بۋرىلتوعاي قالاشىعىنداعى پارتيا مۇشەلەرى مەن بۇقاراعا قىزمەت وتەۋ ورتالىعى بۇقارا دەنە شىنىقتىرىپ، قيمىل وتكىزەتىن كوڭىلدەگىدەي جەرگە اينالدى

  ەرىكتى ءتىلشى جاڭ شين رۇي، حۇي يادي حابارلايدى. بيىل 7-ايدا بۋرىلتوعاي قالاشىعىنىڭ پارتيا مۇشەلەرى مەن بۇقاراعا قىزمەت وتەۋ ورتالىعى اشىلعاننان بەرى، قالىڭ پارتيا مۇشەلەرى مەن بۇقارا ٴۇشىن ٴتۇرلى كاسىپتىك قىزمەت وتەۋمەن بىرگە، كوڭىل اشۋ قيمىل ورىندارىمەن تەگىن قامداپ، بۇقارانىڭ جاقسى باعاسىنا يە بولدى.

  بۋرىلتوعاي قالاشىعى پارتيا مۇشەلەرى مەن بۇقاراعا قىزمەت وتەۋ ورتالىعىنىڭ جالپى اۋماعى 3426 شارشى مەتر، ەرىكتى قىزمەت وتەۋ رايونى، حالىققا قولايلى قىزمەت وتەۋ رايونى، دەنە شىنىقتىرۋ، قيمىل رايونى، پارتيا مۇشەلەرى مەن بۇقارانىڭ قيمىل رايونى، مادەنيەت، دەمالىس رايونى سياقتى 6 ۇلكەن رايونعا بولىنەدى. مۇنىڭ ىشىندە دەنە شىنىقتىرۋ مادەنيەت، دەنە تاربيە قيمىلى رايونىنىڭ اۋماعى 1300 شارشى مەتردەن اسادى،ٴتۇرلى دەنە شىنىقتىرۋ، سپورت اسپاپتارى جانە كىتاپ وقۋ، حاتكەرلىككە جاتتىعۋ ورنى بار، كەڭ دە جارىق قيمىل رايونى كوپتەگەن بۇقارانى وسىندا كەلىپ كوڭىل اشىپ، دەنە شىنىقتىرۋعا باۋرادى. ديڭ حۇڭ بۋرىلتوعاي قالاشىعى باتىس قالا الەۋمەتتىك اۋماعىنىڭ تۇرعىنى، ول ۇنەمى كورشىلەرىمەن، دوستارىمەن بىرگە قيمىل ورنىنا كەلىپ قاۋىرسىن دوپ وينايدى.

  ديۇ حۇڭ بىلاي دەدى: ”بۋرىلتوعاي قالاشىعى پارتيا مۇشەلەرى مەن بۇقاراعا قىزمەت وتەۋ ورتالىعىنىڭ اۋماعى ەرەكشە ۇلكەن، ىشىندەگى دەنە شىنىقتىرۋ اسپاپتارى دا كەمەلدى، ورتاسى تاماشا“.

  پارتيا مۇشەلەرى مەن بۇقاراعا قىزمەت وتەۋ ورتالىعىنىڭ تەگىن اشىلۋىنا ىلەسە، بۇل اراعا كەلەتىن ادامداردىڭ سانى دا بارعان سايىن كوبەيدى، كوپشىلىك بۇل ارادا دەنە شىنىقتىرىپ، كىتاپ وقىپ، حاتكەرلىككە جاتتىعىپ قانا قويماي، جالپىلىق مادەنيەت ساپاسىن جوعارىلاتتى.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى