التاي قالاسى ۇنەمشىلدىكتى دارىپتەپ ىسىراپشىلدىققا قاتاڭ تيىم سالدى

  ءوز ءتىلشىمىز قۇرمانگۇل جەڭىسبەك قىزى حابارلايدى. ايماق بويىنشا حاۋىپسىز، الاڭسىز ازىق-تۇلىك تۇتىنۋ ورتاسىن ازىرلەپ، قالىڭ تۇتىنۋشىلاردى تۇتىنۋ بارىسىندا ٴتىپتى دە الاڭسىز ەتىپ، باقىت سەزىمى مەن تابىس سەزىمىن كۇشەيتۋ ءۇشىن، 10-ايدىڭ15-كۇنى التاي قالالىق بازار باقىلاۋ-باسقارۋ مەكەمەسى «الاڭسىز ازىق-تۇلىك ەرەن بازارى»، «الاڭسىز اسحانا» قۇرۋ جونىندەگى ۋادەسىن ورىنداۋدى باستاۋ سالتىن وتكىزدى.

  30نەشە ازىق-تۇلىك، اس-سۋ كاسىپورىندارىنىڭ ۋاكىلدەرى « التاي قالاسىنىڭ الاڭسىز ازىق-تۇلىك جونىندەگى ۋادە حاتى » مەن « التاي قالاسىنىڭ الاڭسىز اسحانا اشۋ جونىندەگى ءوز ۋادە حاتىن» شوعىرلى وقىدى ءارى قول قويدى. ٴارقايسى كاسىپورىن ۋاكىلدەرى ازىق-تۇلىك حاۋىپسىزدىگىنىڭ نەگىزگى تۇلعالىق جاۋاپكەرشىلىگىن قاتاڭ اتقارىپ، ازىق-تۇلىك حاۋىپسىزدىگى جونىندەگى ٴتۇرلى زاڭ-ەرەجەلەرگە قاتاڭ بويسۇنىپ، ۋاقىتى ٴوتىپ ساپاسى وزگەرگەن، ازىق-تۇلىك حاۋىپسىزدىگى ولشەمىنە ۇيلەسپەيتىن ازىق-تۇلىكتەردى جانە زاڭسىز اۋلانعان بالىقتاردى ساتپاي، پايدالانباي، ازىق-تۇلىك حاۋىپسىزدىگىنە شىنايى كەپىلدىك ەتىپ، تۇتىنۋ ارىزىن ۇيلەسىمدى ٴبىر جايلى ەتىپ، قوعامنىڭ باقىلاۋىن قابىلداپ، « ۇنەمشىلدىكتى دارىپتەپ، اس-سۋ ىسىراپشىلدىعىنا تيىم سالۋ ارەكەتىنىڭ »تالابى بويىنشا ىسىراپشىلدىققا باتىل تيىم سالۋ جونىندە سەرت بەردى.

  باس شۋجي شي جينپيڭ بىلاي دەپ اتاپ كورسەتتى: ىسىراپشىلدىق جايىتى جان تۇرشىكتىرەدى، اشىندىرادى. «ءار ءبىر ءتۇيىر ءدان قاجىرلى ەڭبەكتەن كەلەدى» ٴبىز بەلسەنە اتتانىسقا كەلىپ، وزىمىزدەن باستاپ كىرىسىپ، ۇيلەسىمسىز تۇتىنۋ قاجەتىن تەجەپ، ىسىراپشىلدىقتى تيۋىمىز كەرەك، ـ دەدى التاي قالاسى جيندۋ قوناق ٴۇيى كەڭسەسىنىڭ جاۋاپتىسى حۋ جيانيىڭ.

  قيمىل «ازىق-تۇلىك حاۋىپسىزدىگى اپتالىعى» قيمىلىمەن ۇشتاستىرىلىپ، « جۇڭحۋا حالىق رەسپۋبليكاسىنىڭ ازىق-تۇلىك حاۋىپسىزدىگى زاڭى»، «ىسىراپشىلدىقتى شەكتەۋ تۋراسىنداعى ۇسىنىس حاتى»، « چاڭجياڭ الابىنداعى زاڭسىز بالىق اۋلاۋدان تۇسىرگەن ولجانى بازارادا زاڭسىز ساتۋعا قاتاڭ سوققى بەرۋدى اكىمشىلىك ۇقتىرۋ حاتى » قاتارلى ۇگىت ماتەريالدارىن تاراتتى جانە ۋاكىلدەردى ازىق-تۇلىك حاۋىپسىزدىگى پراكتيكا بازاسىن ەكسكۋرتسيالاۋعا ۇسىنىس ەتتى، ەكسكۋرسيالاۋ، اۋىس-كۇيىس جاساۋ، ۇيرەنۋ، ۇلگى الۋ ارقىلى كاسىپورىنداردىڭ ىشكى باسقارۋىن، جۇمىسشى- قىزمەتكەرلەردى تاربيەلەۋدى كۇشەيتىپ، باسقارۋ ورەسىن جوعارىلاتۋدى ىلگەرىلەتتى.

  ٴبىز باس شۋجي شي جينپيڭنىڭ ماڭىزدى نۇسقاۋىن ۇزدىكسىز مۇقيات دايەكتىلەندىرىپ، تياناقتاندىرىپ، پارتيالى كادرلاردىڭ باستاماشىلدىق، ونەگەلىك رولىن ساۋلەلەندىرىپ، ۇتىمدى شارالار قولدانىپ، ٴار سالا، ٴار كاسىپتە استى ۇنەمدەۋ ٴتۇزىمىن ورناتىپ جانە كەمەلدەندىرىپ، ٴارى جەلىدەگى ۇگىت تەبىنىن ارتتىرىپ، قالىڭ قالا تۇرعىندارىن وزىنەن باستاپ، ۇنەمشىلدىكپەن، مادەنيەتتى تاماقتانىپ، بۇكىل قالا كولەمىندە ۇنەمشىلدىكتى دارىپتەپ، ىسىراپشىلدىقتى تەجەيتىن تاماشا قوعامدىق راي قالىپتاستىرامىز،ـ دەدى التاي قالالىق بازار باقىلاۋ ـ باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ياڭ شيانشۇن.

  اۋدارعان : مەيرامگۇل مۇسىنات قىزى

جاۋاپتى رەداكتور: ءاننا اكىمقان قىزى