ايماقتىق ورتا حالىق سوت مەكەمەسى ءبىر پۋنكت فورماسىنداعى كوپ نەگىزدى داۋ - شاردى شەشۋ جانە ارىز - شاعىمعا قىزمەت وتەۋ جۇيە قۇرىلىسى احۋالىنان اقپار جاريالاۋ ٴماجىلىسىن اشتى

جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنايىق

  ءوز ءتىلشىمىز قۇرمانگۇل جەڭىسبەك قىزى حابارلايدى. 10-ايدىڭ 15-كۇنى ايماقتىق ورتا حالىق سوت مەكەمەسى اقپار جاريالاۋ ٴماجىلىسىن اشىپ، اۋداندىق (قالالىق) سوت مەكەمەلەرىنىڭ ءبىر پۋنكت فورماسىنداعى كوپ نەگىزدى داۋ-شاردى شەشۋ مەحانيزمى مەن ارىز - شاعىمعا قىزمەت وتەۋ جۇيەسى قۇرىلىسىنىڭ جاعدايىن حابارلاندىردى ٴارى قاتىستى جاعدايلاردى ارقاۋ ەتىپ تىلشىلەردىڭ سۇراۋىنا جاۋاپ بەردى.

  3-رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ ٴۇشىن، ايماقتىق ەكى دارەجەلى سوت مەكەمەسى قالا ءوڭىرىن قوعامدىق جونگە سالۋ ىستەرىنە بەلسەنە اتسالىسىپ، زەردەلى سوت مەكەمەسى قۇرىلىسىن جەدەلدەتىپ، سوت جۇرگىزۋ جۇيەسى مەن سوت جۇرگىزۋ قابىلەتىن وسىزامانداندىرۋدى ۇزدىكسىز جوعارىلاتىپ، حالىق بۇقاراسىنىڭ ٴادىليا قىزمەتى جونىندەگى تىلەگى مەن كوڭىل ٴبولىپ وتىرعان قاتىستى ماسەلەلەرىنە بەلسەنە جاۋاپ قايتارىپ، ٴار ۇلت بۇقاراسىنىڭ باقىت سەزىمىن، تابىس سەزىمىن ۇزدىكسىز كۇشەيتتى. وسى رەتكى اقپار جاريالاۋ ٴماجىلىسى ايماقتىق پارتكومنىڭ وزەكتى قىزمەتىن ارقاۋ ەتىپ، ٴادىليالىق قىزمەت وتەۋ ۇستانىمىنا بۇرىلىس جاساپ، ٴادىليانىڭ فۋنكتسيالىق رولىن تولىق ساۋلەلەندىرىپ، ارىز-شاعىم قىزمەت وتەۋ ورتالىعىنا سۇيەنىپ، الەۋمەتكە زاڭدىق قىزمەت وتەۋ بايلىعىن شوعىرلاندىرۋ ابزالدىلىعىن ساۋلەلەندىرىپ، ٴادىليالىق جاراستىرۋدى الەۋمەتتىك كۋالاندىرۋ، تورەلىك ايتۋ، حالىقتىق جاراستىرۋ سياقتى كوپ ٴتۇرلى جاراستىرۋ تاسىلدەرىمەن ورگانيكالى ۇشتاستىرىپ، بۇقارانى ارىز-شاعىمنان بۇرىن جاراستىرۋ، ارىز-شاعىم مەن جاراستىرۋدى ۇشتاستىرۋ، تەز تورەلىك ايتۋ، تەز قاراۋ سىندى ءبىر پۋنكت فورماسىنداعى ارىز-شاعىم قىزمەت وتەۋىمەن قامداپ، وسىزاماندانعان ارىز-شاعىمعا قىزمەت وتەۋ جۇيەسى قۇرىلىسىن ۇزدىكسىز كەمەلدەندىردى.

  ٴتىلشىنىڭ ۇعىسۋىنشا، باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرۋ، تياناقتاندىرۋ ٴۇشىن، اۆتونوميالى رايوندىق جوعارى حالىق سوتى مەكەمەسى «شينجياڭ ۇيعۇر اۆتونوميالى رايوندىق حالىق سوتى مەكەمەسىنىڭ توراپتا دەلو تۇرعىزۋ قىزمەت ولشەمىن (سىناق رەتىندە اتقارىلادى)»، «شينجياڭ ۇيعۇر اۆتونوميالى رايوندىق حالىق سوتى مەكەمەسىنىڭ ٴوڭىر اتتاپ دەلو تۇرعىزۋ قىزمەت ولشەمىن(سىناق رەتىندە اتقارىلادى)» بەلگىلەپ جاريالاپ، ٴار دارەجەلى سوت مەكەمەلەرىنەن ساياسي دەڭگەيدى جوعارىلاتىپ، قىزمەت ولشەمىنىڭ تالابى بويىنشا، توراپتا دەلو تۇرعىزۋ، ٴوڭىر اتتاپ دەلو تۇرعىزۋ ارىز-شاعىمعا قىزمەت وتەۋ قىزمەتىن بۇلجىتپاي ويداعىداي ىستەۋدى تالاپ ەتتى. ايماقتىق ەكى دارەجەلى سوت مەكەمەسى ارىز - شاعىم قىزمەت وتەۋ ورتالىعىندا ارناۋلى كاسىپ ءبىتىرۋ تەرەزەسىن قۇرىپ، توراپتا دەلو تۇرعىزۋ، وڭىر اتتاپ دەلو تۇرعىزۋ قىزمەتىنە ارناۋلى ادام ورنالاستىرىپ، توراپتا ارىز-شاعىم بەرۋدى ىلگەرىلەتىپ، كاسىپكە جەتتىك بولۋدى جۇزەگە اسىرىپ، بۇقارانىڭ ارمان-تىلەگىن قاناعاتتاندىرىپ، بۇقارانىڭ رازى بولۋىنا كەپىلدىك ەتەدى.

  كەلەسى قادامدا، ايماقتىق ەكى دارەجەلى سوت مەكەمەسى توراپتا دەلو تۇرعىزۋ جانە ٴوڭىر اتتاپ دەلو تۇرعىزۋ ارىز-شاعىمعا قىزمەت وتەۋ رەفورماسىن اناعۇرلىم جەدەل ىلگەرىلەتىپ، دەلو تۇرعىزىپ، تىزىمگە الۋ ٴتۇزىمى رەفورماسىنىڭ جەتىستىكتەرىن ۇزدىكسىز بەكەمدەپ، «ينفورماتسيادان يكەمدى پايدالانىپ، بۇقارانىڭ از جۇرۋىنە» مۇمكىندىك جاساپ، حالىق بۇقاراسىنا ٴبىر ورىندا قىزمەت وتەۋدىڭ ونىمدىلىگىن شىنايى سەزىندىرىپ، اناعۇرلىم تىنىش، كورىكتى، قۇت ۇيىعان جاڭا التاي قۇرۋدى ٴادىليالىق جاقتان قامتاماسىز ەتۋگە قۇلشىنادى.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى