ايماقتىق حالىق شيپاحاناسى جاساندى جۇرەك سوقتىرعىش كوشىرۋ وپەراتسياسىن ءساتتى جاسادى

ايماقتىق حالىق شيپاحاناسى جۇرەك قان تامىر ىشكى اۋرۋلار ٴبولىمى تۇڭعىش رەت ماڭگىلىك قوس قۋىستى جۇرەك سوقتىرعىش كوشىرۋ وپەراتسياسىن ءساتتى جاسادى

  ءوز ءتىلشىمىز قۇرمانگۇل جەڭىسبەك قىزى حابارلايدى. جاقىندا، ايماقتىق حالىق شيپاحاناسى جۇرەك قان تامىر ىشكى اۋرۋلار ٴبولىمى تۇڭعىش رەت ماڭگىلىك قوس قۋىستى جۇرەك سوقتىرعىش كوشىرۋ وپەراتسياسىن ءساتتى جاساپ، ماڭگىلىك جۇرەك سوقتىرعىشتى ناۋقاستىڭ دەنەسىنە ٴساتتى كوشىردى.

  ايماقتىق حالىق شيپاحاناسى جۇرەك قان تامىر ىشكى اۋرۋلار ٴبولىمىنىڭ ورىنباسار مەڭگەرۋشىسى چيۋ جيانجۇننىڭ تانىستىرۋىنشا، قوس قۋىستى جۇرەك سوقتىرعىش بۇكىلدەي اۆتوماتتى، بەساسپاپ جۇرەك سوقتىرعىش دەپ تە اتالادى. قازىرگى سوزىلمالى باياۋ جۇرەك ريتىمىن ەمدەۋدىڭ ەڭ ٴونىمدى ٴادىسى. زەردەلىلەندىرۋى جوعارى، سەزگىشتىگى كۇشتى، ٴبىر قۋىستى جۇرەك سوقتىرعىشقا قاراعاندا ادام جۇرەگىنىڭ سوعۋىنا، وتكىزگىشتىك سياقتى فيزيولوگيالىق فۋنكتسيالارعا ۇيلەسەدى، جۇرەكتىڭ تەز سوعۋىن زور دارەجەدە جاقسارتادى.

  ۇعىسۋعا قاراعاندا، قوس قۋىستى جۇرەك سوقتىرعىش وپەراتسياسىن جاساۋدىڭ قيىندىعى جوعارى، قاتەرى زور، ونىڭ ۇستىنە قوس قۋىستى جۇرەك سوقتىرعىش كوشىرىلمەكشى بولعان ناۋقاستاردىڭ بارلىعى قاتەرلى ناۋقاستار بولعاندىقتان، ايماقتىق حالىق شيپاحاناسى وسىدان بۇرىن ناۋقاستاردى ۇنەمى جوعارى دارەجەلى شيپاحاناعا جوتكەيتىن نەمەسە جوعارى دارەجەلى شيپاحانانىڭ ماماندارىن شيپاحاناعا كەلىپ وپەراتسياعا جەتەكشىلىك ەتۋگە ۇسىنىس ەتۋ ارقىلى عانا بۇل وپەراتسيانى جاساپ كەلگەن.

  " بۇل رەتكى ماڭگىلىك جاساندى جۇرەك سوقتىرعىش كوشىرۋ وپەراتسياسىنىڭ ٴساتتى جاسالۋى ايماقتىق حالىق شيپاحاناسى جۇرەك قان تامىر ىشكى اۋرۋلار ٴبولىمىنىڭ ەمدەۋ تەحنيكاسىنىڭ تاعى ٴبىر تىڭ ساتىعا كوتەرىلگەندىگىنىڭ بەلگىسى، شيپاحانانىڭ ميكرو جاراقات وپەراتسياسىنىڭ ورىستەتىلۋى جانە ەمدەۋ تەحنيكاسىنىڭ جوعارىلاۋى جونىنەن ماڭىزدى مانگە يە"،-دەدى چيۋ جيانجۇن.

اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى