بايىنعولين وبلىسىنداعى تۇڭعىش زەردەلى كوكونىس بازارى تيجارات باستادى

11 - ايدىڭ 20 - كۇنى، كورلا قالاسى حالىق شىعىس جولى سولتۇستىك 2 - كوشەسىندەگى باييە زەردەلى كوكونىس بازارىندا، تۇرعىندار كوكونىس تاڭداپ ساتىپ الۋدا.

  تيانشان تورىنىڭ حابارى (سۋرەتىن ءتۇسىرىپ حابارىن جازعان ءتىلشى جوۋ حايشيا، ەرىكتى ءتىلشى حۋاڭ شاۋجيا) جەلىدە تاپسىرىس بەرىپ، جەلىدەن تىس جەتكىزدى. مۇنداي زەردەلى كوكونىس بازارى شينجياڭ بايىنعولين موڭعۇل اۆتونوميالى وبلىسى كورلا قالاسى تۇرعىندارىنىڭ تۇرمىسىنا قادام تاستادى.

  11- ايدىڭ 20 - كۇنى، كورلا قالاسى حالىق شىعىس جولى 2 - كوشەسىندەگى باييە زەردەلى كوكونىس بازارى سىناق رەتىندە تيجارات باستادى، جاقىن ماڭدا تۇراتىن تۇرعىندار تەحنيكانىڭ كوكونىس ساتىپ الۋعا اكەلگەن قولايلىلىعىن سەزىندى. بازارداعى كوكونىس، جەمىس - جيدەك، ەت، جۇمىرتقا، سۋ ونىمدەرى، سىرنەلى ونىمدەر، استىق ماي، كۇندەلىكتى تۇرمىستىق بۇيىمدار، گۇل - شوپتەردىڭ بارلىعى تولىق، زات ساتىپ الۋعا كەلگەن تۇرعىندار بىرنەشە مينۋتتا - اق قاجەتتى زاتتارىن تولىق ساتىپ الدى. بۇل بايىنعولين وبلىسىنداعى تۇڭعىش زەردەلى كوكونىس بازارى.

  سىرتقا شىعۋعا ەرىنسە، قول تەلەفوننان جاڭاسى مەن كونەسىن، باعاسى مەن ۋاقىتىن، كوكونىس بازارىنىڭ احۋالىن تانىستىرۋدى، ونىمدەردى تانىستىرۋدى، تيىمدىلىك قيمىلدارىن، بازار ينفورماتسياسىن، الارمانداردىڭ رازىلىق دارەجەسىن باعالاۋدى تەكسەرۋگە بولادى، ءارى بارلىق كوكونىس، جەمىس - جيدەكتىڭ اۋىل شارۋاشىلىق دارىلەرى قالدىقتارى توبىن تەكسەرۋ مالىمەتىن كورۋگە دە بولادى. جەلىدە تاپسىرىس بەرىپ، زاتتى ۇيىنە دەيىن جەتكىزىپ بەرۋ قىزمەت وتەۋىنەن يگىلىكتەنەدى. قاربالاس قىزمەتتەگىلەر، ۇيدەن شىعا المايتىن قارتتار، مۇگەدەكتەر نەمەسە ۇيىندە بالا باعىپ شىعا المايتىندار جونىنەن ايتقاندا، زەردەلى بازار وسىنداي ادامدار توبىنىڭ كۇندەلىكتى تۇرمىستىق قاجەتتى زاتتارىن ساتىپ الۋ ماسەلەسىن شەشىم ەتتى.

  باييە زەردەلى كوكونىس بازارىنىڭ جاۋاپتىسى لي سۇيليان بىلاي دەدى: ”ءبىزدىڭ زەردەلى كوكونىس بازارىمىز المۇرت قالاسىنا ەنىپ، ’بۇلتتىق كوكونىس بازارى‘ جاڭا ۇلگىسىن بار كۇشپەن جالپىلاستىردى، جەلىدە تاپسىرىس بەرۋ، جۋىسپاي زاتتى ۇيىنە دەيىن جەتكىزۋ سىندى زەردەلى جاڭا تۇرمىس تاسىلىنە جەتەكشىلىك ەتتى، تۇرعىندار ۇيدەن شىقپاي - اق باعاسى لايىقتى، جاڭا كوكونىس ونىمدەرىن ساتىپ الىپ، تۇرعىندارعا قولايلىلىق جاراتتى“.

جاۋاپتى رەداكتور: ءاننا اكىمقان قىزى