”ساياحاتشىلاردى التايدى ساياحاتتاۋعا باۋراۋ“ ساياحاتتى جالپىلاستىرۋ نىسان مىسالى بو-اۋ تالقى مىنبەرىنىڭ جوسپارلاۋ-ساتۋ باس بايگەسىنە يە بولدى

  التاي گازەتىنىڭ ءتىلشىسى حۋ جۇنشيۋ حابارلايدى. جاقىندا، ءتىلشىنىڭ ايماقتىق مادەنيەت-دەنەتاربيە، راديو-تەلەۆيزيا جانە ساياحات مەكەمەسىنەن ۇعىسۋىنا قاراعاندا، حايناندا اشىلعان 5-كەزەكتى حالىقارالىق ساياحات بو-اۋ تالقى مىنبەرىنىڭ سيلىق تاراتۋ سالتىندا التاي ايماعىنىڭ ”ساياحاتشىلاردى التايدى ساياحاتتاۋعا باۋراۋ“ ساياحاتتى جالپىلاستىرۋ نىسان مىسالى ەلىمىزدەگى 1000 نان استام مىسالدىڭ ىشىنەن توپ جارىپ العا شىعىپ، بيىلعى ايگىلى جوسپارلاۋ-ساتۋ باس بايگەسىن ەنشىلەدى. بو-اۋ حالىقارالىق ساياحات سيلىعى جىلدىق ساياحات ايگىلى جوسپارلاۋ-ساتۋ باس بايگەسىنە يە بولعان شينجياڭداعى تۇڭعىش مىسالعا اينالدى.

  2020-جىل جۇڭگو ساياحات كاسىبىندە وزگەرىس بولعان جىل، وراي مەن سايىس قاتار ءومىر سۇرەدى. جىل باسىنان بەرى، التاي بۇكىل ايماقتىڭ كۇشىن جۇمىلدىرىپ، ساياحاتتى جالپىلاستىرۋدى جوسپارلاۋ-ساتۋدى نەگىز ەتىپ، جازعى ساياحات پەن كۇز، قىس ماۋسىمىنداعى ساياحاتتىڭ قاۋىرت مەزگىلىندە ”ساياحاتشىلاردى التايدى ساياحاتتاۋعا باۋراۋ“ قيمىلىن ەكى كەزەك ورىستەتتى. مۇنداي وزگەشە ساتۋدى جەبەۋ ستراتەگياسى ەكى التىن اپتالىقتا قابىلداعان ساياحاتشى سانىنىڭ قاۋىرت ارتۋىن جۇزەگە اسىرىپ، ىندەتتىڭ وڭىرلىك ساياحات كاسىبىنىڭ دامۋىنا جاساعان ىقپالىن ءونىمدى تۇردە ازايتتى.

  ءتىلشىنىڭ ۇعىسۋىنشا، 5-كەزەكتى بو-اۋ ساياحات تالقى مىنبەرىن حاينان ولكەلىك ساياحات جانە مادەنيەت، راديو-تەلەۆيزيا، دەنەتاربيە مەڭگەرمەسى، جۇڭگو مەديا داشۋەسى، سامۇرىق تورى بىرلەسىپ وتكىزدى. تالقى مىنبەرىنىڭ ماڭىزدى بۋىنى رەتىندە حالىقارالىق ساياحات سيلىعىنىڭ ماقساتى ساياحات كاسىبىمەن شۇعىلدانۋشىلاردى اۋىس-كۇيىس تەكشەسىمەن قامداپ، ايگىلى ماركا جاڭالانۋ، تيجاراتتى ىزگىلىككە بەتالدىرۋ، تاراتۋ دارەجەسىن جوعارىلاتۋ تانىمىنا بويسۇنىپ، ۇكىمەت، مادەنيەت-ساياحات كاسىپ سالاسىنداعىلاردىڭ، اقپارات قۇرالدارى مەن عىلىم سالاسىنداعىلاردىڭ نازارىن اۋداردى. بۇل سيلىق ءتۇرى مادەنيەت-ساياحاتىنىڭ تارالۋ بەتالىسىنا جەتەكشىلىك ەتىپ، كوزدەۋلى جەر ايگىلى ماركا قۇرىلىسىن ىلگەرىلەتۋگە كۇش سالدى، بۇل سيلىققا يە بولۋ مادەنيەت-ساياحات ماركاسىن تاراتۋ سالاسىندا مويىندالعاندىعىن بىلدىرەدى.

  بۇل رەتكى بو-اۋ حالىقارالىق ساياحات سيلىعى الدىمەن العاشقى ساراپتاۋ ارقىلى 300 تاڭداۋلى مىسال تاڭداپ شىقتى، ونان سوڭ بۇرىنعى مەملەكەتتىك ساياحات مەكەمەسىنىڭ ورىنباسار باستىعى دۋ يلي، دۇنيە ساياحات قالالارى بىرلەستىگى ماماندار كوميتەتىنىڭ ورىنباسار مەڭگەرۋشىسى، مەملەكەتتىك كەڭەستىڭ ەرەكشە قوسىمشا قاراجات الاتىن مامانى جاڭ حۇي، مادەنيەت جانە ساياحات مينيسترلىگى ينفورماتسيا ورتالىعىنىڭ ورىنباسار مەڭگەرۋشىسى شين حۇڭيە، جۇڭگو مەديا داشۋەسى جارناما شۋەيۋانىنىڭ باستىعى، دوكتور جەتەكشىسى ديڭ جۇنجيە، بەيجيڭ داشۋەسى قالا جانە ورتا عىلىمى شۋەيۋانىنىڭ ساياحاتتى زەرتتەۋ جانە جوبالاۋ ورتالىعىنىڭ مەڭگەرۋشىسى ۋ بيحۋ قاتارلى ەل ىشىندەگى 23 ۇزدىك ساياحات تيجاراتىن جالپىلاستىرۋ ماماندارىنان جانە اقپارات قۇرالدارىنان، عىلىم سالاسىنداعى مامانداردان قۇرالعان حالىقارالىق ساياحات سيلىعىن ۇيىمداستىرۋ كوميتەتى سارالاعاننان كەيىن ەڭ سوڭىندا مەملەكەت بويىنشا 10 مىسالدىڭ بيىلعى ايگىلى جوسپارلاۋ-ساتۋ باس بايگەسىنە يە بولعاندىعىن تۇراقتاندىردى. ”ساياحاتشىلاردى التايدى ساياحاتتاۋعا باۋراۋ“ ساياحاتىن جالپىلاستىرۋ وبيەكتىسىنە قاتىستى مىسالداردىڭ سيلىق يەگەرى ايماقتىق مادەنيەت-دەنەتاربيە، راديو-تەلەۆيزيا جانە ساياحات مەكەمەسى بولدى.

  جاقىنعى جىلداردان بەرى، ايماق ”ساياحات كاسىبىن نەگىزگى تۇلعا ەتۋ، 1-كاسىپتى جەتەلەۋ، 2-كاسىپتى سۇيەمەلدەۋگە“ تاباندى بولىپ، ساياحات كاسىبىن نەگىزگى تۇلعا ەتكەن كاسىپ سالاسىن دامىتۋ ساياساتىنىڭ جەبەۋىندە ءتۇيىندى سالالار مەن شەشۋشى بۋىندار رەفورماسىن ۇزدىكسىز جەدەل ىلگەرىلەتىپ، دامۋ مەن رەفورمانىڭ قوزعاۋشى كۇشىن ۇزدىكسىز نىعايىپ، ايماق بويىنشا ەكونوميكادا جالپى جاقتان ورنىقتى بولۋ، ورنىقتىلىق بارىسىندا جاقسارۋ جاعدايى جارىققا شىقتى.

  ەل ءىشى-سىرتىنداعى دامىعان رايونداردىڭ ساياحاتتى دامىتۋداعى تاجىريبەسىنەن ۇلگى الىپ، ايماق ساياحاتتى جالپىلاستىرۋدا جوسپارلاۋ-ساتۋدى نەگىز ەتۋدى ايقىنداپ، وبراز ورناتۋ، ماركا جاراتۋ جانە ساياحاتشىلاردى باۋراۋ جاعىنا كۇش سالدى. 2020-جىلى ”1-مامىر“ جانە ”1-قازان“ ەكى”ساياحاتشىلاردى التايدى ساياحاتتاۋعا باۋراۋ“ ءتيىمدى ساياساتى مەن جالپىلاستىرۋ ستراتەگياسىن بەلگىلەدى. ساياساتتىڭ مازمۇنى باي بولىپ، كوپتەگەن ادامدى باۋرادى. ”1-مامىر“ كەزىندە ايماق 200 ميلليون يۋان قارجى شىعارىپ ساياحاتشىلارعا قوسىمشا قاراجات بەردى (ناقتى ىستەتىلگەن قارجى 20 ميلليون يۋان) بەلگىلەنگەن ۋاقىت ىشىندە بارلىق كورىنىس رايونىنىڭ ەسىك بەلەتى كەشىرىم ەتىلىپ، تۇتىنۋشىلاردى وزىنە باۋرايتىن اۋقىم قالىپتاستىردى.

  ”ساياحاتشىلاردى التايدى ساياحاتتاۋعا باۋراۋ“ ساياحاتىن جالپىلاستىرۋ نىسانى وڭىرلىك ابزالدىلىققا يە بايلىقتى جاپپاي بىرىكتىرىپ، ونىڭ مازمۇنى بىتىراڭقى بولۋدان ۇيىرمە-گرۋپپالارعا دەيىنگى الۋان ءتۇرلى قاجەتىن قاناعاتتاندىردى. بۇل نىسان ءتيىمدى ساياساتىن جاساۋ بارىسىندا جەكە كولىكپەن ساياحاتتاعانداردى سيلاۋ، قوسىمشا قاراجات بەرۋ شارالارى ويلاستىرىلدى، سونداي-اق ۇشاقتى مايعا الىپ ساياحاتتاۋدى سيلاۋعا اناعۇرلىم ايقىن شەك قويىلدى؛ ساياحات تۇتىنۋىنىڭ ”ەڭ سوڭعى ءبىر شاقىرىمىن“ اشۋ ءۇشىن، اۋەجاي، پويەز بەكەتى جانە ءارقايسى اۋىل (قالاشىق)، كورىنىس رايونى اراسىنا ”ءبىر يۋانمەن قاتىنايتىن“ كەزەكشى پويەز جولعا قويىلدى؛ ”6 يۋاندىق ۇشاق بەلەتى“،”100 يۋاندىق ماي قۇيۋ بەلەتى“، ”10 مىڭ تەگىن جاتىن ورىن“ قاتارلى تيىمدىلىك جاسالدى، سونداي-اق 31 ساياحات تانىستىرۋ گرۋپپاسىن بۇكىل شينجياڭ جانە بۇكىل ەلدەگى 8 ۇلكەن جولاۋشى قاينارى مول رايون مەن 32 ولكە دارەجەلى قالاعا جىبەرىپ تانىستىرىپ، قىرۋار ساياحاتشىنى التايعا كەلىپ ساياحاتتاۋعا باۋرادى.

جاۋاپتى رەداكتور: ءاننا اكىمقان قىزى