ايماق 2020-جىلعى ءوندىرىس حاۋىپسىزدىگى كوميتەتىنىڭ ءتورتىنشى جالپى ءماجىلىسىن جانە جىل سوڭىنداعى ءوندىرىس حاۋىپسىزدىگى حاۋىپ-قاتەرىنە تۇجىرىم جاساۋ ءماجىلىسىن اشتى

  التاي گازەتىنىڭ ءتىلشىسى دۋ پىڭفي، ەرىكتى ءتىلشى ۋاڭ بيڭلاي حابارلايدى. 11-ايدىڭ 21-كۇنى، ايماق 2020-جىلعى ءوندىرىس حاۋىپسىزدىگى كوميتەتىنىڭ ءتورتىنشى جالپى ءماجىلىسىن جانە جىل سوڭىنداعى ءوندىرىس حاۋىپسىزدىگى حاۋىپ-قاتەرىنە تۇجىرىم جاساۋ ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى قادەن كابەن ۇلى ماجىلىسكە قاتىناستى ءارى ءسوز سويلەدى. ايماقتىق پارتكومنىڭ مۇشەسى اقجول انەس ۇلى ءماجىلىستى باسقاردى. ايماقتىق پارتكوم، اكىمشىلىك مەكەمەسىنىڭ ءوندىرىس حاۋىپسىزدىگى قىزمەتىنە جاۋاپتى باسشىلارى، ايماقتىق ءوندىرىس حاۋىپسىزدىگى كوميتەتىنە مۇشە ورىنداردىڭ نەگىزگى باسشىلارى ماجىلىسكە قاتىناستى.

  ءماجىلىس ورتالىقتىڭ، اۆتونوميالى رايوننىڭ ءوندىرىس حاۋىپسىزدىگى جونىندەگى ماڭىزدى نۇسقاۋلارىنىڭ، بەكىتپەسىنىڭ رۋحىن جەتكىزدى، ۇيرەندى. ايماقتىق ءوندىرىس حاۋىپسىزدىگى كوميتەتىنە قاراستى قاتىناس، ءورت ءسوندىرۋ، ورتتەن ساقتانۋ، قۇرىلىس، ساياحات، سۋ ىستەرى قاتارلى 5 ءوندىرىس حاۋىپسىزدىگى كاسىپتىك كوميتەتى كەڭسەسىنىڭ ءوز كاسىبى سالاسىنداعى ءوندىرىس حاۋىپسىزدىگىنە تالداۋ جاساۋ، تۇجىرىم جاساۋ جاعدايى، ناقتى باسقارۋ-مەڭگەرۋ شارالارى جانە مىندەتتەردى ورنالاستىرۋ ۇسىنىسى جونىندەگى مالىمەتىن تىڭدادى. «التاي ايماعىنىڭ قىس پەن كوكتەمدە ءورت اپاتىنان ساقتانۋ جانە تىزگىندەۋ قىزمەتىن اتقارۋ جوباسى»، «التاي ايماعىنىڭ شۇعىل جاعدايعا توتەپ بەرۋ قولباسشىلىق ورتالىعىنىڭ قۇرىلىس جوباسى» ءىسىن اقىلداستى.

  ءماجىلىس مىنالاردى اتاپ كورسەتتى: ءوندىرىس حاۋىپسىزدىگى ماڭىزدى قىزمەت، ءسوزجوق، وسى قىزمەتكە ەرەكشە قىراعىلىقپەن مامىلە جاساۋ جانە يگەرۋ كەرەك. كەزەكتەگى كليمات، ماۋسىم قاتارلى فاكتورلاردىڭ ىقپالىنان ايماقتىڭ ءوندىرىس حاۋىپسىزدىگى جاعدايى ءالى دە كۇردەلى، كوپتەگەن ولقىلىقتار مەن السىزدىكتەر ساقتالىپ وتىرعاندىعىن سەرگەكتىكپەن تانۋ قاجەت. ءار دارەجەلى تاراۋلار (مەكەمە-ورىندار) ساقاداي ساي تۇراتىن رۋحاني كۇيدى ءارقاشان ساقتاپ، كۇش-قۋاتتى شوعىرلاندىرىپ، جاۋاپكەرلىكتى ناقتىلاندىرىپ، ناقتى ونىمدىلىككە ۇمتىلۋ ءتيىس.

  ءماجىلىس مىنالاردى تالاپ ەتتى: قاتىستى تاراۋلار (مەكەمە-ورىندار) ايماقتىڭ ەكونوميكالىق جانە قوعامدىق اينالىم ەرەكشەلىگىنە ۇشتاستىرىپ، كەزەكتەگى ءوندىرىس حاۋىپسىزدىگىنىڭ شەشۋشى ءتۇيىنىن دالمە-ءدال مىقتى يگەرۋ قاجەت. ءوندىرىس حاۋىپسىزدىگى ارناۋلى رەتتەۋ-وڭاۋ قيمىلىن ىشكەرىلەي ورىستەتىپ، تاس جول قاتىناسى، حاۋىپتى حيميالىق زاتتار، ءورت ءسوندىرۋ، ورتتەن ساقتانۋ، قالا قۇرىلىسى جانە قۇرىلىس سالۋ، ساياحات، ەرەكشە جابدىقتار قاتارلى ءتۇيىندى كاسىپ سالالارىن ۇزدىكسىز قاداعالاۋ، حاۋىپسىز ءوندىرىس شارالارىن بار كۇشپەن تياناقتاندىرۋ كەرەك. ءار سالا حاۋىپسىزدىك ماسەلەسىنە قاراتا مۇقيات تالداۋ جاساپ، تۇجىرىمداپ، جان-جاقتىلى ورنالاستىرىپ، جاپپاي دالم-ءدال شارا قولدانىپ، حاۋىپ-قاتەردى ءونىمدى باسقارۋ جانە تىزگىندەۋ ءتيىس.

  ءماجىلىس مىنالاردى باسا دارىپتەدى: قاتىستى تاراۋلار (مەكەمە-ورىندار) زاڭ اتقارۋ قىزمەت زاڭدىلىعىن عىلمي زەرتتەپ، ”ەكى كەزدەيسوق، ءبىردى جاريا ۇستاۋ“ ۇلگىسىنەن ويداعىداي پايدالانىپ، باقىلاۋ-باسقارۋ، زاڭ اتقارۋ تەبىنىن دالمە-ءدال كۇشەيتۋ؛ ءوز كاسىبى سالاسىنداعى ”كومەسكى كىناراتتى رەتتەپ وڭاۋ تىزىمدىگىمەن“ سالىستىرا وتىرىپ، ”قايىرىلا قاراۋعا“ ۇيىمداستىرىپ، جەتەكشىلىك ەتۋ، قىزمەت وتەۋمەن قامداۋ جاعىندا كۇش سالىپ، كومەسكى حاۋىپ-قاتەردى جويۋعا كەپىلدىك ەتۋ؛ شۇعىل جاعدايعا توتەپ بەرۋدى باسقارۋ، جونگە سالۋ قابىلەتىن وسىزامانداندىرۋ دەڭگەيىن جوعارىلاتۋدى كوزدە ۇستاي وتىرىپ، شۇعىل جاعدايعا توتەپ بەرۋدىڭ جۇيە قۇرىلىسى، ءوندىرىس حاۋىپسىزدىگى جانە ۋنيۆەرسال اپاتتان ساقتانۋ، اپات شىنىعىن ازايتۋ، اپاتتان قۇتقارۋدىڭ ”14-بەسجىلدىق“ جوباسىن جوعارى ولشەممەن جاساۋ؛ اۋا رايى وزگەرىسىنە قاداعالاي نازار اۋدارىپ، اۋا رايى وزگەرىسى، اپات حاۋىپ-قاتەرىن باقىلاۋ-تەكسەرۋ جاعدايىن دەركەزىندە جاريالاپ، شۇعىل جاعدايعا توتەپ بەرۋ زاتتىق ماتەريالدارىن زاپاس ساقتاۋ قاتارلى ءتۇرلى قىزمەتتەردى ويداعىداي ىستەۋ ءتيىس.

  ءماجىلىس مىنالاردى باسا دارىپتەدى: قاتىستى تاراۋلار (مەكەمە-ورىندار) جاۋاپكەرلىكتى قۋزاۋ مەحانيزمى ارقىلى ءوندىرىس حاۋىپسىزدىگى جاۋاپكەرلىك تىزبەگىن كەمەلدەندىرۋ كەرەك. اۆتونوميالى رايوننىڭ، ايماقتىڭ ءبىر جىلدان بەرى ورنالاستىرعان ءوندىرىس حاۋىپسىزدىگى جانە اپاتتان ساقتانۋ، اپات شىعىنىن ازايتۋ، اپاتتان قۇتقارۋ ءتۇرلى قىزمەت مىندەتى بويىنشا ءوزىن تەكسەرىپ، قىزمەتتە قول جەتكىزگەن ناتيجەلەر مەن ساقتالعان جەتەرسىزدىكتەردى مۇقيات قورىتىندىلاۋى، ءالى ورىنداماعانداردىڭ جاۋاپكەرلىگىن قۋزاپ، شارالاردى كۇشەيتىپ، جىلدىق نىسانا ـ مىندەتتەردىڭ ءساتتى ورىندالۋىنا كەپىلدىك ەتۋى كەرەك.

جاۋاپتى رەداكتور: ءاننا اكىمقان قىزى