قىزىر تاس بۇتحاناسى تەگىن اشىلدى

ٴار كۇنى الدىن الا كەلىسىپ ەكسكۋرسيالايتىن ادام سانىن 1000 ادامعا شەكتەدى

قىزىر تاس بۇتحاناسى شينجياڭنىڭ باي اۋدانىنا ورنالاسقان، قازىر ول ارادا 349 ۇڭگىر ساقتالىپ، قابىرعا سۋرەتتەردىڭ اۋدانى 10 مىڭ شارشى مەترگە تايايدى.

  تيانشان تورى حابارى (ءتىلشى جاۋ مەي). 10 - ايدىڭ 11 - كۇنى، ٴتىلشىنىڭ اۆتونوميالى رايوندىق قىزىر تاس بۇتحاناسىن زەرتتەۋ بولىمشەسىنەن ۇعىسۋىنشا، 2020ـ جىلى 10 ـ ايدىڭ 12 ـ كۇنىنەن 2021 ـ جىلى 4 ـ ايدىڭ 30 ـ كۇنىنە دەيىن، قىزىر تاس بۇتحاناسى ساياحاتشىلارعا تەگىن اشىلعان. بۇل مەزگىلدە، تاس بۇتحانا الدىن الا كەلىسىپ ەكسكۋرسيالاۋ ٴتۇزىمىن جولعا قويىپ، ٴار كۇنى قابىلدايتىن ادام مولشەرىن 1000 ادام اينالاسىندا تەجەپ، ءار رەت ۇڭگىرگە كىرىپ ەكسكۋرسيالايتىن ساياحاتشى سانى 5 - 6 ادام بولادى ەكەن.

  اۆتونوميالى رايوننىڭ قىزىر تاس بۇتحاناسىن زەرتتەۋ بولىمشەسى جاريالاعان «قىزىر تاس بۇتحاناسىنىڭ قىس ماۋسىمىندا ەسىك اشۋ ۋاقىتى جانە اپتا سايىن ءبىر رەت مۇراجايدى جاۋىپ، قورعاۋ جونىندەگى حابارلاندىرۋىنا» نەگىزدەلگەندە، شينجياڭ ۇيعۇر اۆتونوميالى رايونىنىڭ قىس ماۋسىمىنداعى قىزمەت جانە دەمالىس ۋاقىتىنا ساي، 2020 ـ جىلى 10 ـ ايدىڭ 12 ـ كۇنىنەن 2021 ـ جىلى 4 ـ ايدىڭ 30 ـ كۇنىنە دەيىن قىزىر بۇتحاناسىنىڭ ەسىك اشۋ ۋاقىتى: 10:00— 18:00گە تەڭشەلگەن. بۇتحانا مادەني مۇرالارىنىڭ حاۋىپسىزدىگىنە كەپىلدىك ەتۋ ٴۇشىن، 2020 - جىلى 10 - ايدىڭ 12 - كۇنىنەن (دۇيسەنبى) باستاپ، قىزىر تاس بۇتحاناسى اپتاسىنا ءبىر كۇن مۇراجايدى جابۋ، قورعاۋ ٴتۇزىمىن جولعا قويدى، مۇراجاي جابىلعان كۇنى سىرتقا ەسىك اشىلمايدى (مەملەكەتتىڭ زاڭدا بەلگىلەنگەن مەرەكە - مەيرام كۇندەرىنەن سىرت).

  قىزىر تاس بۇتحاناسى شينجياڭنىڭ باي اۋدانىنا ورنالاسقان. بۇتحانانىڭ ىشىندە 349 ۇڭگىر ساقتالىپ، قابىرعا سۋرەتتەردىڭ اۋدانى 10 مىڭ شارشى مەترگە تايايدى، كۇسان تاس بۇتحاناسىنىڭ تيپتىك ۋاكىلى. اتالعان تاس بۇتحانا شامامەن جاڭا ەرانىڭ 3 - عاسىرىندا سالىنعان بولىپ، ەلىمىزدەگى ەڭ ەرتە قازىلعان ءىرى تاس بۇتحانالار شوعىرىنا جاتادى. ول گانسۋدىڭ دۇنحۋاڭ موگاۋ بۇتحاناسى، شانشيدىڭ داتۇڭ يۇنگاڭ تاس بۇتحاناسى، حىناننىڭ لوياڭداعى لۇڭمىن تاس بۇتحاناسىمەن بىرگە ەلىمىزدەگى ٴتورت ۇلكەن تاس بۇتحانانىڭ ءبىرى اتانعان. بۇل تاس بۇتحانا 1961 - جىلى مەملەكەتتىك ٴتۇيىندى مادەني مۇرا رەتىندە قورعالاتىن ورىن بولىپ جاريالانىپ، 2014 - جىلى دۇنيە جۇزىلىك مادەني مۇرا تىزىمدىگىنە ەنگىزىلدى. ( سۋرەتتى شينجياڭ كۇسان زەرتتەۋ ورنى بەرگەن)

جاۋاپتى رەداكتور: ءاننا اكىمقان قىزى