اۆتونوميالى رايوننىڭ 12 - كەزەكتى فيلوسوفيا قوعامدىق عىلىمدار سيلىعىن تاراتۋ ءماجىلىسى اشىلدى

   شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 11 - ايدىڭ 23 - كۇنى ۇرىمجىدەن حابارلايدى. 11 - ايدىڭ 22 - كۇنى تۇستەن كەيىن اۆتونوميالى رايوننىڭ 12 - كەزەكتى فيلوسوفيا قوعامدىق عىلىمدار سيلىعىن تاراتۋ ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى.

  ءماجىلىس اۆتونوميالى رايوننىڭ 12 - كەزەكتى فيلوسوفيا قوعامدىق عىلىمدار سيلىعىنا يە بولعان جەتىستىك نىساندارىن جاريالادى ءارى سيلىققا يە بولعان جەتىستىك نىساندارى اۆتورلارىن ماداقتاپ - سيلادى. اۆتونوميالى رايوندىق 12 - كەزەكتى فيلوسوفيا قوعامدىق عىلىمدار سيلىعىن باعالاۋ قىزمەتى 2018 - جىلى 5 - ايدا باستالىپ، جالپى 112 ءتۇرلى تاڭداۋلى جەتىستىك باعالانىپ شىقتى.

  ءماجىلىس مىنالاردى اتاپ كورسەتتى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى ستراتەگيالىق جانە جالپى جاعداي تۇرعىسىنان جاڭا داۋىردەگى شينجياڭ قىزمەتىن جوسپارلاپ، ىلگەرىلەتىپ، شينجياڭنىڭ فيلوسوفيا قوعامدىق عىلىمدار ىستەرىنىڭ دامۋىنا تاپتىرماس تاريحي وراي جاراتىپ، بولاشاعى نۇرلى كەڭ ءورىس ازىرلەدى. بۇكىل رايونىمىزداعى قالىڭ فيلوسوفيا قوعامدىق عىلىم قىزمەتكەرلەرى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، يگەرىپ، وزەكتى ءمانى مەن رۋحاني ءمانىن تەرەڭ يگەرىپ، وي - سانانى شىنايى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك. ماركسيزمنىڭ جەتەكشى ورنىنا تۋى ايقىن تۇردە تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى سىندى 21 - عاسىر ماركسيزمىن، زامانىمىزداعى جۇڭگو ماركسيزمىن جەتە ۇيرەنىپ، جەتە يگەرىپ، شىنايى تياناقتاندىرىپ، فيلوسوفيا قوعامدىق عىلىمدار قىزمەتىنىڭ دۇرىس بەتالىسىن مىقتاپ يگەرۋ كەرەك. حالىقتى وزەك ەتۋدەي زەرتتەۋ باعدارىنا باستان - اياق تاباندى بولىپ، جەكەنىڭ عىلمي ىزدەنىسىن مەملەكەتتىڭ جانە ۇلتتىڭ دامۋىمەن تىعىز ۇشتاستىرىپ، شينجياڭنىڭ قوعام ورنىقتىلىعى مەن باياندى تىنىشتىعىنا قاتىستى، پارتيامىزدىڭ شينجياڭدا بيلىك جۇرگىزۋ نەگىزىنە قاتىستى كەلەلى نازاريالار مەن امالياتتىق ماسەلەلەردى مۇقيات زەرتتەپ، شەشىپ، دامۋ شارالارىن كوبىرەك قاراستىرىپ، كورەگەن ۇسىنىستاردى كوبىرەك قويىپ، ناقتى ءىس ىستەۋ شارالارىن كوبىرەك ۇسىنۋ كەرەك.

  ءماجىلىس مىنالاردى باسا دارىپتەدى: بۇكىل رايونىمىزداعى قالىڭ فيلوسوفيا قوعامدىق عىلىم قىزمەتكەرلەرى شينجياڭ قىزمەتىنىڭ باس نىساناسىن مىقتاپ يگەرىپ، پارتيا مەن مەملەكەت ءۇشىن مۇرات ورناتۋدى كوزدە ۇستاي وتىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇگىتتەۋدى، جالپىلاستىرۋدى ىشكەرىلەي ورىستەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ ”قاراپايىم حالىقتىڭ وتباسىنا دەيىن جەتۋىن“ ىلگەرىلەتۋ كەرەك. ۇلى ءداۋىر ءۇشىن ۇلگى ورناتۋدى كوزدە ۇستاپ، جۇڭحۋا ۇلتى ورتاق تۇلعا تانىمىن سومداۋدى ارقاۋ ەتۋگە، شينجياڭدى مادەنيەتپەن نارلەندىرۋ ينجەنەرياسى قاتارلىلاردى اتقارۋعا كۇش سالىپ، نازاريا جۇيەسىن، تاريحي ماتەريالدار جۇيەسىن، ءسوز جۇيەسىن، ءادىس - شارا جۇيەسىن كۇش سالا قۇرۋ كەرەك. قوعام ءۇشىن ونەگە ورناتىپ، ونەگە كورسەتۋدى كوزدە ۇستاپ، شينجياڭ حيكايالارىن كوپ ساتىلى، جان - جاقتى، ءار قىرىنان ويداعىداي بايانداۋ كەرەك. مەملەكەت ءۇشىن ءۇن قاتىپ، ءسوز سويلەۋدى كوزدە ۇستاپ، يدەولوگيا سالاسىنىڭ قىزمەتىن ىشكەرىلەي ويداعىداي ىستەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتتىق قولداۋ جانە رۋحاني قوزعاۋشى كۇش ازىرلەۋ كەرەك.

  ءماجىلىس مىنالاردى تالاپ ەتتى: ءار دارەجەلى پارتكومدار فيلوسوفيا قوعامدىق عىلىمدار قىزمەتىن ماڭىزدى كەڭەستىك كۇن تارتىپكە ەنگىزىپ، فيلوسوفيا قوعامدىق عىلىمدار قىزمەتىن باعالاۋ، سيلاۋ مەحانيزمىن كەمەلدەندىرىپ، فيلوسوفيا قوعامدىق عىلىمداردى زەرتتەۋ ءتۇزىلىسىن ساپالىلاندىرىپ، تاڭداۋلى ۇيرەنۋ ستيلىن كۇش سالا اسقاقتاتىپ، فيلوسوفيا قوعامدىق عىلىمدار قۇرىلىمىنىڭ باسشىلىق القا قۇرىلىسىن كۇشەيتىپ، دارىندىلاردى باۋلۋ تەبىنىن كۇشەيتىپ، شينجياڭنىڭ فيلوسوفيا قوعامدىق عىلىم ىستەرىنىڭ جاڭا جاعدايىن قۇلشىنا اشۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ءماجىلىستى باسقاردى. اۆتونوميالى رايون جانە بيڭتۋان باسىلارىنان مانەن زەينەل، سۇن حۇڭمەي، ءىلھام سابىر، لۋ شۇيپيڭ ماجىلىسكە قاتىناستى.

جاۋاپتى رەداكتور: ءاننا اكىمقان قىزى