بۋىرشىنداعى مالشىلار وتباسىلىق فەرما قۇرىپ اۋقاتتانۋ جولىنا ءتۇستى

دوڭگەلەك داۋلەتتى تۇرمىسقا بەت الىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەيىك

  ەرىكتى ءتىلشى مەرەي حابارلايدى. تاياۋ جىلداردان بەرى، بۋىرشىن اۋدانى مال شارۋاشىلىعى نەگىزدىك قۇرىلعى قۇرىلىسى، مال تۇقىمىن اسىلداندىرۋ، باعىمشىلىقتان ۇلگى كورسەتۋ سياقتى قىزمەتتەردى مىقتى يگەرىپ، مال شارۋاشىلىعىنىڭ ءداستۇرلى وندىرىستەن وسىزامانعى شوعىرلى ءوندىرىس تاسىلىنە بۇرىلىس جاساۋىن جەدەلدەتىپ، مال شارۋاشىلىعىنىڭ دامۋ قارقىنىن تەزدەتىپ، ەكونوميكالىق ونىمدىلىكتى جوعارىلاتتى.

  

  66 جاستاعى قومجاپ قاريا 20 جىلدىق پارتيا ستاجى بار ساقا پارتيا مۇشەسى. 1998 - جىلدان قازىرگە دەيىن، ول باعىمشىلىق تەحنيكاسىن تاباندىلىقپەن زەرتتەپ، عىلمي باعىمشىلىق تەحنيكاسىن بىرتىندەپ جيناقتاپ، تاجىريبەسى مول شەبەر باقتاشىعا اينالىپ، دۋلايتى اۋىلى سارتەرەك قىستاعىنداعى اۋقاتتانۋدىڭ كوشباسشىسى بولدى. قومجاپ اۋلاسىن وتباسىلىق فەرماعا اينالدىرىپ، سيىر تۇقىمىن اسىلداندىردى، قازىر ونىڭ قوراسىندا 80 باس سيىر، 150 تۇياق قوي جانە 15 جىلقى بار.

  

  ”قازىر پارتيانىڭ ساياساتى جاقسى، ٴاربىر ادام ەڭبەكشىل، شوگەل بولسا بولعانى ءوندىرىسىن ورگە باستىرا الادى، وسى ەكى جىلدا ەكسكۋرسيالاۋ ارقىلى باعىمشىلىق شەبەرلەرىنەن وزىق تاجىريبەلەردى ۇيرەندىم، بۇل مەنىڭ باعىمشىلىق كاسىبىمدى دامىتۋىما مۇمكىندىك جاسادى، بيىل مالىمدى ساتقان سوڭ قوماقتى كىرىس كىرگىزەمىن“،ـ دەدى قومجاپ.

  

  2008 - جىلى دوزي زياقان 2817 رايونىندا ەگىنشى ـ مالشىلارعا كوكتەمگى ەگىس، كۇزگى جيىن ـ تەرىن مەزگىلىندە اۋىل شارۋاشىلىق ماشينالارى قاجەت ەكەنىن بايقاپ، وسى ورايدى مىقتى يگەرىپ، جيعان اقشاسىنا جوعارى ات كۇشىندىك تراكتور ساتىپ الدى . 2017 ـ جىلى تاعى دا باعىمشىلىقتى دامىتۋ جوسپارىن جاساپ، 50 مىڭ يۋان قارجى شىعارىپ، شينجياڭ قوڭىر سيىرى، سەمەنتال سياقتى اسىل تۇقىمدى سيىرلاردى ەنگىزدى. سوڭعى جىلداردان بەرى، بۋىرشىن اۋداندىق پارتكوم مەن ۇكىمەتتىڭ وسى زامانعى مال شارۋاشىلىعىن دامىتۋدى توڭىرەكتەي وتىرىپ، العا قويعان ٴبىر قىدىرۋ ءتيىمدى شارالارى دوزيدى ەرەكشە شابىتتاندىرىپ، بىرنەشە جىل قۇلشىنۋ ارقىلى ونىڭ شارۋاشىلىعى شالقىپ، الىس - جاقىنعا ايگىلى اۋقاتتانۋداعى كوشباسشىعا اينالدى .

  

  نەشە جىلدىق قۇلشىنىس ارقىلى دوزي تابىستىڭ ٴدامىن تاتتى، ول 300 شارشى مەترلىك جىلى قورا جانە سۇرلەم ۇراسىن سالىپ، 80 مۋ جەرگە سۇرلەمدىك جۇگەرى ەكتى. بيىل اسىل تۇقىمدى سيىردى قولدا باعىپ ءوسىرىپ، بىرنەشە ءىرى تۇرپاتتى سيىر ساۋۋ جابدىقتارىن ساتىپ الىپ، ءسۇت شارۋاشىلىعىن دامىتۋدى جوسپارلاۋدا.

  

  ”تاياۋ جىلداردان بەرى پارتيا مەن مەملەكەتتىڭ حالىققا تيىمدىلىك جاساۋ ساياساتى بىزگە كوپ كومەك كورسەتتى، اۋىل شارۋاشىلىعى ماشينالارىمەن اينالىسۋدا جانە باعىمشىلىق كاسىبىن دامىتۋدا بولسىن قوسىمشا قاراجاتتان يگىلىكتەندىم، قازىر تۇرمىس ورەمىز بارعان سايىن جاقسارۋدا“،-دەدى ول.  

  جۋىرداعى جىلداردان بەرى بۋىرشىن اۋدانى ەگىنشى-مالشىلاردىڭ كوزقاراسىن جاڭالاۋىنا جەتەكشىلىك ەتىپ، كاسىپ قۇرىلىمىن رەتتەدى. وسى زامانعى مال شارۋاشىلىعىنىڭ دامۋىن جانە ەگىن، مال شارۋاشىلىعىنا سۇيەنىپ كىرىستى ارتتىرۋدى ارناعا ٴتۇسىرىپ، ەگىنشى، مالشىلاردىڭ كىرىسىن ارتتىرىپ، اۋقاتتاندىرۋدى نىسانا ەتىپ، ەگىنشىلىك رايوندارىنداعى مال شارۋاشىلىعىن دامىتۋدى كاسىپ قۇرىلىمىن ساپالاندىرۋدىڭ ماڭىزدى تۇتقاسى ەتىپ، مال شارۋاشىلىعىنىڭ كاسىپ قۇرىلىمىن ۇزدىكسىز ساپالىلاندىرىپ، ساياساتتىق سۇيەمەلدەۋدى، جەتەكتەۋدى كۇشەيتىپ، ەگىنشىلىك رايوندارىنداعى مال شارۋاشىلىعىن جۇيەلى، ولشەمدى، كاسىپ سالالاندىرىپ دامىتۋدى ىلگەرىلەتىپ، ەگىنشىلىك رايوندارىنداعى مال شارۋاشىلىعىنىڭ جالپىلىق ٴوندىرىس قۋاتىن ۇزدىكسىز كۇشەيتىپ، جالپى تۇلعالىق دامۋ دەڭگەيىن جاپپاي جوعارىلاتتى. قازىر بۋىرشىن اۋدانىندا كولەمدەنگەن باعىمشىلىق كووپەراتيۆى 47 گە جەتسە، 56 وتباسىندىق مال فەرماسى قۇرىلىپ، ٴار جىلعى 30 پايىزدان جوعارى جىلدامدىقپەن دامۋ جوسپارى بويىنشا، قازىرگى بار باعىمشىلىق الاڭدارىن، وتباسىلىق فەرمالاردى جەتىلدىرىلىپ، تۇتاس جىلدىق اقاۋسىز اينالىم ىسكە اسىرىلىپ، بيىل تۇتاس اۋداننىڭ 80 پايىزدان استام ولشەمدەنگەن باعىمشىلىق الاڭىن « تورتتە جاقسى بولۋ، ٴبىردى ارناعا ٴتۇسىرۋ» ولشەمىنە جەتكىزۋگە كۇش سالۋدا.

  اۋدارعان: مەيرامگۇل مۇسىنات قىزى

جاۋاپتى رەداكتور: ءاننا اكىمقان قىزى