پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، تامىر تارتۋىنا شىنايى كەپىلدىك ەتۋ ءۇشىن زەيىن - زەردەنى شوعىرلاندىرىپ، كۇش ۇيىستىرايىق

نۇرلان ءابىلماجىن ساياسي كەڭەس ورگانىندا پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە ۇگىت - لەكسيا جاسادى

پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، تامىر تارتۋىنا شىنايى كەپىلدىك ەتۋ ءۇشىن زەيىن - زەردەنى شوعىرلاندىرىپ، كۇش ۇيىستىرايىق

   شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 11 - ايدىڭ 23 - كۇنى ۇرىمجىدەن حابارلايدى. 11 - ايدىڭ 23 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اۆتونوميالى رايوندىق ساياسي كەڭەس ورگانىندا پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە ۇگىت - لەكسيا جاسادى.

  نۇرلان ءابىلماجىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، جاڭا دامۋ جەتىستىگى، جاڭا دامۋ كەزەڭى، جاڭا دامۋ نىساناسى، جاڭا دامۋ كورسەتكىشى، جاڭا دامۋ ۇستانىمى، جاڭا دامۋ ارناسى، جاڭا دامۋ مىندەتى، جاڭا دامۋ كەپىلى سياقتى 8 جاقتى تۇيىندەي وتىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جۇيەلى باياندادى جانە ىشكەرىلەي ءتۇسىندىردى.

  نۇرلان ءابىلماجىن بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەلىمىز جاڭا دامۋ كەزەڭىنە وتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن شەشۋشى ساتتە تۇرعان مەزگىلدە اشىلعان ءبىر رەتكى جالپى جاعداي سيپاتتى، تاريحي سيپاتتى ماڭىزعا يە ءماجىلىس. باس شۋجي شي جينپيڭنىڭ جالپى ماجىلىستەگى ماڭىزدى ءسوزى ءبىر قىدىرۋ بەتالىستىق، ءتۇبىرلى، ستراتەگيالىق كەلەلى ماسەلەلەرگە عىلمي جاۋاپ بەردى، كوپتەگەن جاڭا يدەيانى، جاڭا كوزقاراستى، جاڭا تۇجىرىمدى، جاڭا تالاپتى جاسامپازدىقپەن العا قويىپ، جوعارى ساپالى دامۋدى ىلگەرىلەتۋ، جاڭا دامۋ ارناسىن قالىپتاستىرۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋ ءۇشىن عىلمي كورسەتكىش جانە ءتۇبىرلى بويسۇنۋ ولشەمىن ازىرلەدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى 19 - كەزەكتى ورتالىق كوميتەتى بەسىنشى جالپى ءماجىلىسى رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن شىنايى بىرلىككە كەلتىرىپ، ساياسي كەڭەستىڭ مەملەكەتتى جونگە سالۋ جۇيەسىنىڭ ماڭىزدى قۇرامداس ءبولىمى بولۋداي وزگەشە ابزالدىلىعىن شىنايى ساۋلەلەندىرىپ، باتىلدىقپەن جاۋاپكەرشىلىك ارقالاپ، ىرىقتىلىقپەن ىسكەرلىك كورسەتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، تەرەڭ تامىر تارتۋىنا شىنايى كەپىلدىك ەتۋ ءۇشىن زەيىن - زەردەنى شوعىرلاندىرىپ، كۇش ۇيىستىرۋ كەرەك.

  نۇرلان ءابىلماجىن بىلاي دەپ باسا دارىپتەدى: ”13 - بەسجىلدىق“ مەزگىلىندەگى ەلىمىز دامۋىندا قول جەتكەن كەلەلى جەتىستىكتەردى دۇرىس يگەرىپ، پارتيا ورتالىق كوميتەتىنىڭ ”14 - بەسجىلدىق“ مەزگىلىندەگى جاعداي جونىندەگى عىلمي تۇجىرىمىن دۇرىس يگەرىپ، ”14 - بەسجىلدىق“ مەزگىلىندەگى ەلىمىزدىڭ ەكونوميكالىق، قوعامدىق دامۋىنىڭ جەتەكشى يدەياسىن، نەگىزگى پرينسيبىن جانە نىسانا، تالاپتارىن دۇرىس يگەرىپ، سانالى تۇردە ساياسي كەڭەس قىزمەتىن ”ەكى كەلەلى جاعداي“ مەن جاڭا داۋىردەگى شينجياڭ قىزمەتىن ويداعىداي ىستەۋدىڭ جالپى جاعدايىندا تۇرىپ ويلاسۋ، ارناۋلى ءماسليحات ورگانى قۇرىلىسىن كۇشەيتۋ، اسا ءونىمدى مىندەت اتقارۋ امالياتىمەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭدا تياناقتانىپ، تامىر تارتۋىن، ناقتى ءونىمدى بولۋىن دەمەۋ كەرەك. جاڭا دامۋ ۇستانىمىمەن ساياسي كەڭەس قىزمەتىنە جەتەكشىلىك ەتۋگە تاباندى بولىپ، مىندەت اتقارىپ، ۇسىنىس بەرۋدىڭ اناعۇرلىم جاقسى داۋىرلىك سيپاتىن بەينەلەۋىنە، زاڭدىلىققا ۇيلەسۋىنە، جاسامپازدىققا يە بولۋىنا مۇمكىندىك جاساۋ كەرەك. مىندەت اتقارۋ ارقىلى جاڭا دامۋ ارناسىن قالىپتاستىرۋدى دەمەپ، ەكونوميكانىڭ جوعارى ساپالى دامۋىن جۇزەگە اسىرۋ ءۇشىن ۇسىنىس قويىپ، كەڭەس بەرۋ، ورتاق تانىم توعىستىرۋ، كۇش توپتاۋ كەرەك. 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىمەن ساباقتاستىرىپ، ساياسي كەڭەستىڭ ابزالدىلىعىن تولىق ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك سومداۋ، ۇلتتار ىنتىماعىن بەكەمدەۋ، يدەولوگيا سالاسىنداعى قىزمەتتەردى ويداعىداي ىستەۋ، ەكونوميكانىڭ جوعارى ساپالى دامۋىن ىلگەرىلەتۋ سياقتى قوعام ورنىقتىلىعى مەن باياندى تىنىشتىققا قاتىستى تەرەڭ قاتپارلى ماسەلەلەرگە نازاردى شوعىرلاندىرىپ، كۇش سالىپ، ساياسي كەڭەستىڭ جاڭا ىسكەرلىگىن ايگىلەۋ كەرەك. پارتيانىڭ ساياسي كەڭەس قىزمەتىنە جالپى بەتتىك باسشىلىعىنا بۇلجىماستان تاباندى بولۋ، پارتيانىڭ باسشىلىعىنا تاباندى بولۋدى نازاريامەن قارۋلانۋدى كۇشەيتۋ، مىندەت اتقارۋ قيمىلدارىن ورىستەتۋ، ىنتىماقتى، سەلبەستىكتى ىلگەرىلەتۋ، ءتۇزىم - مەحانيزمىن اقاۋسىزداندىرۋ، قوسىن قۇرىلىسىن كۇشەيتۋ سياقتى ءار جاقتاردا تياناقتاندىرىپ، ساياسي كەڭەس قىزمەتىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك.

  اۆتونوميالى رايوندىق ساياسي كەڭەستىڭ ورىنباسار ءتوراعاسى ءىلھام سابىر ۇگىت - لەكسيا بايانداما ماجىلىسىنە قاتىناستى.

جاۋاپتى رەداكتور: ءاننا اكىمقان قىزى