بۋىرشىن اۋدانى «2020-جىلعى جۇڭگوداعى اۋدان ٴوڭىرى ساياحاتىنىڭ دامۋ كومەسكى كۇشى ەڭ زور 100 اۋدان-قالا» قاتارىنان ورىن الدى

  ەرىكتى ءتىلشى لو ياڭشۋە حابارلايدى.تاياۋدا، جۇڭگو ەكونوميكا جەتەكشى گازەتى مەكەمەسى، باسەكەلىك قۋات اقىل-پاراسات قامباسى، جۇڭگو ينفورماتسيا قوعامىنىڭ ينفورماتسيالاندىرۋدى دامىتۋ زەرتتەۋ ورنى جانە بەيجيڭ جۇڭشين قالا جوبالاۋ-زەرتتەۋ ورنى سياقتى قۇرىلىمدار بەيجيڭدە «2020-جىلعى جۇڭگو اۋدان ءوڭىرى ساياحاتىنىڭ باسەكەلىك قۋاتى جونىندەگى مالىمەتتى»بىرلەسىپ جاريالادى. مالىمەتتە «2020-جىلعى جۇڭگوداعى اۋدان ءوڭىرى ساياحاتىنىڭ دامۋ كومەسكى كۇشى زور 100 اۋدان-قالانىڭ» ٴتىزىمى جاريالاندى، بۋىرشىن اۋدانى التاي ايماعى بويىنشا بىردەن-ءبىر تىزىمگە ەنگەن اۋدان بولدى.«مالىمەتتە» 2019-جىلى ەلىمىزدىڭ اۋدان ٴوڭىرى ساياحاتىنىڭ دامۋ جاعدايىنا جان-جاقتى تالداۋ جاسالىپ، بۇكىل ەلدەگى اۋدان ٴوڭىرى ساياحاتىنىڭ جالپىلىق باسەكەلىك قۋاتى مەن دامۋ كومەسكى كۇشى باعالاندى.

  ۇعىسۋعا قاراعاندا، «2020-جىلعى جۇڭگوداعى اۋدان ٴوڭىرى ساياحاتىنىڭ دامۋ كومەسكى كۇشى زور 100 اۋدان-قالا» ٴتىزىمى ٴارقانداي ساۋدا فاكتورىنىڭ ىقپالىنا ۇشىرامايتىن الەۋمەتتىك يگىلىك ٴتىزىمى بولىپ، باعالاۋدىڭ وزەكتى ولشەمى_«باي ساياحات بايلىعى» جانە «تاماشا ەكولوگيالىق ورتا» ەكەن. بۋىرشىن اۋدانىنىڭ باي مازمۇندى ساياحات بايلىعى مەن كوركەم ەكولوگيالىق ورتاسى ساياحاتشىلاردى ايرىقشا باۋرايدى، اۋداننىڭ تۇتاس وڭىرلىك ساياحاتىن زور كۇشپەن دامىتۋ جانە ساياحات ارقىلى كەدەيلەردى دالمە-ٴدال سۇيەمەلدەۋ ساياساتىنىڭ جەتەكشىلىگىندە، « 2020-جىلعى جۇڭگوداعى اۋدان ءوڭىرى ساياحاتىنىڭ دامۋ كومەسكى كۇشى زور 100 اۋدان-قالا» ٴتىزىمىن جاريالاۋدىڭ ءمانى «كوركەم كورىنستەردى كادەگە جاراتۋ، تاراتۋ، كوركەم كورىنىستەردەن ءلاززاتتانۋ» تۇتاس وڭىرلىك ساياحات ماركاسىن جاراتىپ، تۇتاس وڭىرلىك ساياحاتتىڭ دامۋىنا دەم بەرۋ سانالادى.

  بۋىرشىن اۋدانىنىڭ وسى تىزىمنەن ورىن الۋى «شەكاراداعى كوركەم قالاشىق» ماركا وبرازىمەن تىعىز بايلانستى. كوپ جىلدان بەرى، بۋىرشىن اۋدانى «ەكولوگيالىق مەكەن قۇرىپ، تۇتاس وڭىرلىك ساياحاتتى ىلگەرىلەتۋ» ۇستانىمىن جۇرت جۇرەگىنە تەرەڭ ۇيالاتىپ، اۋدان قالاشىعىنداعى چيسايحى ساياحات دەمالىس نىسانى ينجەنەريا قۇرىلىسىن تارتىپپەن ىلگەرىلەتىپ، ەرتىس وزەنى الابىنىڭ سۋ ساپاسىن اۆتوماتتى باقىلاۋ-تەكسەرۋ پۋنكتى قۇرىلىسىنا ۇزدىكسىز ات سالىسىپ، اۋدان كولەمىندەگى قالا مەن اۋىلدىڭ «اۋلا شارۋاشىلىعى» قۇرىلىسىن جەدەل دامىتتى. قازىرگە دەيىن، بۋىرشىن اۋدانىنىڭ ورمانمەن كومكەرىلۋ مولشەرى 72.06 پايىزعا جەتىپ، اۋدان بويىنشا اۋا ساپاسىنىڭ جاقسى بولۋ مولشەرى 100 پايىز ، قالانىڭ لاس سۋدى شوعىرلى ٴبىرجايلى ەتۋ مولشەرى 100 پايىز، بۇكىل اۋدانداعى بۇقارانىڭ 90 پايىزىنان استامى اۋداننىڭ ەكولوگيالىق وركەنيەت قۇرىلىسىنا توتەنشە رازى بولعان.

  ەكولوگيالىق سۇلۋلىقتى، گۋمانيتارلىق ەرەكشەلىكتى نەگىز ەتكەن بۋىرشىن اۋدانى «جاسىل تاۋ، تۇنىق سۋدى» ساياحاتشىلاردىڭ ساپارىمەن توعىستىرىپ، «ەڭ كوركەم قارلى قىستاق» ەلامان قىستاعىن، شەكاراداعى بالىقشىلىق اۋىلى «چيليتان»، «ەرەكشە قىستاق» شۇڭقىر سياقتى ساياحات تۇيىندەرىن قۇرىپ، ٴدامدى تاعامدار مەرەكەسى، قىراۋلى ولكە مەرەكەسى، شىرعاناق تەرۋ مەرەكەسى سياقتى كوپ ٴتۇرلى قيمىلداردى ۇزدىكسىز جوسپارلاپ، «شەكاراداعى كوركەم قالاشىق» بۋىرشىن شار تاراپتان كەلگەن ساياحاتشىلاردىڭ اڭسايتىن جەرىنە اينالدى.جاسىل دامۋدىڭ جەمىسى تىزىمدە بەينەلەنىپ قالماستان، ساياحاتشىلار مەن تۇرعىنداردىڭ باقىت، تابىس سەزىمىنەن ايگىلەنەدى. 2020-جىلى بۋىرشىن اۋدانىندا ساياحات كاسىبىنە تىكەلەي، جانامالاي سۇيەنىپ كاسىپتەنۋشىلەردىڭ سانى 18 مىڭنان استى، بۇل جالپى ەڭبەككۇشتىڭ 49.7 پايىزىن ۇستايدى. 2020-جىلى بۋىرشىن اۋدانى ساياحات ارقىلى حالىقتى اۋقاتتاندىرۋ ينجەنەرياسىنا سۇيەنىپ، 8610 ەڭبەككۇشتى باسقا سالاعا ويىستىرىپ كاسىپتەندىرۋدى جۇزەگە اسىرىپ، اۋدانداعى ەڭبەككۇشتەردىڭ 50 پايىزدان استامى ساياحات كاسىبىمەن شۇعىلدانۋدا.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى