جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، كەزەكتەگى ءتۇرلى قىزمەتتەردى تيتتەي دە بوساڭسىتپاي جاقسى يگەرۋ كەرەك

اۆتونوميالى رايوننىڭ باسشىلارى كادرلارعا، جۇمىسشى - قىزمەتكەرلەرگە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە ۇگىت - لەكسيا جاسادى

جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، كەزەكتەگى ءتۇرلى قىزمەتتەردى تيتتەي دە بوساڭسىتپاي جاقسى يگەرۋ كەرەك

  شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ يانفاڭ، جاۋ جىيۇن 10 - ايدىڭ 25 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي يفي، اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ياڭ شين جەكە - جەكە رايونىمىزداعى ءار ۇلت كادرلارىنا، جۇمىسشى - قىزمەتكەرلەرگە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە ۇگىت - لەكسيا جاسادى.

  10 - ايدىڭ 20 - كۇنى لي يفي اۆتونوميالى رايونداعى ولكە، مينيسترلىك دارەجەلى دەمالىسقا، پەنسياعا شىققان كادرلارعا، اۆتونوميالى رايوندىق پارتكوم ۇيىمداستىرۋ بولىمىندەگى، شتات كەڭسەسىندەگى، قارت كادرلار مەكەمەسىندەگى، پارتكوم پارتيا مەكتەبىندەگى (اكىمشىلىك شۋەيۋانى)، سونداي - اق اۆتونوميالى رايوننىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت باسشىلىق گرۋپپاسى كەڭسەسىندەگى پارتيالى كادرلارعا ۇگىت - لەكسيا جاسادى. لي يفي مىنالاردى باسا دارىپتەدى: جاڭا داۋىردەگى پارتيا قۇرىلىسىنىڭ جالپى تالابىن باتىل دايەكتىلەندىرىپ، تياناقتاندىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، قۋاتتى كادرلار قوسىنىن قۇرىپ، بەرىك نەگىزگى ساتى ۇيىمدىق جۇيەسىن ورناتىپ، جارامدى بۇقارالىق قىزمەت مەحانيزمىن قالىپتاستىرۋ كەرەك. مۇرات - سەنىم تاربيەسىن كۇشەيتىپ، ساياسي جاقتان توسەلۋ مەن ساياسي ساپانى پارىقتاۋدى كۇشەيتىپ، تاربيەلەۋ - باۋلۋ سەرپىنىن ارتتىرىپ، پارتياعا ادال، ءمورالدى دا قابىلەتتى جوعارى ساپالى از ۇلت كادرلار قوسىنىن قۇرۋدى ماڭىزدى مىندەت رەتىندە تىنباي ۇدايى يگەرۋ؛ ۇلت رۋحىن جانە ءداۋىر رۋحىن اسقاقتاتىپ، توراڭعى رۋحىن جانە بيڭتۋان رۋحىن امالياتتا ايگىلەپ، ءار دارەجەلى كادرلاردى جاڭا داۋىردە شەكارا وڭىرگە تامىر تارتۋعا، شەكارا وڭىرگە ۇلەس قوسۋعا جىگەرلەندىرۋ كەرەك.

  لي يفي بىلاي دەپ باسا دارىپتەدى: وسكەلەڭ ساياسي سانالىلىقپەن، يدەيالىق سانالىلىقپەن، ارەكەت سانالىلىعىمەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋدى، دايەكتىلەندىرۋدى جاقسى يگەرۋ كەرەك. ءماجىلىستىڭ رۋحاني ءمانىن ىشكەرىلەي ۇيرەنىپ، ءتۇسىنىپ، ۇدايىلانعان ۇيرەنۋ مەحانيزمىنەن جاقسى پايدالانىپ، پارتيالى كادرلاردى مەرزىمگە، توپقا ءبولىپ جۇيەلى تاربيەلەپ، پارتيالى كادرلاردى ۇيرەنۋمەن تولىق قامتۋعا شىنايى كەپىلدىك ەتۋ؛ ءار دارەجەلى پارتيا ۇيىمدارى كوپ ءتۇرلى فورما قولدانىپ، ءماجىلىس رۋحىن كەڭىنەن ۇگىتتەپ، كوكەيگە ۇيالاتۋ؛ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، كەزەكتەگى ءتۇرلى قىزمەتتەردى تيتتەي دە بوساڭسىتپاي جاقسى يگەرىپ، ءتۇيىندى مىندەتتەردى تارماق، ءتۇر بويىنشا اشالاپ، جىكتەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ تامىر تارتۋىنا شىنايى كەپىلدىك ەتۋ كەرەك.

  10 - ايدىڭ 24 - كۇنى تۇستەن بۇرىن ياڭ شين ءتارتىپ تەكسەرۋ، باقىلاۋ - تەكسەرۋ جۇيەسىندە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى تۋرالى ۇگىت - لەكسيا جاساپ، مىنانى باسا دارىپتەدى: بۇكىل رايونداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولۋ كەرەك. ءبىر جاعىنان، بولشەكتەۋشىلىككە قارسى تۇرۋ كۇرەسىن يگەرۋگە، ەندى ءبىر جاعىنان، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىن يگەرۋگە تاباندى بولىپ، بولشەكتەۋشىلىككە قارسى كۇرەس ءتارتىبىنىڭ ماڭىزدى كەزەڭدىك جەتىستىگى مەن شىرىكتەسۋگە قارسى كۇرەستىڭ ۇستەم جەڭىسىن ۇزدىكسىز بەكەمدەپ، قورعاپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.

  ياڭ شين مىنالاردى تالاپ ەتتى: بۇكىل رايونداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى جانە بۇدان كەيىنگى ءبىر مەزگىلدەگى ماڭىزدى ساياسي مىندەت ەتىپ، ۇيرەنۋدى، زەرتتەۋدى، تالقىلاۋدى تىڭعىلىقتى ورىستەتىپ، كەڭىنەن ۇگىتتەپ، ۇگىت - لەكسيا جاساپ، ىشكەرىلەي تەكسەرىپ - زەرتتەپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىنا تۇساۋ بولىپ وتىرعان كورنەكتى ماسەلەلەردى ءونىمدى تۇردە شەشۋ كەرەك. ساياسي باقىلاۋدى كۇشەيتىپ، ءماجىلىس رۋحىنىڭ دايەكتىلەنۋ، تياناقتانۋ جاعدايىن ارقاۋ ەتە وتىرىپ، قاداعالاي باقىلاپ، دالمە - ءدال باقىلاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ تامىر تارتۋىنا شىنايى كەپىلدىك ەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قاجىماي - تالماي كۇرەس جۇرگىزۋ كەرەك.

جاۋاپتى رەداكتور: ءاننا اكىمقان قىزى