ەڭبەك ەرى رۋحىن زور كۇشپەن اسقاقتاتايىق

ەڭبەك ەرى رۋحىن زور كۇشپەن اسقاقتاتايىق

حالىق گازەتى باسماقالاسى

  ەڭبەك − ادامزات قوعامىنىڭ العا باسۋىن ىلگەرىلەتەتىن ءتۇبىرلى كۇش. ءدال وسى ەڭبەك جاسامپازدىعى بولعاندىقتان دا، ءبىز تاريحتىڭ شۇعىلاسىنا بولەندىك؛ ءدال وسى ەڭبەك جاسامپازدىعى بولعاندىقتان دا، بۇگىنگى جەتىستىكتەرگە جەتىپ وتىرمىز.

  پارتيا 18 - قۇرىلتايىنان بەرى، قىم - قۋىت كۇردەلى حالىقارالىق جاعداي، ەل ىشىندەگى ماشاقاتتى دا اۋىر دامۋ، رەفورما، ورنىقتىلىق مىندەتتەرى الدىندا شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ەكپىندەي العا باسۋعا، ءورىس اشا جاڭالىق اشۋعا ىنتىماقتاستىرا باستاپ، پارتيا مەن مەملەكەتتىڭ ءتۇرلى ىستەرىن قايراتتانا ىلگەرىلەتىپ، ءتۇرلى حاۋىپ - قاتەرلەردى، سىن - سايىستاردى جەڭىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ شەشۋشى سيپاتتى تابىستارىنا قول جەتكىزدى، كەدەيلىكتەن ارىلتۋدان قامال الۋدىڭ تابىستارى بۇكىل دۇنيە ءجۇزىن جالت قاراتتى، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدە ماڭىزدى ستراتەگيالىق تابىستارعا قول جەتكىزىپ، جۇڭحۋا ۇلتىنىڭ ۇلى گۇلدەنۋى العا قاراي شىت جاڭا ارشىندى قادام تاستادى، سوتسياليستىك جۇڭگو ءتىپتى دە ايبىندى بەينەمەن دۇنيەنىڭ شىعىسىندا قاسقايىپ تۇردى. وسى ۇلى اماليات بارىسىندا ءار كاسىپ، ءار سالادا قىزمەت ورنىن ءسۇيىپ، كاسىپتى قادىرلەيتىن، قاجىرلىلىقپەن جاڭالىق اشاتىن، جۇرەكتىلىكپەن جاۋاپكەرشىلىك ارقالايتىن، قالتقىسىز ۇلەس قوساتىن ءبىر توپ وزات، ۇلگى تۇلعالار جارىققا شىقتى، ولار جۇمىسشى تابى مەن قالىڭ ەڭبەكشى بۇقارانىڭ تاڭداۋلى ۋاكىلدەرى، ءداۋىردىڭ ۇلگىلەرى، رەسپۋبليكامىزدىڭ ەڭبەك ارداگەرلەرى. جۋىقتا 2020 - جىلعى مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋعا تانىستىرىلاتىن كانديداتتاردى اشىق جاريالاۋ جۇرت نازارىن جاپپاي اۋدارىپ، بۇكىل قوعامنىڭ ەڭبەكتىڭ قۇنىن شىنايى مويىنداۋىن، وزاتتارعا، ۇلگىلەرگە دەگەن قۇرمەتىن ايگىلەدى. ەڭبەك ەرلەرى مەن وزات قىزمەتكەرلەر وزدەرىنىڭ ونەگەلى ءىس - ارەكەتىمەن جانە اسىل قاسيەتىمەن جۇڭگو حالقىنىڭ بويىنداعى ۇلى جاسامپازدىق رۋحىن، ۇلى كۇرەس رۋحىن، ۇلى ىنتىماق رۋحىن، ۇلى ارمان رۋحىن جاندى تۇردە ءتۇسىندىرىپ، وتانشىلدىقتى وزەك ەتكەن ۇلت رۋحىن جانە رەفورما جاساۋدى، جاڭالىق اشۋدى وزەك ەتكەن ءداۋىر رۋحىن تولىق ايگىلەدى.

  باس شۋجي شي جينپيڭ ”تاريحتى حالىق جاراتقان، ەڭبەك بولاشاققا جول اشادى“ دەپ اتاپ كورسەتتى. بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر. ”14 - بەسجىلدىق“ مەزگىلىندە ەلىمىز جاڭا دامۋ ساتىسىنا قادام باسادى، بۇل جاپپاي سوتسياليستىك وسىزاماندانعان مەملەكەت قۇراتىن، ەكىنشى 100 جىلدىق كۇرەس نىساناسىنا جورىق جاسايتىن كەزەڭ، ەلىمىزدىڭ دامۋ ۇدەرىسىندە بەلەستىك ءمان الادى. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەلىمىزدىڭ جاڭا دامۋ ساتىسىنا قادام باسۋىنىڭ ايبىندى جوباسىن كارتينالاپ، بۇدان كەيىنگى 5 جىلداعى، ءتىپتى، ونان دا ۇزاق ۋاقىتتاعى ەلىمىزدىڭ ەكونوميكالىق، قوعامدىق دامۋىنىڭ ارەكەت باعدارناماسىن تۇراقتاندىردى. ايبىندى جوبانى جۇزەگە اسىرۋدا، ءتۇبىن قۋعاندا، ەڭبەك جاسامپازدىعىنا سۇيەنۋ كەرەك. جاڭا داۋىردە ەكپىندەي ىلگەرىلەۋدە، جاڭا ساپار باستاۋدا، ءسوزسىز، حالىققا سۇيەنىپ، باستان - اياق حالىق ءۇشىن ىستەپ، ءسوزسىز، قاجىرلى ەڭبەككە، ادال ەڭبەككە، جاسامپاز ەڭبەككە سۇيەنىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋگە قۋاتتى وڭ ەنەرگيا توپتاۋ كەرەك. بۇكىل پارتيا، بۇكىل ەلدەگى ءار ۇلت حالقى ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، كۇش ۇستىنە كۇش قوسىپ، جىگەرلەنە ءتۇسىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋگە شىنايى كەپىلدىك ەتىپ، ۋاعىندا جاپپاي دوڭگەلەك داۋلەتتى قوعام ورناتۋعا، ءبىرىنشى 100 جىلدىق كۇرەس نىساناسىن جۇزەگە اسىرۋعا شىنايى كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋعا بەرىك نەگىز قالاۋ كەرەك.

  ”بوس ءسوز مەملەكەتكە كەسىرىن تيگىزەدى، ناقتى ىسكەرلىك مەملەكەتتى گۇلدەندىرەدى“، ناقتى ىستەۋدە، ەڭ اۋەلى، تىڭعىلىقتى ەڭبەك ەتۋ كەرەك. وسى زامانعى جۇڭگودا جۇمىسشى تابى مەن قالىڭ ەڭبەكشى بۇقارا باستان - اياق ەلىمىزدىڭ ەكونوميكالىق، قوعامدىق دامۋىن ىلگەرىلەتەتىن، قوعامنىڭ تىنىشتىعىن، ىنتىماعىن قورعايتىن ءتۇبىرلى كۇش. بولاشاققا بەت العاندا، مەيلى ءداۋىر شارت - جاعدايى قالاي وزگەرسە دە، ءبىز قاشاندا ەڭبەكتى ارداقتاۋىمىز، ەڭبەكشىلەردى قۇرمەتتەۋىمىز، قاشاندا جۇمىسشى تابى مەن قالىڭ ەڭبەكشى بۇقارانىڭ نەگىزگى كۇشتىك رولىن ساۋلەلەندىرۋگە ءمان بەرۋىمىز كەرەك. ەڭبەكتى قۇرمەتتەۋ، ءبىلىمدى قۇرمەتتەۋ، دارىندىلاردى قۇرمەتتەۋ، جاسامپازدىقتى قۇرمەتتەۋ باعىتىن دايەكتىلەندىرىپ، ءبىلىمدى، ونەرلى، جاسامپاز ەڭبەكشىلەر ۇلكەن قوسىنىن قۇرىپ، بۇكىل قوعامنىڭ ەڭبەكتى قىزۋ ءسۇيۋىن، ەڭبەكپەن شۇعىلدانۋىن، قىزمەت ورنىن ءسۇيىپ، كاسىپتى قادىرلەۋىن ىلگەرىلەتىپ، بۇكىل ەلدەگى ءار ۇلت حالقىن ەكونوميكالىق، قوعامدىق دامۋدىڭ جالىندى امالياتىنا بەلسەنە ارالاسىپ، رەفورما جاساۋعا، ەسىك اشۋعا جانە سوتسياليستىك وسىزاماندانۋ قۇرىلىسىنا پاراساتى مەن كۇش - قۋاتىن ارناۋعا جىگەرلەندىرۋ كەرەك. قالىڭ ەڭبەك ەرلەرى مەن وزات قىزمەتكەرلەر وزدەرىنىڭ قىزمەت ورنىندا ايانباي كۇرەس جۇرگىزىپ، جىگەر - قايراتىمەن، الىمدىلىعىمەن، تالپىنعىشتىعىمەن ءتىپتى دە كوپ ادامداردى جىگەرلەندىرىپ، قۇلشىنا جۇمىس جۇرگىزۋدى، ىقىلاستى مامىلە جاساۋدى، ەڭبەكشىلدىكپەن بايۋدى بۇكىل قوعامدا سالتقا اينالدىرىپ، قالىڭ ەڭبەكشى بۇقارانى جاڭا ءداۋىردىڭ كۇرەسكەرى بولۋعا قۇلشىنۋعا شابىتتاندىرۋ كەرەك. حالىق بۇقاراسىنىڭ ءتول جاسامپازدىق رۋحىنا قۇرمەت ەتىپ، ەڭبەكشىلەردىڭ مۇددەسىن قورعاپ جانە دامىتىپ، ەڭبەكشىلەردىڭ ۇقىعىن قامتاماسىزداندىرىپ، ەڭبەكشىلەردىڭ دامۋعا قاتىناسۋىنا، دامۋ جەتىستىكتەرىنەن تەڭ يگىلىكتەنۋىنە كەدەرگى بولاتىن بوگەتتەردى جويىپ، ەڭبەكشىلەردىڭ ابرويلى ەڭبەك ەتۋىن، جالپى بەتتىك دامۋىن جۇزەگە اسىرۋعا قۇلشىنۋ كەرەك.

  ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، ءبىر نيەت، ءبىر تىلەكپەن، قاجىرلىلىقپەن كۇرەس جۇرگىزىپ، حاۋىپ - قاتەردەن، كەدەرگىلەردەن تايسالماي، ەرلىكپەن العا باسىپ، ادال ەڭبەك، قۇلشىنا قىزمەت ىستەۋ ارقىلى اناعۇرلىم باقىتتى، تاماشا تۇرمىستى جاراتىپ، جاپپاي سوتسياليستىك وسىزاماندانعان مەملەكەت قۇرۋ جاڭا جورىعىندا تىڭ دا اناعۇرلىم زور كەرەمەتتەردى جاراتايىق.

(شينحۋا اگەنتتىگىنىڭ 11 - ايدىڭ 23 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى