110 مىڭنان استام ديقان جارناگەرگە اينالعاننان كەيىن

— سانجى قالاسىنىڭ اۋىل - قىستاق كوللەكتيۆ مال - مۇلىك ۇقىعى ٴتۇزىمى رەفورماسى جونىندە

شينجياڭ گازەتىنىڭ جالپىلىق اقپارات قۇرالدارى ٴتىلىشىسى گاي يۋجۇن، سانجى تىلشىلەر پۋنكتىنىڭ ٴتىلشىسى ليۋ چيان

  سانجى قالاسى جۇڭشان جولى ٴمالى باسقارماسى شياۋچۇيزى قىستاعىنىڭ تۇرعىندارى قىستاق تۇرعىندار كوميتەتىنەن 2019 ـ جىلدىق كوللەكتيۆ مال ـ مۇلىك پايداسى ۇلەسىن الۋدا. ( 1 - ايدىڭ 17 - كۇنى تۇسىرىلگەن)

  سانجى قالاسى جۇڭشان جولى ٴمالى باسقارماسى شياۋچۇيزى قىستاعىنىڭ تۇرعىندارى جارناگەر كۋالىگىن قۋانا - قۋانا الدى. (2018 - جىلى 7 - ايدىڭ 12 - كۇنى تۇسىرىلگەن) سۋرەتتى لياڭ حۇڭتاۋ تۇسىرگەن

  ٴبىر ميلليون 50 مىڭ مۋلىق كوللەكتيۆ جەردەن تىڭ تىرشىلىك تىنىسى قاۋلاپ، 82 قىستاق كوللەكتيۆى جارناعا سىندىرۋدى ورىنداپ، 110 مىڭنان استام ديقان جارناگەرگە اينالدى. بۇل سانجى قالاسىنىڭ اۋىل - قىستاق كوللەكتيۆ مال ـ مۇلىك ۇقىعى ٴتۇزىمى رەفورماسىندا قول جەتكەن ەڭ جاڭا جەتىستىگى بولىپ تابىلادى.

  2017 - جىلى سانجى قالاسى مەملەكەتتىك 2 ـ توپتاعى اۋىل ـ قىستاق كوللەكتيۆ مال ـ مۇلىك ۇقىعى ٴتۇزىمى رەفورماسى سىناق ٴتۇيىنى ەتىلەتىن 100 اۋدان ـ قالا قاتارىنا ەنگىزىلدى. 3 جىلدان استام ۋاقىت ىزدەنىس جاساۋ ارقىلى، بايلىقتى مال ـ مۇلىككە، قارجىنى جارناعا، شارۋالاردى جارناگەرلەرگە اينالدىرۋدى وزەك ەتكەن ”ٴۇشتى وزگەرتۋ“ رەفورماسى جاپپاي قامتىلدى، وسىعان بايلانىستى اۋىل - قىستاقتى گۇلدەندىرۋدىڭ جاڭا جولى اشىلدى.

  سانجى قالالىق اۋىل - قىستاق شارۋاشىلىعىن باسقارۋ مەكەمەسى پارتيا ياچەيكاسىنىڭ شۋجيى يە شينيۇي بىلاي دەپ تانىستىردى: مەملەكەتتىك اۋىل - قىستاق كوللەكتيۆ مال - مۇلىك ۇقىعى ٴتۇزىمى رەفورماسىنىڭ سىناق ٴتۇيىنى اۋدان - قالاسى بولعان سانجى قالاسى قازىر كوللەكتيۆ شارۋاشىلىق ۇيىمى مۇشەلەرىنىڭ سالاۋاتىن تۇراقتاندىرۋ قىزمەتىن جاپپاي ورىنداپ، جيىنى 112 مىڭ مۇشەنى تۇراقتاندىردى. 4 - ايدىڭ 30 - كۇنى سانجى قالاسىنىڭ 82 قىستاعى كوللەكتيۆ شارۋاشىلىقتى جارناعا سىندىرىپ ناقتىلاندىرۋدى جاپپاي ورىنداپ، جارنا شارۋاشىلىق كووپەراتيۆىن قۇردى. بيىل سانجى قالاسى اۋىل شارۋاشىلىعى، اۋىل ـ قىستاق مينيسترلىگى جاعىنان مەملەكەتتىك اۋىل ـ قىستاق كوللەكتيۆ مال ـ مۇلىك ۇقىعى ٴتۇزىمى رەفورماسىنان ۇلگى كورسەتەتىن 60 اۋدان - قالا ەتىپ بەلگىلەندى.

  يە شينيۇي بىلاي دەدى: سانجى قالاسى ”ٴبىر قىستاقتا ٴبىر ٴونىم بولۋ، ٴبىر قىستاقتا ٴبىر كاسىپ سالاسى بولۋ“ سىندى دامۋ وي جەلىسىنە تاباندى بولىپ، قىستاق كوللەكتيۆ شارۋاشىلىعىن دامىتۋدىڭ جاڭا ۇلگىسى جونىندە ىزدەنىس جاساپ، ”قان جاساۋ“ رولىن كۇشەيتتى. قالا ورتاسىنداعى قىستاق، شاعىپ كوشىرىلەتىن قىستاق سياقتى كوللەكتيۆ مۇلكى ٴبىر ميلليون يۋاننان اسقان ەكونوميكاسى مىعىم قىستاقتارعا باعىتتاي وتىرىپ، قارجى قوسۋ ۇلگىسى جونىندە بەلسەنە ىزدەنىس جاسادى؛ ەرەكشە اۋىل شارۋاشىلىعىن دامىتۋ نەگىزى جاقسى قىستاقتارعا ”كوللەكتيۆ + ەلەكتروندى ساۋدا“ ۇلگىسى جونىندە ىزدەنىس جاسادى؛ ساياحات بايلىعى مول قىستاقتارعا ”كوللەكتيۆ + ساياحات“ ۇلگىسىن قاراستىردى؛ كونە قىستاقتى جاڭالاۋدا، قۋىس قىستاقتارعا ”كوللەكتيۆ + زەينەتكەرلىك“ ۇلگىسى جونىندە ىزدەنىس جاسادى؛ قالا ماڭىنىڭ تۇيىلىسكەن جەرلەرىندە، ورتالىق قالاشىق، قىستاقتارىندا ”كوللەكتيۆ + قوجالىق“ ۇلگىسى جونىندە ىزدەنىس جاساپ، ىركىندى مال - مۇلىكتىڭ پايدالانىلۋ مولشەرىن جوعارىلاتىپ، قىستاق كوللەكتيۆ قورىنىڭ تيجارات كىرىسىن ارتتىردى.

جاۋاپتى رەداكتور: ءاننا اكىمقان قىزى