رايونىمىز اۋىل شارۋاشىلىعىنا ساياتىن 23 ميلليارد 400 ميلليون يۋاننان استام بىرىككەن قارجى ءتۇسىرىپ، كەدەيلىكتەن ارىلۋدان قامال الۋعا دەم بەردى

  شينجياڭ گازەتنىڭ جالپىلىق اقپارات قۇرالدارى ءتىلشىسى ميھرگۇل ناسىر 10 - ايدىڭ 27 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق قازىنا مەڭگەرمەسىنەن ۇعىسۋىنا قاراعاندا: 10 - ايدىڭ 25 - كۇنىنە دەيىن رايونىمىز سىناق ءتۇيىنى بولعان 32 كەدەي اۋدانعا (كەدەيلىك قالپاعى الىنعان 22 اۋداندى قامتيدى) اۋىل شارۋاشىلىعىنا ساياتىن 23 ميلليارد 424 ميلليون يۋان بىرىككەن قارجى ءتۇسىرىپ، كەدەيلىكتەن ارىلۋدان قامال الۋعا دەم بەرگەن. مۇنىڭ ىشىندە ورتالىقتىڭ قارجىسى 18 ميلليارد 283 ميلليون يۋان (كەدەيلەردى سۇيەمەلدەۋ ارناۋلى قارجىسى 11 ميلليارد 716 ميلليون يۋان، وزگە قارجى 6 ميلليارد 567 ميلليون يۋان)، اۆتونوميالى رايوننىڭ قارجىسى 5 ميلليارد 141 ميلليون يۋان ( كەدەيلەردى سۇيەمەلدەۋ ارناۋلى قارجىسى 2 ميلليارد 768 ميلليون يۋان، وزگە قارجى 2 ميلليارد 373 ميلليون يۋان) بولعان.

  ۇعىسۋعا قاراعاندا، كەدەي اۋدانداردىڭ اۋىل شارۋاشىلىعىنا ساياتىن قارجىنى بىرىكتىرۋ سىناق ءتۇيىنى ساياساتى − ورتالىقتىڭ جانە اۆتونوميالى رايوننىڭ قازىنالىق ورنالاستىرۋىن اۋىل شارۋاشىلىعى ءوندىرىسىن دامىتۋعا جانە اۋىل - قىستاق نەگىزدىك قۇرىلعى قۇرىلىسى سياقتى جاقتارعا ىستەتىلەتىن قارجىنى ءبىر تۇتاس جوسپارلاپ بىرىكتىرۋ كولەمىنە ەنگىزىپ، اۆتونوميالى رايون ”بولەككە ءبولىپ ءتۇسىرۋ“ ساياساتتىق بەلگىلەمە بويىنشا كەدەي اۋداندارعا ءتۇسىرىپ، كەدەي اۋداندار ءبىر تۇتاس جوسپارلاپ بىرىكتىرىپ پايدالانادى ەكەن. بەلگىلەمە بويىنشا، جالپى 31 ءتۇرلى قارجى بىرىكتىرۋ كولەمىنە ەنگىزىلگەن، مۇنىڭ ىشىندە ورتالىقتان 17 ءتۇر، اۆتونوميالى رايوننان 14 ءتۇر بار. مەملەكەتتىڭ بەلگىلەمەسى بويىنشا، شينجياڭنان 32 اۋدان سىناق ءتۇيىنى كولەمىنە ەنگىزىلگەن.

  اۆتونوميالى رايوندىق قازىنا مەڭگەرمەسىىنىڭ قاتىستى جاۋاپتىسى بىلاي دەپ تانىستىردى: كەدەي اۋدانداردىڭ اۋىل شارۋاشىلىعىنا ساياتىن قارجىنى بىرىكتىرۋ سىناق ءتۇيىنى ساياساتىن تياناقتاندىرۋ − كەدەيلىكتەن ارىلتۋدان قامال الۋعا قولداۋ كورسەتۋدىڭ ماڭىزدى شاراسى. ارتۋ مولشەرىنە شىنايى كەپىلدىك ەتۋ، ”بولەككە ءبولىپ ءتۇسىرۋ“ تالابى بويىنشا، سىناق ءتۇيىنى ەتىلىگەن كەدەي اۋداندارعا ورتالىقتىڭ جانە اۆتونوميالى رايون قازىناسىنىڭ بىرىكتىرىپ پايدالانۋ كولەمىندەگى اۋىل شارۋاشىلىعىنا ساياتىن قارجىسىن تۇسىرۋدە كەدەي اۋداندارعا نىسان قارجىسىنىڭ دەربەس ۇقىعى بەرىلدى، ءبىر تۇتاس جوسپارلاپ بىرىكتىرۋ تەبىنى كۇشەيتىلىپ، كەدەي اۋدانداردىڭ كەدەيلىكتەن ارىلتۋدان قامال الۋ شايقاسىن ويداعىداي جۇرگىزۋىن تۇزىمدىك قامتاماسىزدىقپەن جانە قازىنالىق قولداۋمەن قامدادى.

جاۋاپتى رەداكتور: ءاننا اكىمقان قىزى