رايونىمىز ”شينجياڭ ساپاسى“ قۇرىلىس ينجەنەرياسىن اتقارادى

ولشەم، انىقتامانى مويىنداۋ، ساراپتاۋ - تەكسەرۋ سىندى ءۇشتى ءبىر تۇلعالاندىردى

  رايونىمىز ”شينجياڭ ساپاسى“ قۇرىلىس ينجەنەرياسىن اتقارادى

   شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 11 - ايدىڭ 19 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ۇكىمەت اقپارات كەڭسەسىنىڭ 11 - ايدىڭ 19 - كۇنى اشقان حالىق تۇرمىسىنا تىعىز جاناسىپ اۆتونوميالى رايون ەكونوميكاسىن جوعارى ساپامەن دامىتۋدى ىلگەرىلەتۋ جونىندەگى اقپار جاريالاۋ ماجىلىسىنەن ۇعىسۋىنا قاراعاندا، ”14 - بەسجىلدىق“ مەزگىلىندە، رايونىمىز جاڭا ءبىر كەزەكتى ولشەم ستراتەگياسىن اتقارىپ، ”شينجياڭ ساپاسى“ قۇرىلىس ينجەنەرياسىن ءتۇيىندى اتقارىپ، ”شينجياڭ ساپاسىن“ سومداپ، ”شينجياڭ“ ايگىلى ماركاسىن جوعارى ساپالى دامىتۋدى ىلگەرىلەتۋدىڭ قۋاتتى قوزعاۋشى كۇشىنە اينالدىرادى ەكەن.

  ۇعىسۋعا قاراعاندا، 2017 - جىلى اۆتونوميالى رايون «ساپا جاعىنداعى قۋاتتى رايون ستراتەگياسىن اتقارۋ جونىندەگى قاراردى» شىعارعان، 3 جىلدان بەرى رايونىمىز ”ءىرى ساپا“ قىزمەت مەحانيزمىن بىرتىندەپ ورناتىپ، ساپانى جوعارىلاتۋ ارەكەتىن ورىستەتىپ، ساپا نەگىزدىك قۇرىلعى قۇرىلىسىن جەدەل كەمەلدەندىرىپ، تۇتاس قوعام جوعارى ساپالى دامۋدى ىلگەرىلەتۋگە بارعان سايىن ءمان بەرىپ، ساپانىڭ دامۋ ورتاسىن اناعۇرلىم جاقسارتتى. بيىل 9 - ايدا بازار باقىلاۋ - باسقارۋ باس مەكەمەسى جاريالاعان 2019 - جىلعى ولكە دارەجەلى ۇكىمەتتىڭ ساپا قىزمەتىن باعالاۋ ناتيجەسىندە شينجياڭ تۇڭعىش رەت B دارەجەلى بولىپ باعالانىپ، ماڭىزدى ىلگەرىلەۋشىلىككە قول جەتكىزىپ، «ساپا جاعىنداعى قۋاتتى رايون ستراتەگياسىن اتقارۋ جونىندەگى قاراردا» بەلگىلەنگەن ”دارەجەسىن جوعارىلاتۋ“ نىساناسىن ءبىر جىل بۇرىن ورىندادى.

  حابارعا قاراعاندا، ىشكى وڭىرلەردىڭ تيىمدى تاجىريبەسىنەن پايدالانۋ نەگىزىندە، رايونىمىز ولشەم، انىقتامانى مويىنداۋ، ساراپتاۋ - تەكسەرۋ سىندى ساپا نەگىزدىك قۇرىلعىسىن توعىسپالى پايدالانىپ، ”شينجياڭ ساپاسى“ وڭىرلىك الەۋمەتتىك ماركاسىن ءۇشتى ءبىر تۇلعالاندىرىپ سومداۋدىڭ العاشقى جوباسىن جولعا قويعان. قازىر وسى قىزمەت ۋاقىتشا ”شينجياڭ ساپاسى“ قۇرىلىس ينجەنەرياسى بولىپ بەكىتىلىپ، الدا ”14 - بەسجىلدىقتاعى“ ساپا جاعىنداعى قۋاتتى رايون ستراتەگياسىن جوعارى دەڭگەيدە ىلگەرىلەتۋدىڭ ماڭىزدى مازمۇنى بولىپ، جوسپار بويىنشا 3 تە 5 جىل قۇلشىنىس جاساۋ ارقىلى وڭىرلىك ەرەكشەلىگى ايقىن، ەل ءىشى - سىرتىنا تانىمال ”شينجياڭ“ ايگىلى ماركاسىنىڭ ساپالى ءونىمىن، ۇزدىك كاسىپورنىن، ساپالى ماركاسىن جەتىلدىرىپ قالىپتاستىرىپ، شينجياڭ كاسىپ سالاسىنىڭ تيبىن وزگەرتىپ دارەجەسىن جوعارىلاتۋىن، ساپاسىن ارتتىرىپ، ونىمدىلىگىن كۇشەيتۋىن ىلگەرىلەتەدى.

جاۋاپتى رەداكتور: ءاننا اكىمقان قىزى