ساۋدا-ساتتىق ارقىلى اۋىلداستارىن اۋقاتتانۋعا باستادى

دوڭگەلەك داۋلەتتى تۇرمىسقا بەت الىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەيىك

  ەرىكتى ٴتىلشى لي حۇيليڭ حابارلايدى. 11-ايدىڭ4-كۇنى التاي ايماعى بۋىرشىن اۋدانى قوم-قاناس ەت ازىق-تۇلىك شەكتى جاۋاپكەرشىلىك سەرىكتەستىگى ساتۋ ٴبولىمىنىڭ ديرەكتورى جاڭ كاي دوۋيىن تىكە تاراتىلىم تەكشەسىندە بۋىرشىن ساپالى سيىر، قوي ەتىن ساتتى.

  25 جاستاعى جاڭ كاي بۋىرشىن اۋدانى قوستىق قالاشىعى قارا ٴدوڭ قىستاعىندا ەرجەتكەن، مال باعۋ ونىڭ وتباسىنىڭ نەگىزگى كىرىس قاينارى.كىشكەنتاي كەزىندە جاڭ كاي ۇيرەنۋدەن سىرت اكەسىنە كومەكتەسىپ سيىر، قوي باعاتىن، ەسەيگەننەن كەيىن قوي-سيىر باعىمشىلىعىنىڭ ءوزىنىڭ ماڭىزدى كاسىبىنە اينالاتىندىعىن ويلاماعان ەكەن.

  2011-جىلى، جاڭ كايدىڭ اكەسى قىستاقتاعى ەگىنشى-مالشىلاردىڭ مالىن باعا الماي، ساتا الماي قينالعانىن كورىپ، بۋىرشىن اۋدانى لۇينۇڭ باعىمشىلىق شارۋالار كاسىپتىك سەلبەستىك كووپەراتيۆىن قۇرادى. سونىمەن بىرگە، التاي ايماعى بويىنشا «سيىر باعىپ بەرۋ ورنى» سىندى باسقارۋ ۇلگىسىن ەڭ الدىمەن اتقارىپ، كەدەي وتباسىلارىنىڭ مالىن باعىپ بەرەدى. بۇل ٴىس كەدەي وتباسىلارداعى ەڭبەككۇشتى ازات ەتىپ قانا قويماي، جىل سايىن پايداعا كەنەلتتى.

  تيانجيننەن وقۋ تاۋىسقان جاڭ كاي قازىرگى ادامدار تۇرمىس ساپاسىنا ٴتىپتى دە ٴمان بەرەتىنىن، دەنساۋلىققا بولعان قاجەتى بارعان سايىن ارتقانىن بايقايدى.”بۋىرشىننىڭ ورتاسى كوركەم،اسپانى اشىق، سۋىءمولدىر، مول جاڭبىر، قار سۋى كەڭ جايلىمدى تابيعي سۋارۋدا، بىزدەگى سيىر، قوي ەتىنىڭ ءدامى توتەنشە جاقسى، بۋىرشىننان شىعىپ، ٴتىپتى دە كوپ جەرلەرگە ساتىلۋى ءتيىس“،-دەدى جاڭ كاي.

  قىسقى،جازعى دەمالىس كەزدەرىندە، جاڭ كاي ىشكى ولكەلەردەگى كوپتەگەن باعىمشىلىق سەلبەستىك كووپەراتيۆتەرىنەن تاجىريبە ۇيرەنىپ،2015-جىلى اكەسىمەن اقىلداسىپ، قوم-قاناس ەت ازىق-تۇلىك سەرىكتەستىگىن قۇرىپ، ديقاندارعا قىزمەت وتەۋدى باستايدى.

  2018-جىلى، ۋنيۆەرسيتەتتى تاۋىسقان جاڭ كاي اۋىلىنا قايتىپ كەلۋدى تاڭدادى. ول بىلاي دەدى:”شينجياڭنىڭ ساپالى سيىر، قوي ەتىن الىس جەرلەرگە تانىستىرۋ مەنىڭ جاۋاپكەرشىلىگىم، جەرگىلىكتى كەدەي وتباسىلارىن كوز قاراستارىن وزگەرتۋگە جەتەكتەپ، ٴداستۇرلى سيىر باعاتىن وتباسىلارىن تەحنيكالىق جولمەن سيىر باعاتىن وتباسىلارىنا اينالدىرىپ تۇرمىسىن جاقسارتۋ مەنىڭ مىندەتىم“.

  قازىر قوم قاناس ەت ازىق ـ تۇلىك سەرىكتەستىگى 4 ۇلكەن تۇردەگى 19 ٴتۇرلى ٴونىم ٴتۇرىن اشتى.بيىل 1240 توننا جاسىل ٴتۇستى سيىر، قوي ەتى وڭدەلىپ، ساتىلىپ، ٴونىم قۇنى 10 ميلليون يۋاننان استى ٴارى بەيجيڭ، شاڭحاي، شي-ان، گۋاڭجوۋ سياقتى ولكەلەردە تىكە ساتۋ تۇيىندەرى اشىلىپ، 70 نەشە قىستاق تۇرعىنىنىڭ ورنىقتى جۇمىستانۋىنا تىكەلەي جەتەكشىلىك ەتىپ، توڭىرەكتەگى 230 نەشە وتباسىنىڭ ادام باسىنا 3000 يۋاننان استام كىرىس كىرگىزۋىن جۇزەگە اسىرۋعا جەتەكتەدى.

  ينتەرنەت تورابى نەگىزگى ساتۋ تەكشەسىنە اينالعان مەزگىلدە، جاڭ كاي تىكە تاراتىلىمدا زات تانىستىرىپ، قالىڭ توراپتاستارعا بۋىرشىن اۋدانىنداعى ءتورت تۇلىك مالدىڭ وسكەن تاماشا ەكولوگيالىق ورتاسىن، ساپاسىن كورسەتتى، بۇنى كورگەن توراپتاستار تالاسا-تارماسا ساتىپ الدى.

  ”قازىر، ەلەكتروندى ساۋدا تىكە تاراتىلىمىنان سىرت، مەن جەر-جەرگە بارىپ ونىمدەردى تانىستىرۋ ماجىلىسىنە قاتىناسامىن، ٴبىر جاعىنان باعىمشىلىق تەحنيكاسىن ۇيرەنەمىن، ەندى ٴبىر جاعىنان ساتۋ شەبەرلىگىن ۇيرەنىپ، بۋىرشىننىڭ سيىر، قوي ەتىن ٴتىپتى دە الىسقا ساتىپ، اناعۇرلىم كوپ اۋىلداستارىمنىڭ تەز اۋقاتتانۋىنا مۇمكىندىك جاسايمىن“،-دەدى جاڭ كاي.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى