التاي كوكسۋ سازدىعى قورىق رايونى وزەكتى رايونىنداعى ەكولوگيالىق كوشىرۋ نىسانى ٴساتتى ىلگەرىلەدى

لاستانۋدان ساقتانۋ جانە جونگە سالۋدان قامال الۋ شايقاسىنىڭ جەڭىسىنە قول جەتكىزەيىك

  ءوز ءتىلشىمىز قۇرمانگۇل جەڭىسبەك قىزى، پراكتيكانت ءتىلشى ۋىن شينيۇي حابارلايدى. تاياۋدا، التاي كوكسۋ سازدىعى قورىعى وزەكتى رايونىنداعى ەكولوگيالىق كوشىرۋ نىسانى اتقارىلعان جەردە، ءتىلشى جاڭادان سالىنعان 5 قاباتتىق 10 عيماراتتى تۇرعىن ٴۇي شاعىن رايونىنىڭ جانە سايكەستى قوسالقى قۇرىلعىلاردىڭ نەگىزگى تۇلعالىق قۇرىلىسىنىڭ تۇگەلدەي سالىنىپ بولعانىن، قاتىستى نەگىزدىك سايكەستى قۇرىلعىلاردىڭ جەدەل ىلگەرىلەتىلگەنىن كوردى.

  

  ”ٴار جولى قالاشىققا بارىپ جۇمىس بىتىرگەندە، جول بويىندا سالىنىپ جاتقان تۇرعىندار عيماراتىن كورۋگە بولادى. اتا-بابالارىمىز وزدەرى سالعان توپىراق ۇيلەردە تۇرمىس كەشىردى، قۇدىق سۋىن ٴىشىپ، كۇن ەنەرگياسىنان پايدالانىپ كەلگەن بىزدەر عيماراتتاعى ۇيدە وتىراتىن بولدىق، بۇدان بىلاي اۋرۋ كورسەتۋ، بالالاردىڭ وقۋعا ٴتۇسۋى نەمەسە جۇمىس ىستەۋدىڭ ءبارى قولايلى بولاتىن بولدى. جاڭا ورتا جاڭا تۇرمىستىڭ باستالۋى بولماق“،-دەدى التاي قالاسى الاقاق قالاشىعى قاراتال قىستاعىنىڭ تۇرعىنى قادىلبەك كادىرقان ۇلى.

  قادىلبەكتىڭ ايتقانىنداي، ەرتىس وزەنى الابىنداعى كوكسۋ سازدىعى قورىق رايونىندا تۇراتىن 268 ەگىنشى-مالشى وتباسى كەلەر جىلى 9-ايدا التاي كوكسۋ سازدىعى قورىق رايونىنداعى تۇرعىنداردى ەكولوگيالىق كوشىرۋ بويىنشا سالىنعان شاعىن رايونعا كوشىپ كىرىپ، جاڭا تۇرمىستارىن باستايدى.

  شينجياڭ التاي كوكسۋ سازدىعى جاراتىلىستىق قورىعىن باسقارۋ مەكەمەسىنىڭ باستىعى ەركىنبەك ابىكەي ۇلى بىلاي دەپ تانىستىردى: ەرتىس وزەنى الابىنداعى ەكولوگيالىق كوشىرۋ نىسانىنا جالپى 109 ميلليون يۋان قارجى جۇمسالدى، كوكسۋ سازدىعى قورىق رايونىنىڭ وزەكتى رايونىنداعى مالشىلاردىڭ تۇراعىنان سىرت، وسى ەكولوگيالىق كوشى-قون نىسانىندا تاعى جاڭادان 43 مىڭ شارشى مەترلىك سايكەستى باعىمشىلىق رايونى جانە كۇنىنە 450 تەكشە مەتر لاس سۋدى ٴبىر جايلى ەتەتىن ٴبىر زاۆود قۇرىلادى.

  ەرتىس وزەنى الابىنداعى ەكولوگيالىق كوشىرۋ (التاي كوكسۋ سازدىعى قورىق رايونى وزەكتى رايونىنداعى ەكولوگيالىق كوشىرۋ) قۇرىلىس نىسانىنىڭ اتقارىلۋى،ٴشول دالا ەكولوگيالىق جۇيەسىنىڭ تۇتاستىعىن، ورنىقتىلىعىن جانە ۇلاسپالىلىعىن ٴونىمدى قورعايدى جانە ساقتايدى، سول ارقىلى قورىق رايونىنىڭ رولىن تولىق ساۋلەلەندىرەدى.

  قازىر، كوكسۋ سازدىعى جاراتىلىستىق قورىعىن باسقارۋ مەكەمەسى شەكارانى انىقتاپ، شەكارا بەلگىسىن ورناتۋ قىزمەتىن ورىندادى. 13 شەكارا بەلگىسىن، 60 بەلگى تاقتا، 430 شەكارا قازىعىن ورناتتى، ەرتىس وزەنى الابى كوكسۋ سازدىعى جاراتىلىستىق قورىعىنداعى جابايى حايۋاناتتار مەن وسىمدىكتەر ٴتۇرىنىڭ «تابيعي گەن قامباسىن» ٴونىمدى قورعاپ، ەكولوگيالىق جۇيە مەن ورتانىڭ وزگەرۋ زاڭدىلىعىن، سونداي - اق باعالى جابايى حايۋاناتتاردى قورعاۋدى زەرتتەۋگە جاراتىلىستىق تاجىريبەحانا مەن عىلىم جالپىلاستىراتىن تاماشا ورتا جاراتىپ، بۇدان بىلايعى جاراتىلىستىق قورىقتاردى عىلمي، ٴونىمدى تۇردە باسقارۋ جانە قورعاۋ قىزمەتىنە پارمەندى كەپىلدىك ازىرلەيدى.

  تاياۋ جىلداردان بەرى، ايماعىمىز ءمولدىر سۋ، جاسىل تاۋ _ باعا جەتپەس بايلىق ۇستانىمىن بەرىك ورناتىپ، باس شۋجي شي جينپيڭنىڭ ەكولوگيالىق ورتانى قورعاۋعا قاتىستى بايىمداۋلارى مەن تاۋ، وزەن ورمان، اتىز، كول، جايلىمعا قاتىستى جەلىلەس ماڭىزدى سوزدەرىنىڭ رۋحىن مۇقيات تياناقتاندىردى جانە «شينجياڭ ۇيعۇر اۆتونوميالى رايونىنىڭ ورتالىقتىڭ قورشاعان ورتانى قورعاۋدى باقىلاۋ-تەكسەرۋىندە اڭىس ەتىلگەن پىكىرلەردى دايەكتىلەندىرۋ، تياناقتاندىرۋ جونىندەگى رەتتەۋ-تۇزەتۋ جوباسىنا» ساي، ايماقتىق پارتكوم مەن اكىمشىلىك مەكەمەسى سايكەستى ىلگەرىلەتىپ، ساياسي جاۋاپكەرشىلىكتى كۇشەيتىپ، رەتتەۋ-تۇزەتۋ جاۋاپكەرشىلىگىن تياناقتاندىرىپ، اۆتونوميالى رايوندىق حالىق ۇكىمەتىنىڭ تالابى بويىنشا، كوكسۋ، سىنتاس قورىق رايونىنداعى شەكارانى انىقتاپ، بەلگى ورناتۋ جانە زاڭعا، بەلگىلەمەگە قايشى نىسانداردى اداقتاۋ قىزمەتىن ورىنداپ، رەتتەۋ-تۇزەتۋ مىندەتىن ٴساتتى ورىنداپ، قورىق رايونىنىڭ كولەمى مەن فۋنكتسيالىق رايونىن ۇيلەسىمدى تۇراقتاندىرىپ، شەكارانى انىقتاپ، بەلگى ورناتىپ، باسقارۋ قۇرىلىمدارىنىڭ رەتتەۋ ـ تۇزەتۋ نىساناسىن كەمەلدەندىردى.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى