رايونىمىز ەڭبەكاقىنى كەشەۋىلدەتۋدى تۇبىرىنەن وڭاۋدىڭ قىسقى ارناۋلى ارەكەتىن ورىستەتەدى

  تيانشان تورىنىڭ حابارى (ءتىلشى جاۋ شييا حابارلايدى) 11 - ايدىڭ 23 - كۇنى، اۆتونوميالى رايون تەلەۆيزور - تەلەفون ءماجىلىسىن اشىپ، مەملەكەتتىك كەڭەستىڭ ديقان جۇمىسكەرلەردىڭ ەڭبەكاقىسىن كەشەۋىلدەتۋدى تۇبىرىنەن وڭاۋ قىزمەتىنە باسشىلىق ەتۋ گرۋپپاسى ءماجىلىسىنىڭ رۋحىن دايەكتى تياناقتاندىرىپ، شينجياڭدا ەڭبەكاقىنى كەشەۋىلدەتۋدى تۇبىرىنەن وڭاۋ قىسقى ارناۋلى قيمىلىنا قايتالاي اتتانىسقا كەلتىرىپ، قايتالاي ورنالاستىرۋ جاساپ، قايتالاي تالاپ ەتىپ، ديقان جۇمىسكەرلەردىڭ ەڭبەكاقىسىنىڭ ۋاعىندا، تولىق تاراتىلۋىنا شىنايى كەپىلدىك ەتىپ، ديقان جۇمىسكەرلەردىڭ ەڭبەكاقى ۇقىق - مۇددەسى مەن قوعامنىڭ جاراسىمدى، ورنىقتىلىعىن شىنايى قورعادى.

  شينجياڭ 2020 - جىلعى ەڭبەكاقىنى كەشەۋىلدەتۋدى تۇبىرىنەن وڭاۋ قىسقى ارناۋلى ارەكەتىندە ينجەنەريالىق قۇرىلىس سالاسى مەن ەڭبەككۇش شوعىرلانعان مانەرلەۋ - جاساۋ كاسىبىن ءتۇيىندى تەكسەرىىپ، ۇكىمەت قارجى قوسقان قۇرىلىس نىسانداردى، مەملەكەت مەنشىگىندەگى كاسىپورىندار نىسانىن، وڭتۇستىك شينجياڭداعى 4 ايماق - وبلىستاعى كەدەي ەڭبەككۇشتەردى ۇيىمدى تۇردە باسقا سالاعا ويىسىپ جۇمىستاندىرۋ بويىنشا ادام ىستەتۋشى ورىنداردى، سونداي - اق ىندەتتىڭ ىقپالىنا ۇشىراپ ديقان جۇمىسكەرلەردىڭ ەڭبەكاقىسىن كەشەۋىلدەتكەن باسقا كاسىپورىنداردى كورنەكتى تەكسەرەدى.

  ءماجىلىس مىنانى اتاپ كورسەتتى: ءارقايسى ايماق (وبلىس، قالا)، ٴارقايسى قاتىستى تاراۋلار ەڭبەكاقىنى كەشەۋىلدەتۋدى تۇبىرىنەن وڭاۋ قىزمەتىنىڭ ماڭىزدىلىعىن جەتە تانىپ، مىندەتتى ايقىنداپ، ءتۇيىندى كورنەكتىلەندىرىپ، ەڭبەكاقىنى كەشەۋىلدەتۋ سىندى زاڭعا قايشى ارەكەتتەردى تەكسەرىپ انىقتاپ، ”ەكىنى اقىرلاستىرۋدى“ ورىنداۋ كەرەك، ياعني 2020 - جىلى تۋىلعان ۇكىمەت قارجى قوسقان قۇرىلىس نىسانى، مەملەكەت مەنشىگىندەگى كاسىپورىن نىسانى، سونداي - اق ءار ءتۇرلى ۇكىمەت جانە قوعامدىق كاپيتال سەلبەستىك نىساندارىنىڭ ديقان جۇمىسكەرلەردىڭ ەڭبەكاقىسىن كەشەۋىلدەتۋ دەلوسىن جىل سوڭىنان بۇرىن تۇگەلدەي اقىرلاستىرۋ، باسقا تۇردەگى ەڭبەكاقىسىن بەرمەۋ دەلولارىن 2021 - جىلدىڭ كوكتەم مەرەكەسىنەن بۇرىن اقىرلاستىرۋ كەرەك.

  ءماجىلىس مىنانى تالاپ ەتتى: جەر - جەر ەڭبەكاقىنى كەشەۋىلدەتۋ ماسەلەسىن باسقارۋ ەسەپ داپتەرىن قۇرىپ، ناقتى يگەرىپ، باعىتتامالى تۇردە قىزمەت جايعاستىرۋى مەن ورنالاستىرۋدى مىقتى يگەرىپ، ەڭبەكاقىنى كەشەۋىلدەتۋ ماسەلەسى شەشىلمەي كۇشىنەن قالدىرماۋعا تاباندى بولۋ كەرەك. ەڭبەكاقىنى كەشەۋىلدەتۋ ماسەلەسىن سايكەستى باقىلاۋ ـ باسقارۋ جانە بىرلەسىپ تيداۋ سالۋدى اناعۇرلىم كۇشەيتۋ كەرەك. ەڭبەكشىلەردىڭ ەڭبەكاقىسىن تارتىپ قالۋ، سەبەپسىز كەشەۋىلدەتۋ نەمەسە ەڭبەكاقىنى كەشەۋىلدەتۋ سىندى زاڭعا قايشى ارەكەت سەبەبىنەن توپتىق وقيعا نەمەسە توتەنشە جاعداي تۋىلسا، قاتىستى بەلگىلەمە بويىنشا، ديقان جۇمىسكەرلەردىڭ ەڭبەكاقىسىن كەشەۋىلدەتۋ ”قارا تىزىمدىگىنە“ ەنگىزىپ، بىرلەسىپ جازالاپ ەسكەرتۋى اتقارىلادى. ەڭبەكاقىنى كەشەۋىلدەتۋگە قاتىستى ءىرى دەلولاردى قاتىستى بەلگىلەمەگە ساي دەر كەزىندە قوعامعا اشىق جاريالاۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى، اۆتونوميالى رايوندىق ديقان جۇمىسكەرلەردىڭ ەڭبەكاقىسىن كەشەۋىلدەتۋدى تۇبىرىنەن وڭاۋ قىزمەتىنە باسشىلىق ەتۋ گرۋپپاسىنىڭ باستىعى جاڭ چۇنلين ماجىلىسكە قاتىناستى ءارى ءسوز سويلەدى.

جاۋاپتى رەداكتور: ءاننا اكىمقان قىزى