جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكونوميكانىڭ، قوعامنىڭ جوعارى ساپالى دامۋىن، باياندى دامۋىن ىلگەرىلەتۋ كەرەك

شي جينپيڭ جياڭسۋدا قىزمەت تەكسەرگەندە بىلاي دەپ باسا دارىپتەدى

جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەكونوميكانىڭ، قوعامنىڭ جوعارى ساپالى دامۋىن، باياندى دامۋىن ىلگەرىلەتۋ كەرەك

  11 - ايدىڭ 12 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جياڭسۋدا قىزمەت تەكسەردى. سۋرەتتە: 11 - ايدىڭ 12 - كۇنى تۇستەن كەيىن شي جينپيڭ نانتۇڭ قالاسى ۋشان ءوڭىرىنىڭ بينجياڭ اۋماعىندا قىزمەت تەكسەرگەندە قالا تۇرعىندارىمەن ىقىلاسپەن اڭگىمەلەستى.

 سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  11 - ايدىڭ 12 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جياڭسۋدا قىزمەت تەكسەردى. سۋرەتتە: 11 - ايدىڭ 13 - كۇنى تۇستەن كەيىن شي جينپيڭ ياڭجوۋ قالاسى جياڭدۋ سۋ يگىلىگى تورابىنىڭ 4 - سۋ تارتۋ پۋنكتىندە سۋ سورعىشتىڭ اينالىم جاعدايىن كورۋدە.

 سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 11 - ايدىڭ 14 - كۇنى نانجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا جياڭسۋدا قىزمەت تەكسەرگەندە بىلاي دەپ باسا دارىپتەدى: جاڭا دامۋ كەزەڭىندەگى جاڭا مىندەتتەردى، جاڭا تالاپتاردى جالپى بەتتىك يگەرىپ، جاڭا دامۋ ۇستانىمىن بۇلجىماي دايەكتىلەندىرىپ، جاڭا دامۋ ارناسىن قالىپتاستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، دامۋ مەن حاۋىپسىزدىكتى ءبىر تۇتاس جوسپارلاپ، ەكولوگيالىق ورتانى قورعاۋدى اناعۇرلىم كورنەكتى ورىنعا قويىپ، ەكونوميكانىڭ، قوعامنىڭ جوعارى ساپالى دامۋىن، باياندى دامۋىن ىلگەرىلەتىپ، رەفورما جاساۋ، جاڭالىق اشۋ، جوعارى ساپالى دامۋدى ىلگەرىلەتۋ جاعىندا ونەگە كورسەتۋگە، بۇكىل ەلدىڭ جاڭا دامۋ ارناسىن قالىپتاستىرۋعا قىزمەت وتەۋ جاعىندا ۇلگى بولۋعا، سوتسياليستىك وسىزامانداندىرۋدى الدىمەن جۇزەگە اسىرۋ جاعىندا الدىڭعى لەكتە جۇرۋگە كۇش سالۋ كەرەك.

  11 - ايدىڭ 12 - كۇنىنەن 13 - كۇنىنە دەيىن شي جينپيڭ جياڭسۋ ولكەلىك پارتكومنىڭ شۋجيى لوۋ چينجياننىڭ، ولكە باستىعى ۋ جىڭلۇڭنىڭ سەرىك بولۋىندا، ىلگەرىندى - كەيىندى نانتۇڭ، ياڭجوۋ سياقتى جەرلەرگە بارىپ، چاڭجياڭ جانە كانال جاعالاۋى، سۋ يگىلىگى تورابى، مادەني ەسكەرتكىشتەردى قورعاۋ ورىندارى سياقتىلاردى ىشكەرىلەي ارالاپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ، ت . ب جونىندە تەكسەرۋ - زەرتتەۋ جۇرگىزدى.

  نانتۇڭ چاڭجياڭ وزەنىنىڭ تەڭىزگە قۇيار اۋزىنىڭ سولتۇستىك جيەگىنە ورنالاسقان، ”وزەن - تەڭىز قاقپاسى“ دەگەن اتى بار. قالا رايونىنىڭ وڭتۇستىك بولىگىندەگى بينجياڭ ءوڭىرىنىڭ وزەن ايدىنى كەڭ، ۇشى - قيىرىنا كوز جەتپەيدى، حۋاڭني تاۋى، ما - ان تاۋى، لاڭشان تاۋى، جيانشان تاۋى، جۇنشان تاۋى سياقتى 5 تاۋ وزەنگە جاقىن جەردە قاسقايىپ تۇر، بار الاپ جاسىل جەلەك جامىلعان، وزەن جاعالاۋىنداعى 14 كيلومەترلىك جەلى چاڭجياڭنىڭ نانتۇڭ بولىگىندەگى ماڭىزدى ەكولوگيالىق ىشكى الابى جانە قالا دامۋىنىڭ ماڭىزدى سۋ قاينارى.

  11 - ايدىڭ 12 - كۇنى تۇستەن كەيىن شي جينپيڭ ۋشان ءوڭىرىنىڭ بينجياڭ اۋماعىنا كەلىپ، ۋشاننىڭ جانە وزەن جاعالاۋىنداعى وڭىرلەردىڭ ەكولوگياسىن قالپىنا كەلتىرۋ، قورعاۋ، چاڭجياڭ سۋ الابىندا اۋلاۋعا تيىم سالۋدى، اۋلاۋدى توقتاتۋدى اتقارۋ سياقتى جاعدايلار جونىندەگى تانىستىرۋدى تىڭداپ، نانتۇڭنىڭ ەكولوگيالىق جاسىل ءدالىز قۇرۋ ءادىسىن تۇراقتاندىردى. وسىدان سوڭ شي جينپيڭ وزەندى جاعالاي جاياۋ ءجۇرىپ بينجياڭنىڭ ەكولوگيالىق ورتاسىن كوزدەن كەشىرىپ، جەرگىلىكتى ورىننىڭ چاڭجياڭنىڭ تومەنگى اعار سۋ جاعالاۋى ورتاسىن جالپى بەتتىك جونگە سالۋدى ىلگەرىلەتۋ جاعدايىن ەگجەي - تەگجەيلى ۇعىستى. شي جينپيڭ بىلاي دەپ باسا دارىپتەدى: ەكولوگيالىق ورتا ۇسىنىلىمى قيسىنسىز ۇسىنىلىم، ءونىمسىز ۇسىنىلىم ەمەس، قايتا ەكونوميكانىڭ، قوعامنىڭ جوعارى ساپالى دامۋىنا، باياندى دامۋعا قاتىستى نەگىزدىك سيپاتتى، ستراتەگيالىق سيپاتتى ۇسىنىلىم. جاڭا دامۋ ۇستانىمىن باتىل دايەكتىلەندىرىپ، دامۋ تاسىلىندە بۇرىلىس جاساپ، دامۋ وي جەلىسىن جاقسارتىپ، ەكولوگيالىق ونىمدىلىك پەن ەكونوميكالىق، قوعامدىق ونىمدىلىكتىڭ ءوزارا بىرلىگىن جۇزەگە اسىرىپ، ەكولوگيانى الدىمەن ويلاساتىن، جاسىل داميتىن جاڭا جولمەن ءجۇرىپ، چاڭجياڭنىڭ ەكونوميكالىق بەلدەۋىنىڭ جوعارى ساپالى دامۋىنا، باياندى دامۋىنا پارمەندى تىرەك ازىرلەۋ كەرەك.

  وزەن جاعالاۋىندا سەيىل - سەرۋەن قۇرىپ جۇرگەن قالا تۇرعىندارى باس شۋجيدىڭ كەلگەندىگىن كورىپ، باس شۋجيگە جاپا - تارماعاي امانداستى. شي جينپيڭ كوپشىلىكپەن ىقىلاستى تۇردە اڭگىمەلەسىپ، كوپشىلىككە بىلاي دەدى: 40 نەشە جىلدىڭ الدىندا مەن ۋشان وڭىرىنە كەلگەنمىن، بۇل ارانىڭ ايبىندى وزەن ايدىنى ەرەكشە تەرەڭ اسەر قالدىردى. بۇل رەت كەلگەنىمدە جونگە سالۋ ارقىلى بۇرىنعى لاس، بىلىققان، ناشار ورتادا وراسان زور وزگەرىس تۋىلىپ، ادامدار كەتكىسى كەلمەيتىن بينجياڭ ەكولوگيالىق باقشاسىنا اينالعاندىعىن كوردىم. كوپشىلىكتىڭ وسىنداي قالادا تۇرمىس كەشىرۋى وتە باقىتتى ءىس، باقىتتى سىزدەر بىرگە كۇرەس جۇرگىزىپ، ءوز قولدارىڭىزبەن جاراتتىڭىزدار. شي جينپيڭ بىلاي دەپ اتاپ كورسەتتى: قالا − وسىزاماندانۋدىڭ ماڭىزدى دانەكەرى ءارى ادامدار ەڭ ءجيى ورنالاسقان، لاس زاتتاردىڭ شىعارىلۋى ەڭ شوعىرلى جەر. ادام مەن تابيعات جاراسىمدى بىرگە ءومىر سۇرگەن وسىزاماندانۋدى قۇرىپ شىعۋدا، ءسوز جوق، قالانىڭ ەكولوگيالىق ورتاسىن قورعاۋدى اناعۇرلىم كورنەكتى ورىنعا قويىپ، قالانىڭ ءوندىرىس كەڭىستىگىن، تۇرمىس كەڭىستىگىن، ەكولوگيا كەڭىستىگىن عىلمي ۇيلەسىمدى جوبالاپ، قالانىڭ ءوندىرىس، تۇرمىس جانە ەكولوگيالىق ورتاسىن قورعاۋدىڭ قاتىناسىن ويداعىداي ءبىر جاقتى ەتىپ، ءارى ەكونوميكانىڭ دامۋ ساپاسىن جوعارىلاتۋ، ءارى حالىقتىڭ تۇرمىس ساپاسىن جوعارىلاتۋ كەرەك. كەزەكتە شەكارا سىرتىندا ىندەت ءالى دە ورشۋدە، ەلىمىزدىڭ سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىسىمى ءالى وتە اۋىر. كوپشىلىكتەن ىندەتتەن ساقتانۋ - تىزگىندەۋ سىندى وسى ارقاۋدى باستان - اياق بوساڭسىتپاي، ىندەتتەن ساقتانۋ - تىزگىندەۋدى ۇدايىلاندىرۋدىڭ ءتۇرلى شارالارىن ۇزدىكسىز تياناقتاندىرىپ، ىندەتتىڭ قايتالانۋىنان باتىل ساقتانۋدى ءۇمىت ەتەمىن.

  ۋشان ءوڭىرىنىڭ بينجياڭ اۋماعىنان اتتانعان سوڭ، شي جينپيڭ نانتۇڭ مۇرالار باقشاسىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. جاڭ جيان − ەلىمىزدىڭ تاياۋ زامانعى ايگىلى كاسىپكەرى، پەداگوگى، جۇڭگونىڭ تاياۋ زامانعى ۇلتتىق ونەركاسىبىنىڭ گۇلدەنۋىنە، وقۋ - اعارتۋ جانە قوعامدىق الەۋمەتتىك يگىلىك ىستەرىنىڭ دامۋىنا ماڭىزدى ۇلەس قوسقان. ول قۇرعان نانتۇڭ مۇرالار باقشاسى ەلىمىزدەگى العاشقى الەۋمەتتىك مۇراجاي، قازىر تاريحي مادەني ەسكەرتكىش، سالت - سانا بۇيىمدارى، جاراتىلىستىق ۇلگى سياقتى 50 مىڭنان استام بۇيىم ساقتالعان. شي جينپيڭ مۇرالار باقشاسىنىڭ تاريحي قۇرىلىستارىن زەر سالا كوردى ءارى جاڭ جياننىڭ بايىرعى تۇراعى كورمە ۇيىنە كىرىپ، جاڭ جياننىڭ شارۋاشىلىق قۇرۋ، وقۋ - اعارتۋدى دامىتۋ، قوعامدىق الەۋمەتتىك يگىلىك ىستەرىن جۇرگىزۋ جاعدايلارىن ۇعىسىپ، جەرگىلىكتى ورىننىڭ كاسىپكەرلەردىڭ وتانشىلدىق سۇيىسپەنشىلىگىن، قوعامدىق جاۋاپكەرشىلىگىن، كۇرەسكەرلىك رۋحىن جەتىلدىرۋ سياقتى جاعدايلار جونىندەگى تانىستىرۋدى تىڭدادى. شي جينپيڭ بىلاي دەپ باسا دارىپتەدى: مەن بۇل رەت جاڭ جياننىڭ شارۋاشىلىق، وقۋ - اعارتۋ جانە قوعامدىق الەۋمەتتىك يگىلىك ىستەرىن جۇرگىزۋ جاعدايلارىن ۇعىسۋ ءۇشىن نانتۇڭ مۇرالار باقشاسىنا ارنايى كەلدىم. سول كەزدەگى ىشتەن داعدارىس، سىرتتان جاۋ قىسقان جاعدايدا جۇڭحۋا مادەنيەتىنەن ءتالىم العان زيالى رەتىندە، جاڭ جيان مەشەۋلىكتىڭ قالايدا تاياق جەگىزەتىندىگىن، شارۋاشىلىق قانا وتاندى قۇتقارا الاتىندىعىن تانىپ جەتىپ، وزىق تەحنيكالار مەن باسقارۋ ۇستانىمدارىن بەلسەنە ەنگىزىپ، ناقتى ىستەپ مەملەكەتتى كوركەيتۋدى دارىپتەپ، بەل شەشە ىسكە كىرىسىپ، ءبىرسىپىرا شارۋاشىلىق، وقۋ - اعارتۋ، مەديتسينا، قوعامدىق الەۋمەتتىك يگىلىك ىستەرىن جۇرگىزىپ، بۇقاراعا كومەكتەسىپ، اۋىلىن باقىتقا كەنەلتتى، ول ەلىمىزدىڭ ۇلتتىق كاسىپكەرلەرىنىڭ ونەگەسى. رەفورما جاساپ، ەسىك اشقاننان بەرى، پارتيا مەن مەملەكەت حالىقتىق كاسىپورىنداردىڭ دامۋى مەن كاسىپكەرلەردىڭ ءوسىپ - جەتىلۋىنە تاماشا شارت - جاعداي ازىرلەدى. حالىقتىق كاسىپكەرلەر بايىعان سوڭ، جاقسىلاردان ونەگە الىپ، وتباسى - وتان سۇيىسپەنشىلىگىن كۇشەيتىپ، قوعامدىق جاۋاپكەرشىلىك ارقالاپ، الدىمەن بايىعاندار كەيىن بايىيتىندارعا كومەكتەسۋ رولىن ساۋلەلەندىرىپ، قوعامدىق الەۋمەتتىك يگىلىك ىستەرىنە بەلسەنە ات سالىسۋ جانە ونى جۇرگىزۋى كەرەك. باتىلدىقپەن جاڭالىق اشىپ، جىگەرلەنە، ايانباي شايقاسىپ، بىرەگەي بولۋعا قۇلشىنىپ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ ءۇشىن اناعۇرلىم زور ۇلەس قوسۋ كەرەك. نانتۇڭ مۇرالار باقشاسى مەن جاڭ جياننىڭ بايىرعى تۇراعىن وتانشىلدىق تاربيە بازاسى ەتىپ، قالىڭ حالىقتىق كاسىپكەرلەر مەن جاستاردىڭ، ورەندەردىڭ تاربيە الۋىنا، قوعامدىق جاۋاپكەرشىلىك سەزىمدەرىن كۇشەيتۋىنە، ”ءتورت سەنىمدى“ بەكەمدەۋىنە مۇمكىندىك جاساۋ كەرەك.

  11 - ايدىڭ 13 - كۇنى شي جينپيڭ ياڭجوۋعا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. بايىرعى كانالدىڭ ياڭجوۋ بولىگى − تۇتاس كانالدىڭ ەڭ ەجەلگى ءبىر بولىگى سانالادى، ياڭجوۋ جۇڭگونىڭ بايىرعى كانالى باستالعان قالا، سونداي - اق چاڭجياڭ ەكونوميكالىق بەلدەۋى مەن ۇلى كانال مادەنيەتى بەلدەۋى توعىسقان قالا. كانالدىڭ سانۋان ەكولوگيالىق مادەنيەت باقشاسىندا شي جينپيڭ ۇلى كانال بويىنداعى قورشاعان ورتانى رەتتەۋ - جونگە سالۋ، ەكولوگيانى قالپىنا كەلتىرۋ جانە وسى زامانعى سۋ تاسىمالىنان ۇلگى كورسەتۋ اۋماعى قۇرىلىسى سياقتىلاردىڭ جاعدايى جونىندەگى تانىستىرۋدى تىڭدادى. سوڭعى جىلداردان بەرى، بەلگىلەمەگە قايشى سالىنعان قۇرىلىستاردى تازالاۋ، سۋ جۇيەسىن ارشۋ سياقتى رەتتەۋ - جونگە سالۋ جۇمىستارىنان كەيىن، ەكولوگيالىق ورتا ايتارلىقتاي جاقساردى. شي جينپيڭ كانالدىڭ سانۋان بولىگىنىڭ جاعالاۋىندا جاياۋ ءجۇرىپ، كانال ەكولوگياسى ءدالىزى قۇرىلىسىنىڭ جاعدايىن كوزدەن كەشىرىپ، ۇلى كانال مادەنيەتىن قورعاۋ، جالعاستىرۋ جانە ونان پايدالانۋ جاعىندا قول جەتكەن جەتىستىكتەرمەن تانىستى. شي جينپيڭ كەمەتۇراقتا قالا تۇرعىندارىمەن ىقىلاستى تۇردە اڭگىمەلەستى. ول بىلاي دەپ اتاپ كورسەتتى: ياڭجوۋ − تاماشا جەر، سۋ جاعالاي سالىنعان، سۋدىڭ ارقاسىندا وركەندەگەن، سۋىمەن كوركەم بولعان جەر، مەملەكەتتىڭ ماڭىزدى تاريحي مادەنيەت ايگىلى قالاسى. سان عاسىردان بەرى، كانال ەكى جاعالاۋداعى قالالار مەن حالىققا ءنار بەرىپ كەلەدى، كانالدىڭ ەكى جاعالاۋىنداعى حالىقتى بايۋعا باستايتىن كانال، باقىت كانالى. كوپشىلىكتىڭ ۇلى كانالدى بىرگە ويداعىداي قورعاپ، كانالدىڭ حالىقتى ماڭگى باقىتقا كەنەلتۋىنە مۇمكىندىك جاساۋىن ءۇمىت ەتەمىن. ەكولوگيالىق وركەنيەت قۇرىلىسى ەكونوميكالىق، قوعامدىق دامۋعا سايادى، حالىق تۇرمىسىنىڭ باقىتىنا سايادى، جاستار مەن ورەندەردىڭ اقاۋسىز ەسەيىپ - ەرجەتۋىنە سايادى. ەكولوگيالىق وركەنيەت قۇرىلىسىن كۇشەيتۋ − ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدىڭ قاجەتتى تالابى، سونداي - اق قالىڭ بۇقارانىڭ ورتاق تانىمى جانە ءۇنى. ۇلى كانال مادەنيەت مۇرالارىن قورعاۋدى ەكولوگيالىق ورتانى قورعاۋمەن جانە ونىڭ دەڭگەيىن جوعارىلاتۋمەن، كانال بويىنداعى ايگىلى قالالاردى، ايگىلى قالاشىقتاردى قورعاۋمەن، قالپىنا كەلتىرۋمەن، مادەنيەت - ساياحاتتى توعىستىرا دامىتۋمەن، كانالداعى سۋ تاسىمالىنىڭ تيبىن وزگەرتۋمەن، دەڭگەيىن جوعارىلاتۋمەن بىرلىككە كەلتىرىپ، ۇلى كانال بويىنداعى وڭىرلەردىڭ ەكونوميكالىق، قوعامدىق دامۋى، حالىق تۇرمىسىنىڭ جاقسارۋى ءۇشىن ءتيىمدى شارت - جاعداي ازىرلەۋ كەرەك.

  وسىدان سوڭ شي جينپيڭ كولىكپەن جياڭدۋ سۋ يگىلىگى تورابىنا باردى. جياڭدۋ سۋ يگىلىگى تورابى وڭتۇستىكتىڭ سۋىن سولتۇستىككە جەتكىزۋدىڭ شىعىس جەلىسى ينجەنەرياسىنىڭ باستاۋ كوزى، سونداي - اق قازىر ەلىمىز بويىنشا كولەمى ەڭ ۇلكەن ەلەكتر قۋاتىمەن سورعىتۋ - سۋلاندىرۋ ينجەنەرياسى، ازيا بويىنشا ەڭ ۇلكەن ناسوس ستانسياسى تورابى. شي جينپيڭ كورمە زالىنا كەلىپ وڭتۇستىكتىڭ سۋىن سولتۇستىككە جەتكىزۋدىڭ شىعىس جەلىسى ينجەنەرياسى جانە جياڭدۋ سۋ يگىلىگى تورابى تۋرالى ارناۋلى تاقىرىپتىق فيلمدى كورىپ، وڭتۇستىكتىڭ سۋىن سولتۇستىككە جەتكىزۋدىڭ شىعىس جەلىسى ينجەنەرياسى قۇرىلىسىنىڭ جۇرگىزىلۋ جاعدايى جونىندەگى تانىستىرۋدى قۇم مودەلمەن بىرلەستىرىپ تىڭدادى. ول 4 - سۋ تارتۋ پۋنكتىنە كىرىپ، سۋ سورعىشتىڭ جۇمىس اينالىمىن تەكسەردى. باقىلاۋ تۇعىرىندا قىزمەتكەرلەر شي جينپيڭگە جاڭا الىنعان سۋ ۇلگىسىن كورسەتىپ، جەرگىلىكتى ورىننىڭ سۋ قاينارى ءوڭىرىنىڭ ەكولوگياسىن قورعاۋدى كۇشەيتۋ سياقتى جاعدايلاردى تانىستىردى.

  جياڭدۋ سۋ يگىلىگى تورابى كورمە سارايىندا شي جينپيڭ كورە ءجۇرىپ، سۋ يگىلىگى تورابىن دامىتۋ قۇرىلىسىنىڭ بارىسى جانە سۋ جەتكىزۋ، سەل سارقۋ، تاسقىن سۋىن اعىزۋ، كەمە قاتىناسى، ەكولوگيالىق ورتانى جاقسارتۋ سياقتى فۋنكتسيالاردىڭ جاعدايىمەن ەگجەي - تەگجەيلى تانىستى. شي جينپيڭ بىلاي دەپ اتاپ كورسەتتى: ”سولتۇستىكتە تاپشىلىق، وڭتۇستىكتە مولشىلىق“ ەلىمىز سۋ بايلىعى ورنالاسۋىنىڭ ايقىن ەرەكشەلىگى. پارتيا مەن مەملەكەت وڭتۇستىكتىڭ سۋىن سولتۇستىككە جەتكىزۋ ينجەنەرياسى قۇرىلىسىن اتقارۋدا سۋ بايلىعىن عىلمي تەڭگەرىپ، وڭتۇستىك پەن سولتۇستىكتىڭ بىركەلكى دامۋىن، باياندى دامۋىن جەبەۋدى ماقسات ەتىپ وتىر. وڭتۇستىكتىڭ سۋىن سولتۇستىككە جەتكىزۋدىڭ شىعىس جەلىسى ينجەنەريا قۇرىلىسىن ۇزدىكسىز ىلگەرىلەتىپ، جوسپار جانە قۇرىلىس جوبالارىن كەمەلدەندىرىپ، وڭتۇستىكتىڭ سۋىن سولتۇستىككە جەتكىزۋدىڭ شىعىس جەلىسى ينجەنەرياسىن سۋ بايلىعىنىڭ جايعاسۋىن ساپالىلاندىرۋدىڭ، بۇقارانىڭ اۋىز سۋ حاۋىپسىزدىگىن قامتاماسىز ەتۋدىڭ، وزەن - كولدەردىڭ ەكولوگيالىق ورتاسىن قالپىنا كەلتىرۋدىڭ، وڭتۇستىك پەن سولتۇستىكتىڭ ەكونوميكالىق اينالىسىن ىركىلىسسىزدەندىرۋدىڭ جان تامىرىنا اينالدىرۋعا شىنايى كەپىلدىك ەتۋ كەرەك. وڭتۇستىكتىڭ سۋىن سولتۇستىككە جەتكىزۋ ينجەنەرياسىن اتقارۋدى سولتۇستىك وڭىرلەردە سۋدى ۇنەمدەپ پايدالانۋمەن ءبىر تۇتاس جوسپارلاپ، سۋ جەتكىزۋدىڭ، سۋ ۇنەمدەۋدىڭ ەكەۋىن دە مىقتى يگەرۋگە تاباندى بولىپ، ءبىر جاعىنان، سولتۇستىككە سۋ جەتكىزۋ قابىلەتىن جوعارىلاتىپ، ەندى ءبىر جاعىنان، سولتۇستىك وڭىرلەردىڭ ءىس جۇزىندىگىن نەگىزگە الىپ، سۋعا قاراي قالانى ايقىنداۋعا، سۋعا قاراي كاسىپتى ايقىنداۋعا تاباندى بولىپ، سۋدى ۇنەمدەپ پايدالانۋ كەرەك، سۋدان پايدالانۋ مولشەرىن قالاعانىنشا ۇلعايتۋعا بولمايدى. شي جينپيڭ بىلاي دەپ باسا دارىپتەدى: وڭتۇستىكتىڭ سۋىن سولتۇستىككە جەتكىزۋدىڭ شىعىس جەلىسى ينجەنەرياسىندا قول جەتكىزگەن ەلەۋلى جەتىستىكتەردى 100 مىڭداعان قۇرىلىسشىلاردىڭ ۇزاق ۋاقىتتىق جاپالى ەڭبەگىنەن بولە قاراۋعا بولمايدى، جەلى بويىنان كوشىرىلگەن 400 مىڭ حالىقتىڭ وراسان زور ۇلەسىنەن بولە قاراۋعا بولمايدى. ءىرى تيپتى سۋ يگىلىگى تورابى قۇرىلعىلارىنا جانە جياڭدۋ سۋ يگىلىگى تورابى كورمە سارايىنا سۇيەنىپ، مەملەكەت جاعدايى جانە سۋ جاعدايى تاربيەسىن بەلسەنە ورىستەتىپ، كادرلار مەن بۇقارانى، اسىرەسە، جاستار مەن ورەندەردى سۋ بايلىعىن ۇنەمدەۋ، سۋ ەكولوگياسىن قورعاۋدىڭ يدەيالىق تانىمى مەن ارەكەت سانالىلىعىن كۇشەيتۋگە جەتەكتەپ، ءوندىرىس، تۇرمىس ءتاسىلىنىڭ جاسىل تيپكە قاراي بۇرىلىس جاساۋىن جەدەل ىلگەرىلەتۋ كەرەك.

  ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

جاۋاپتى رەداكتور: ءاننا اكىمقان قىزى