پارتيا 19-كەزەتكى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرنۋ، دايەكتىلەندىرۋدىڭ اۆتونوميالى رايوندىق ۇگىت-لەكسيا ۇيىرمەسى التايعا كەلدى

  التاي گازەتىنىڭ ءتىلشىسى حۋ جۇنشيۋ حابارلايدى. 11-ايدىڭ 23-كۇنى، اۆتونوميالى رايوننىڭ ءبىر تۇتاس ورنالاستىرۋى بويىنشا پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋدىڭ اۆتونوميالى رايوندىق ۇگىت-لەكسيا ۇيىرمەسى التايعا كەلدى. اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق ەكولوگيالىق ورتا مەڭگەرمەسىنىڭ باستىعى قارقىن قابدىكارىم ۇلى ۇگىت-لەكسيا جاسادى. ۇگىت-لەكسيا، بايانداما جاساۋ ءماجىلىسى بەينە كەسكىن فورماسىندا اۋداندارعا (قالاعا، كورىنىس رايونىنا) دەيىن اشىلدى. ايماقتىق پارتكومنىڭ شۋجيى جاڭ يان شىڭگىل اۋدانىنداعى بولىمشە ءماجىلىس مايدانىندا بايانداما جاساۋ ماجىلىسىنە قاتىناستى؛ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى قادەن كابەن ۇلى نەگىزگى ءماجىلىس مايدانىندا بايانداما جاساۋ ءماجىلىسىن باسقاردى.

  بايانداما جاساۋ ماجىلىسىندە، قارقىن قابدىكەرىم ۇلى ەلىمىزدىڭ جاڭا دامۋ كەزەڭىنە ءوتۋىنىڭ كەلەلى ءمانىن، ءتيىمدى شارت-جاعدايىن جانە ماڭىزدى ەرەكشەلىگىن ىشكەرىلەي تانۋ؛ 2035-جىلعى بولاشاقتىق نىسانا مەن ”14-بەسجىلدىق“كەزىندەگى ەلىمىز دامۋىنىڭ جەتەكشى باعىتىن، باستى نىساناسىن، ءتۇيىندى مىندەتتەرىن دۇرىس يگەرۋ؛ جاڭا دامۋ جاعدايىن قالىپتاستىرۋدىڭ ستراتەگيالىق ويى مەن ماڭىزدى كۇش سالۋ ءتۇيىنىن مىقتى يگەرۋ؛ پارتيانىڭ جالپى بەتتىك باسشىلىعىنا تاباندى بولىپ، ءار جاقتاعى كۇشتەردى اتتانىسقا كەلتىرىپ، ”14-بەسجىلدىق“ جوبانى جۇزەگە اسىرۋ سياقتى 5 ءتۇرلى مازمۇندى توڭىرەكتەپ، جۇيەلى بايىمداپ، تۇسىنىك جاسادى جانە ىشكەرىلەي ءتۇسىندىردى.

  بايانداما ناقتى ماتەريال، شىنايى اسەر، تەرەڭ تۇسىنىك ارقىلى پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جاندى ءتۇسىندىردى. نازاريالىق وسكەلەڭدىككە دە، امالياتتىق تاجىريبەگە يە بولىپ، ماكرولىق جاقتان ويلاپ، ميكرولىق جاقتان تالداۋ جاسادى، سونداي ـ اق التايدىڭ ءىس جۇزىندىگىنە ۇشتاسىپ، اسا كۇشتى تاربيە جانە شابىت بەرۋ مانىنە يە بولدى. مايدانداعى پارتيالى كادرلار ىركەس-تىركەس بىلاي دەدى: تارتىمدى ۇگىت-لەكسيانى تىڭداۋ ارقىلى پارتيا 19-كەزەكتى ورتالىق كوميتەتىنىڭ بەسىنشى جالپى ءماجىلىسى جونىندە ىشكەرىلەي تۇسىنىككە يە بولدىق. بۇدان بىلاي پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قوزعاۋشى كۇش ەتىپ، ۇيرەنگەن بىلىمدەرىمىزدى قىزمەت بارىسىنا ءسىڭىرىپ، نەگىزگى ساتىعا جەتكىزەمىز، پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن تەرەڭ تامىر تارتقىزىپ، گۇل اشتىرىپ، جەمىس بەرگىزۋگە كۇش سالامىز.

  قادەن كابەن ۇلى ءماجىلىستى باسقارعاندا بىلاي دەپ اتاپ كورسەتتى: اۋداندار (قالا، كورىنىس رايونى)، تاراۋلار (ورىندار) اۆتونوميالى رايوننىڭ ۇگىت-لەكسيا ۇيىرمەسىنىڭ التايعا كەلىپ ۇگىت-لەكسيا جاساۋىن وراي ەتىپ، وسكەلەڭ ساياسي سانالىلىقپەن، يدەيالىق سانالىلىقپەن، ارەكەت سانالىلىعىمەن، جەتە ۇيرەنۋگە، جەتە يگەرۋگە، شىنايى تياناقتاندىرۋعا كۇش سالىپ، ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن كوتەرۋ كەرەك. پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ويداعىداي ۇيرەنۋدى، ويداعىداي ۇگىتتەۋدى، ويداعىداي دايەكتىلەندىرۋدى، كەزەكتەگى جانە بۇدان كەيىنگى ءبىر مەزگىلدەگى ءار دارەجەلى پارتيا ۇيىمدارىنىڭ ماڭىزدى ساياسي مىندەتى ەتىپ، پارتكومنىڭ (پارتگرۋپپانىڭ) نازاريا ۇيرەنۋ وزەكتى گرۋپپاسى، ارناۋلى ۇيرەنۋ كۋرسى سياقتى فورمالار ارقىلى ءار دارەجەلى پارتيالى كادرلاردىڭ، دەمالىسقا، پەنسياعا شىققان پارتيا مۇشەلەرىنىڭ، ەگىن-مال شارۋاشىلىق رايوندارىنداعى پارتيا مۇشەلەرىنىڭ، قالاداعى جىلجىمالى پارتيا مۇشەلەرىنىڭ ۇيرەنۋىن مىقتى يگەرىپ، قالتارىس ءوڭىر بولماۋ، جاپپاي قامتۋدى جۇزەگە اسىرۋ كەرەك.

  قادەن كابەن ۇلى مىنالاردى تالاپ ەتتى: تياناقتاندىرۋدى كۇشەيتىپ، ايماقتىڭ ”14-بەسجىلدىق“ جوبا باعدارلاماسىن جوعارى ساپامەن ويداعىداي جاساۋ قاجەت. اۋداندار (قالا، كورىنىس رايونى)، تاراۋلار (ورىندار) قىزمەت امالياتىنا ۇشتاستىرىپ زەيىن قويا ۇيرەنىپ، ءسوزدىڭ رۋحىن ۇيرەنۋدى ايماقتىڭ ”14-بەسجىلدىق“ جوباسىن جوسپارلاۋمەن ۇشتاستىرۋ كەرەك. جۇيەلى كوزقاراستى، بولجامپازدىقتى، جالپى بەتتىك جوسپارلاۋ تانىمىن ۇيرەنۋ، شىنايى كۇشەيتۋ ارقىلى قازىرگى جاعدايدى تياناق ەتىپ، ۇزاق بولاشاقتى كوزدە ۇستاپ، ستراتەگيا جانە جالپى جاعداي تۇرعىسىندا تۇرىپ، ايماقتىڭ ”14-بەسجىلدىق“ جوبا پروگرامماسىن ىشكەرىلەي مۇقيات زەرتتەپ، سىندارلى پىكىرلەردى ورتاعا قويىپ، ايماقتىڭ ”14-بەسجىلدىق“ جوبا پروگرامماسىن جاساۋدىڭ ناقتى، جوعارى ءونىمدى، عىلمي بولۋىنا كەپىلدىك ەتىپ، اناعۇرلىم تىنىش، كورىكتى، باقىتتى جاڭا التاي قۇرۋعا ۇلەس قوسۋ ءتيىس.

  سول كۇنى قارقىن قابدىكەرىم ۇلى التاي قالاسى ءابيتان قالاشىعىنىڭ شىڭىراۋ قىستاعىنا بارىپ قازىرگى التاي ايماعىنىڭ اۋىل-قىستاقتارىنىڭ دامۋى، كاسىپتى گۇلدەندىرۋ، ەكولوگيالىق وركەنيەتتە قول جەتكىزگەن تابىس پەن ساقتالىپ وتىرعان ماسەلەلەر جونىندە كادرلارمەن، بۇقارامەن جانە قىستاق تۇرعىندارىمەن پىكىر الماستىردى ءارى نەگىزگى ساتىداعى بۇقارا ورتاعا قويعان ”پارتيا 19-كەزەكتى ورتالىق كوميتەتىنىڭ بەسىنشى جالپى ماجىلىسىندە حالىقتىڭ تۇرمىس ساپاسىن جاقسارتۋ، قوعامدىق قۇرىلىس ورەسىن جوعارىلاتۋ جونىندە قانداي تىڭ ورنالاستىرۋلار جاسالدى؟“، ”اۋىل-قىستاقتىڭ ەكولوگيالىق ورتاسىن جاقسارتۋ جاعىندا بەسىنشى جالپى ماجىلىستە قانداي جاڭا ساياساتتار ورتاعا قويىلدى؟“ دەگەن سۇراۋلارعا ناق مايداندا جاۋاپ بەرىپ، پىكىر الماستىردى، ناق مايدان دۋمانعا بولەنىپ، تارتىمدى ۇگىت-لەكسيا سول جەردەگى بۇقارانىڭ قىزۋ قارسى الۋىنا يە بولدى.

  التاي قالاسى ءابيتان قالاشىعى شىڭىراۋ قىستاعىنىڭ تۇرعىنى جىڭ جيان بىلاي دەدى: اڭگىمە ءماجىلىسى توتەنشە ءماندى بولدى. اۆتونوميالى رايوننان كەلگەن مامانداردىڭ ەگجەي-تەگجەيلى ءتۇسىندىرۋى ارقىلى پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندەگى تۇسىنىگىم ونان ارى تەرەڭدەدى. وسى بىرنەشە جىلدا پارتيا مەن ۇكىمەتتىڭ قامقورلىعىندا، قىستاعىمىزدا زور وزگەرىستەر تۋىلدى. قىستاق جولى كەڭەيىپ، جول شىراقتارى جارقىراپ، قۇبىر سۋى بارلىق وتباسىنا جەتكىزىلدى. پارتيانىڭ باسشىلىعىندا بۇقارانىڭ تۇرمىسىنىڭ اناعۇرلىم تاماشا بولاتىندىعىنا سەنىمىم كامىل.

  باقىت ينايات ۇلى، دوۋ جاۋحۇي، گۋان ۋي، يۇي حۋاياڭ، ۋاڭ يگۋاڭ، اقجول انەس ۇلى قاتارلى ايماقتىق ءتورت باسشىلىق القانىڭ باسشىلارى، ورىنباسار باس حاتشىلار، ايماقتىق ورتا دارەجەلى حالىق سوتىنىڭ، ىلە قازاق اۆتونوميالى وبلىستىق حالىق پروكۋراتۋراسى التاي بولىمشە پروكۋراتۋراسىنىڭ نەگىزگى باسشىلارى، ايماقتىق پارتكومنىڭ تاراۋلارىنىڭ، كوميتەتتەرىنىڭ، كەڭسەلەرىنىڭ، ايماققا توتە قاراستى تاراۋلاردىڭ (ورىنداردىڭ)، ءارقايسى كاسىپورىن، ءىسورىنداردىڭ، التايدا تۇراتىن مەكەمە-ورىنداردىڭ نەگىزگى جاۋاپتىلارى؛ قارت كادرلار ۋاكىلدەرى، نازاريا قىزمەتكەرلەرىنىڭ ۋاكىلدەرى، وقىتۋشىلاردىڭ ۋاكىلدەرى نەگىزگى ءماجىلىس مايدانىندا ماجىلىسكە قاتىناستى.

جاۋاپتى رەداكتور: ءاننا اكىمقان قىزى