ايماق اۋىل-قىستاق دارەتحاناسىن وزگەرتىپ سالۋ قىزمەتىندە كورنەكتى تاۉبىسقا قول جەتكىزدى

  تازالىق ولشەمىنە ۇيلەسەتىن اۋىل ـ قىستاق تازالىق دارەتحاناسىنان 75 مىڭ 274 ىن سالىپ، جالپىلاسۋ مولشەرى % 98 كە جەتتى

  - اۋىل ـ قىستاقتا ۇنەمى كەزىگەتىن ديزەنتەريا ، پارازيت قۇرت اۋرۋ سياقتى اۋرۋلاردىڭ تۋىلۋ مولشەرى كورنەكتى تومەندەدى

  - اۋىل ـ قىستاقتىڭ ورتا تازالىعى بارىنشا جاقسارىپ، قونىس ورتاسى ۇزدىكسىز جاقساردى

  پراكتيكانت ءتىلشى دۋمان ماقسات ۇلى حابارلايدى. جاقىندا، ءتىلشىنىڭ ايماقتىق دەنساۋلىق ساقتاۋ، سالاماتتىق كوميتەتىنەن ۇعىسۋىنشا، بيىل ايماق اۋىل-قىستاق دارەتحاناسىن وزگەرتىپ سالۋ قىزمەتىندە كورنەكتى تابىسقا قول جەتكىزىپ، ەگىنشى-مالشى بۇقاراسىنىڭ تۇرمىستىق شارت-جاعدايى جانە دەنساۋلىق دەڭگەيى بارىنشا جاقساردى جانە جوعارىلادى. بيىل 10-ايدىڭ سوڭىنا دەيىن ايماق بويىنشا تازالىق ولشەمىنە ۇيلەسەتىن اۋىل-قىستاق تازالىق دارەتحاناسىنان 75 مىڭ 274 ىن سالىپ، جالپىلاسۋ مولشەرى % 98 كە جەتتى.

  ۇعىسۋعا قاراعاندا، ايماقتىڭ دارەتحانا توڭكەرىسى 2018-جىلدان باستالعان. سوڭعى 3 جىلدان بەرى، ايماقتىق پارتكوم، اكىمشىلىك مەكەمەسى اۋىل-قىستاق دارەتحاناسىن وزگەرتىپ سالۋ قىزمەتىنە باستان-اياق باسا ءمان بەرىپ، ىلگەرىندى-كەيىندى كوكتوعاي اۋدانى مەن بۋرىلتوعاي اۋدانىندا اۋىل-قىستاق دارەتحاناسىن وزگەرتىپ سالۋدىڭ ناق مايدان جيىنىن اشىپ، ءتۇرلى تازالىق ولشەمىنە ۇيلەسەتىن دارەتحانانى جالپىلاستىردى. 2019-جىلى ايماقتىڭ اۋىل-قىستاق دارەتحاناسىن وزگەرتىپ سالۋ قىزمەتى جالپى بەتتىك اتقارۋ ساتىسىنا ءوتتى. ءار اۋدان (قالا) اۋىل-قىستاق دارەتحاناسىن وزگەرتىپ سالۋ قىزمەتىن ماڭىزدى كۇن تارتىپكە قويىپ، وزدەرىنىڭ ءىس جۇزىندىگىنە بىرلەستىرىپ، اۋىل-قىستاق دارەتحاناسىن وزگەرتىپ سالۋ قىزمەتىنىڭ قامتيتىن كولەمى كەڭ، تالابى جوعارى بولۋداي قيىنشىلىقتاردى جەڭىپ، ەگىنشى-مالشىلاردىڭ تۇرمىس ساپاسىن بار كۇشپەن جاقسارتتى. سونىمەن بىرگە، ءارقايسى اۋدان (قالا) باسشىلىقتى كۇشەيتىپ، ارناۋلى گرۋپپا قۇرىپ، قىزمەت نىساناسىن ايقىنداپ، ۇيىمدىق قۇرىلىمدى كەمەلدەندىرۋ، اتقارۋ جوباسىن جاساۋ، قۋزاپ جەتەكشىلىك ەتۋ، تەكسەرۋ تەبىنىن كۇشەيتۋ، دارەتحانا توڭكەرىسىنىڭ سايكەستى قارجىسىن تياناقتاندىرۋ، دارەتحانانى وزگەرتىپ سالۋ تەحنيكاسى كۋرسىن اشۋ، ناق مايداندا كوزدەن كەشىرۋ ءماجىلىسىن اشۋ سياقتى ءبىر قىدىرۋ شارالار ارقىلى ەگىنشى-مالشىلار قاۋىمىنىڭ دارەتحانانى وزگەرتىپ سالۋ بەلسەندىلىگىن قوزعادى. بۇدان سىرت، ايماقتىق ەمدەۋ رەفورماسىن تەرەڭدەتۋ ماڭىزدى الەۋمەتتىك دەنساۋلىق ساقتاۋ نىساندارىن تەرەڭدەتىپ، اۋىل-قىستاق دارەتحاناسىن وزگەرتىپ سالۋ قىزمەتىن بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن گۇلدەندىرۋ ينجەنەرياسىمەن قاتار جۇرگىزدى. ايماقتىق دەنساۋلىق ساقتاۋ، سالاماتتىق كوميتەتى، تۇرعىن ءۇي جانە قالا-اۋىل قۇرىلىسى مەكەمەسى، اۋىل شارۋاشىلىق، اۋىل-قىستاق مەكەمەسى قاتارلى تاراۋلار تىعىز سايكەسىپ، مۇقيات ورنالاستىرىپ، دارەتحانا توڭكەرىسىن بار كۇشپەن ىلگەرىلەتتى.

  ايماقتىق دەنساۋلىق ساقتاۋ، سالاماتتىق كوميتەتى وتانشىلدىق تازالىق كوميتەتى كەڭسەسىنىڭ مەڭگەرۋشىسى ياڭ شۇي بىلاي دەدى: ايماقتىق پارتكوم مەن اكىمشىلىك مەكەمەسىنىڭ پارمەندى باسشىلىعىندا، ءارقايسى اۋدان (قالا) تىعىز سايكەسىپ، قاتىستى ورىندار قول ۇستاسىپ بىرگە ىلگەرىلەپ، بىرلىكتە قۇلشىنىپ، دارەتحانا توڭكەرىسىن تارتىپپەن ىلگەرىلەتتى، دارەتحانا جوباسىن اناعۇرلىم كەمەلدەندىرىپ، ايماقتىڭ دارەتحانا قۇرىلىسىن باسقارۋ دەڭگەيىن جاپپاي جوعارىلاتتى. بۇگىنگى كۇنى اۋىل-قىستاقتا ۇنەمى كەزىگەتىن ديزەنتەريا، پارازيت قۇرت اۋرۋى قاتارلى اۋرۋلاردىڭ تۋىلۋ مولشەرى كورنەكتى تومەندەپ، ەگىنشى-مالشى قاۋىمىنىڭ وركەنيەت، تازالىق ساناسى ۇزدىكسىز كۇشەيىپ، اۋىل-قىستاقتىڭ ورتا تازالىعى بارىنشا جاقسارىپ، قونىس ورتاسى ۇزدىكسىز كەمەلدەندى.

جاۋاپتى رەداكتور: ءاننا اكىمقان قىزى