىلىك سيپاتتى قىزمەت ورىندارىنا ورنالاستىرۋ، كەدەيلەردى سۇيەمەلدەۋ زاۆود سەحتارىن كىرگىزۋ سياقتى شارالار ارقىلى قونىس جاڭالاعاننان كەيىن ۇزدىكسىز سۇيەمەلدەۋ قىزمەتىن زور كۇشپەن ورىستەتتى.

  ”قازىر شاتيان الەۋمەتتىك اۋماعى ءبىر وتباسىندا كەم دەگەندە ءبىر ادام جۇمىستانۋدى جۇزەگە اسىردى“. چىن دىفىڭ بىلاي دەدى: مۇنان كەيىن ءبىز جۇمىستاندىرۋ تەبىنىن ۇزدىكسىز كۇشەيتىپ، شاتيان الەۋمەتتىك اۋماعىنداعى قونىس جاڭالاعان وتباسىلاردىڭ كوشىپ شىعۋىنا، تۇراقتاپ تۇرۋىنا، بايي الۋىنا شىنايى كەپىلدىك ەتەمىز“.

بايۋ ارمانى بارعان سايىن كۇشەيدى

  اۋدان قالاشىعىنان 60 نەشە كيلومەتر قاشىقتىقتاعى قۇمدى ءشول قويناۋىنان وسىزاماندانعان شاعىن اۋماققا قونىس جاڭالاعان ءابدۇقادىر اليدىڭ قۋانىشى قوينىنا سيماي، كۇش - قايراتى تاسقىندادى. ”قونىس جاڭالاپ سۇيەمەلدەۋ ساياساتى بولماسا، مەندە بۇگىنگىدەي تاماشا تۇرمىس قايدان بولسىن“.

  شاتيان الەۋمەتتىك اۋماعىنا العاش كوشىپ كەلگەن شاقتا وندا ”ەگىن ەگۋ اۋىر جۇمىس، قولونەر ۇيرەنۋ ەرەكشە قيىن ەكەن“ دەگەن وي بولىپتى. ءابدۇقادىر اڭقىلداي سويلەدى: الەۋمەتتىك اۋماق كادرلارىنىڭ كومەگى مەن ءجون كورسەتۋىندە ايەلىم ەكەۋىمىز اياق كيىم زاۆودىنا بارىپ سىناپ كورۋگە بەكىدىك، 3 ايلىق تەحنيكالىق باۋلۋدان سوڭ ەكەۋىمىز قاراپايىم شارۋادان كاسىپ سالاسى جۇمىسشىسىنا اينالارىمىزدى شىنىندا دا ويلاماعان ەدىك.

  ”ءبىزدىڭ ەڭبەكاقىمىز ونىمگە قاراي بەرىلەدى، كوپ ىستەگەن سايىن، ەڭبەكاقىمىز دا كوبەيەدى، اي سايىن ەكەۋىمىز 4500 يۋان ەڭبەكاقى الامىز“، - دەدى ءابدۇقادىر، قازىر بۇل وتباسىنداعىلار تۇراقتى جۇمىستانۋدى جۇزەگە اسىردى.

  ءابدۇقادىر سياقتى قونىس جاڭالاعاننان كەيىن يدەياسىندا بۇرىلىس بولعان تۇرعىندار وتە كوپ، بىرگە تۇرىپ، ءوزارا باسەكەلەسىپ، ءوزارا ۇيرەنىپ، ءوزارا جەبەپ، ءوزارا كومەكتەسكەن ولاردىڭ بايۋ ارماندارى بارعان سايىن كۇشەيدى.

  چىن دىفىڭ تىلشىگە بىلاي دەدى: شاتيان الەۋمەتتىك اۋماعى قونىس جاڭالاعان قىستاق تۇرعىندارىن ساتىلارعا، تۇرلەرگە ءبولىپ، پارىقتى كاسىپتىك تەحنيكالىق باۋلۋ ارقىلى كاسىپورىندا، كەدەيلەردى سۇيەمەلدەۋ سەحتارىندا وتباسى سايىن از بولعاندا ءبىر ەڭبەك كۇشتى جۇمىستاندىرۋدى جۇزەگە اسىردى. ورنالاستىرىلعان ەسىك الدى دۇكەندەرىنەن پايدالانىپ تيجارات جۇرگىزەتىن 60 ساۋدا دۇكەنىن اشتى، مۇنىڭ ىشىندە 6 ساۋدا دۇكەنىن قونىس جاڭالاعان وتباسىلارى جالعا الىپ ءوز كۇشىنە سۇيەنىپ شارۋاشىلىق قۇردى، تاعى دا 19 ادامدى ورنىقتى جۇمىستاندىرىپ وتىر. 2019 - جىلى الەۋمەتتىك اۋماق تۇرعىندارىنىڭ ادام باسىنا تۋرا كەلەتىن جىلدىق كىرىسى 8907.93 يۋانعا، كوللەكتيۆ ەكونوميكالىق كىرىسى 50 مىڭ يۋانعا جەتتى.

جاۋاپتى رەداكتور: ءاننا اكىمقان قىزى