شي جينپيڭ دۇنيە جۇزىلىك ينتەرنەت جينالىسى . ينتەرنەتتى دامىتۋ تالقى مىنبەرىنە قۇتتىقتاۋ حات جولدادى

  شينحۋا اگەنتتىگىنىڭ 11 - ايدىڭ 23 - كۇنى بەيجيڭنەن بەرگەن حابارى. دۇنيە جۇزىلىك ينتەرنەت جينالىسى. ينتەرنەتتى دامىتۋ تالقى مىنبەرى 11 - ايدىڭ 23 - كۇنى جىجياڭ ولكەسىنىڭ ۋجىنىندا اشىلدى. مەملەكەت ءتوراعاسى شي جينپيڭ تالقى مىنبەرىنە قۇتتىقتاۋ حات جولدادى.

  شي جينپيڭ مىنانى اتاپ كورسەتتى: بۇگىنگى دۇنيە جۇزىندە جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ تەبىندەپ كوركەيۋى سيفرلى تەحنيكانىڭ جەدەل دامۋىن جەبەدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى قاشىقتان ەمدەۋ، جەلىدە وقىتۋ، تەڭ يگىلىكتەنۋ تۇعىرى، سەلبەسىپ جۇمىس ىستەۋ سياقتىلار كەڭ كولەمدە پايدالانىلىپ، ينتەرنەت ءار ەل ەكونوميكاسىنىڭ قالپىنا كەلۋىن جەبەۋدە، قوعامدىق اينالىمدى قامتاماسىزداندىرۋدا، حالىقارالىق ىندەتكە قارسى اتتانۋ سەلبەستىگىن ىلگەرىلەتۋدە ماڭىزدى رول اتقاردى.

  شي جينپيڭ بىلاي دەپ باسا دارىپتەدى: جۇڭگو دۇنيە جۇزىندەگى ەلدەرمەن بىرگە، ينفورماتسيا توڭكەرىسىنىڭ تاريحي ورايىن يگەرىپ، جاڭالىق اشۋدىڭ تىڭ قوزعاۋشى قۋاتىن جەتىلدىرىپ، سيفرلى سەلبەستىكتىڭ جاڭا جاعدايىن اشىپ، ينتەرنەت حاۋىپسىزدىگى جاڭا ارناسىن قۇرىپ، ينتەرنەت كەڭىستىگى تاعدىرلاس ورتاق تۇلعاسىن قالىپتاستىرىپ، ادامزاتتىڭ اناعۇرلىم كوركەم بولاشاعىن سەلبەسە اشۋدى قالايدى.

جاۋاپتى رەداكتور: ءاننا اكىمقان قىزى