بيىل ايماعىمىزداعى تۇڭعىش توپتاعى «ءۇش مىندەتتەگى» ادامدارعا كۋالىك تاراتىلدى

  پراكتيكانت ءتىلشى ۋىڭ شينيۇي حابارلايدى. ”بۇگىن كۋالىكتى اقىرى الدىم، توتەنشە اسەرلەندىم. مەن قاتىستى تاربيەلەۋ كۋرسى ارقىلى ٴوندىرىس حاۋىپسىزدىگى بىلىمدەرى مەن باسقارۋ قابىلەتىن تەكسەرۋ تولىمدىلىق كۋالىگىن الدىم. بۇدان بىلايعى قىزمەت بارىسىندا ٴتىپتى دە مۇقيات بولامىن“،-دەدى جۇڭگو مۇناي شينجياڭ ساتۋ شەكتى سەرىكتەستىگىنىڭ حاۋىپسىزدىك باسقارۋشىسى جاۋ جۇنليڭ.

  11-ايدىڭ 23-كۇنى ٴتىلشى التاي ايماقتىق اكىمشىلىك قىزمەت وتەۋ ورتالىعىنىڭ 2-قاباتىنداعى جۇمىس ءبىتىرۋ تەرەزەسىنەن التاي ايماقتىق شۇعىل جاعدايعا توتەپ بەرۋدى باسقارۋ مەكەمەسى قىزمەتكەرلەرىنىڭ التاي ايماعىنىڭ 2020-جىلعى تۇڭعىش توپتاعى «ءۇش مىندەتتەگى » قىزمەتكەرلەردىڭ باعالاۋ كۋالىگى مەن ەرەكشە جۇمىس جۇرگىزۋ كۋالىگىن تاراتىپ جاتقاندىعىن كوردى. «ءۇش مىندەتتەگى» قىزمەتكەرلەر دەپ حاۋىپسىزدىك باسقارۋشى، كاسىپورىننىڭ نەگىزگى جاۋاپتىلارى جانە ەرەكشە جۇمىس تۇرلەرىمەن اينالىسۋشىلار ايتىلىپ وتىر. ٴۇش مىندەتتەگى قىزمەتكەرلەر كۋالىك الۋ ءۇشىن ٴبىر تۇتاس تاربيەلەۋدەن ءسوزسىز ءوتۋى كەرەك، قاتىستى بىلىمدەر مەن زاڭ-ەرەجەلەر سىناعىنان وتكەننەن كەيىن عانا وسى كۋالىكتى الا الادى.

  ۇعىسۋعا قاراعاندا، بۇل رەت 457 ادام كۋالىكتى الۋ شارتىنا ۇيلەسكەن. بيىل جىل باسىنان بەرى ايماعىمىزدا جيىنى 1828 ادام كۋرسكە قاتىناسىپ، جەلى ارقىلى 100 دەن استام ادام تاربيەلەنگەن.

  ”التاي ايماعىندا جيىنى ەكى ەمتيحان ءتۇيىنى بار. بۇل ەكى ەمتيحان ءتۇيىنى 7-ايدا تەكسەرىپ وتكىزىپ الىنعان بولسادا، ىندەت جاعدايىنىڭ ىقپالىنان تۇڭعىش رەتكى ەمتيحان 9-ايدىڭ 28-كۇنى الىندى. قازىرگە دەيىن، وسى ەكى ەمتيحان تۇيىنىندە جيىنى 7 كەزەك ەمتيحان الىندى“،-دەدى التاي ايماعىنداعى چيديان ەمتيحان ءتۇيىنىنىڭ جاۋاپتىسى جاۋ چۇنيان.

  سول كۇنى، التاي ايماقتىق شۇعىل جاعدايعا توتەپ بەرۋدى باسقارۋ مەكەمەسى مەن ءاربىر كاسىپورىن ۋاكىلدەرى، تاربيەلەۋ قۇرىلىمدارىنىڭ ۋاكىلدەرى 2020-جىلعى التاي ايماعىنداعى تۇڭعىش توپتاعى «ءۇش مىندەتتەگى» قىزمەتكەرلەردىڭ جاعدايى جانە كاسىپورىنداردىڭ ٴوندىرىس حاۋىپسىزدىگى بويىنشا تاربيەلەۋ، باعالاۋىنىڭ سوڭعى قىزمەتتەرى جايلى، كاسىپورىنداردىڭ ”مەن حاۋىپسىزبىن“ دەيتىن ٴوندىرىس ۇستانىمىن جوعارىلاتۋ، «ٴبىر كەزەڭ، ٴبىر ارحيۆ»، «ٴبىر ادام، ٴبىر ارحيۆ» حاۋىپسىزدىك كۋرسى ارحيۆىن ەلەكتروندى باسقارۋدى جەدەل ىلگەرىلەتۋ، حاۋىپسىزدىك بويىنشا تاربيەلەۋ، باعالاۋ دەڭگەيىن جوعارىلاتۋ، سونداي-اق، 2021-جىلى «ءۇش مىندەتتەگى» قىزمەتكەرلەردىڭ حاۋىپسىزدىك بويىنشا تاربيەلەۋ، باعالاۋدى قايتكەندە جاقسى ورىستەتۋ قاتارلى ءبىرقىدىرۋ ماسەلە توڭىرەگىندە تالقى ورىستەتتى.

  ”شۇعىل جاعدايعا توتەپ بەرۋدى باسقارۋ تاراۋى رەتىندە، حاۋىپسىزدىك تاربيەسى مەن باۋلۋداعى ٴالسىز تۇستاردى كۇشەيتىپ، ولقىلىقتى تولىقتاۋدى ماڭىزدى مىندەت رەتىندە يگەرۋ،وتە-موتە نەگىزدىك ستراتەگيالىق ينجەنەريا رەتىندە يگەرۋ كەرەك، ٴوندىرىس حاۋىپسىزدىگىنىڭ جاۋاپكەرشىلىگى اۋىر، جاپالى، ٴبىز وسكەلەڭ جاۋاپكەرشىلىك رۋحىن ۇستانىپ، جوعارىدان تومەنگە دەيىن كۇش سالىپ، ٴونىمدى ٴتاسىل، اناعۇرلىم تىڭعىلىقتى قىزمەت ءستيلى ارقىلى ٴوندىرىس حاۋىپسىزدىگى بويىنشا تاربيەلەۋ، باعالاۋ قىزمەتىن ناقتى، ەگجەي-تەگجەيلى ىستەپ، مىقتى يگەرىپ، حالىق بۇقاراسىنىڭ ٴومىرى مەن مال-مۇلكىنىڭ حاۋىپسىزدىگىن قامتاماسىزداندىرىپ، بۇكىل ايماقتىڭ ٴوندىرىس حاۋىپسىزدىگى جاعدايىنىڭ ۇزدىكسىز ورنىقتى جاقسارۋىنا كەپىلدىك ەتۋىمىز كەرەك“،-دەدى التاي ايماقتىق شۇعىل جاعدايعا توتەپ بەرۋدى باسقارۋ مەكەمەسى پارتكومىنىڭ ورىنباسار شۋجيى، مەكەمە باستىعى ەربولات.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى