اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن اشتى

اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن اشتى

”ءۇرىمجى قالاسىنىڭ تۇرمىستىق قوقىر - قوقسىقتارىن تۇرگە ايىرۋ قىزمەتىن ءتارتىپتى ىلگەرىلەتۋدى“ توڭىرەكتەي وتىرىپ ۇكىمەت ىستەرىنە كەڭەس بەردى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 10 - ايدىڭ 15 - كۇنى ۇرىمجىدەن حابارلايدى. 10 - ايدىڭ 15 - كۇنى اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن اشىپ، ”ءۇرىمجى قالاسىنىڭ تۇرمىستىق قوقىر - قوقسىقتارىن تۇرگە ايىرۋ قىزمەتىن ءتارتىپتى ىلگەرىلەتۋدى“ توڭىرەكتەي وتىرىپ ۇكىمەت ىستەرىنە كەڭەس بەردى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.

  ماجىلىستە ماجىلىسكە قاتىناسقان 9 ۋاكىل قالانىڭ تۇرمىستىق قوقىر - قوقسىقتارىن تۇرگە ايىرۋ ۇگىت - تاربيەسىن كۇشەيتۋ، قوقىر - قوقسىقتاردى تۇرگە ايىرۋ جۇيەسىن قۇرۋ، قوقىر - قوقسىقتاردى تۇرگە ايىرۋدىڭ جەرگىلىكتى زاڭ ەرەجەسىن جاساۋ، قوقىر - قوقسىقتاردى تۇرگە ايىرىپ، ءبىر جاقتى ەتۋدىڭ كاسىپ سالاسى تىزبەگىن كەمەلدەندىرۋ، پارتيا، ۇكىمەت ورگاندارىندا، كاسىپ ورىنداردا، ءىسورىنداردا جانە مەكتەپ اۋلالارىندا قوقىر - قوقسىقتاردى تۇرگە ايىرۋدى ىلگەرىلەتۋ سياقتى جاقتاردا سىندارلى اقىل - كەڭەس بەردى. كوپشىلىك بىلاي دەپ قارادى: جۋىق جىلداردان بەرى اۆتونوميالى رايوندىق پارتكوم مەن ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، قالانىڭ تۇرمىستىق قوقىر - قوقسىقتارىن تۇرگە ايىرۋ قىزمەتىن ءتارتىپتى ىلگەرىلەتتى. تۇرمىستىق قوقىر - قوقسىقتاردى تۇرگە ايىرۋدىڭ بىرىككەن ءماجىلىس ءتۇزىمىن ورناتىپ، قوقىر - قوقسىقتاردى تۇرگە ايىرۋدىڭ قۇرىلعى قۇرىلىستارى، عىلمي باسقارۋ، ادەت - داعدىلاردى جەتىلدىرۋ، سايكەستى زاڭ شىعارۋ سياقتى قىزمەتتەردى تىڭعىلىقتى ىلگەرىلەتىپ، قوقىر - قوقسىقتاردى تۇرگە ايىرۋ قىزمەتىنىڭ ءوز ۋاعىندا جاپپاي ورىستەتىلۋىنە شىنايى كەپىلدىك ەتىپ، العاشقى ادىمدا ونىمدىلىككە قول جەتكىزدى. ءىشىنارا مۇشەلەر بىلاي دەپ كەڭەس بەردى: قوقىر - قوقسىقتاردى تۇرگە ايىرۋدىڭ ۇگىت تەبىنىن ارتتىرىپ، تۇتاس قوعامنىڭ قوقىر - قوقسىقتاردى تۇرگە ايىرۋ قىزمەتىنەن حابارلى بولۋ مولشەرى مەن قاتىناسۋ مولشەرىن جوعارىلاتۋعا قۇلشىنۋ؛ تۇرمىستىق قوقىر - قوقسىقتاردى تۇرگە ايىرىپ جيناپ، ءبىر جاقتى ەتەتىن كاسىپورىندارعا تولىقتاما قاراجات بەرۋ؛ قالانىڭ تۇرمىستىق قوقىر - قوقسىقتارىن تۇرگە ايىرۋدىڭ ارناۋلى زاڭ شىعارۋ قىزمەتىن جەدەلدەتىپ، كوپ ارنالارمەن قوعامنىڭ باقىلاۋىن كەڭەيتۋ؛ قوقىر - قوقىسقتاردى جيناۋ، تاسىمالداۋدى باسقارۋ ءتارتىبىن بەلگىلەپ جانە كەمەلدەندىرىپ، تۇرمىستىق قوقىر - قوقسىقتاردى تۇرگە ايىرۋدىڭ ولشەم جۇيەسىن ورناتۋ.

  نۇرلان ءابىلماجىن بىلاي دەپ اتاپ كورسەتتى: شي جينپيڭنىڭ ەكولوگيالىق وركەنيەت يدەياسىن سانالىلىقپەن امالياتتا ايگىلەپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، قوقىر - قوقسىقتاردى تۇرگە ايىرۋ قىزمەتىن ويداعىداي ىستەۋدىڭ كوكەي تەستىلىگىن، جاۋاپكەرشىلىگىن شىنايى كۇشەيتىپ، ەكولوگيالىق وركەنيەت نەگىزىن بىرگە بەكەمدەپ، جاسىل دامۋ جولىمەن بىرگە ءجۇرىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك. تۇرمىستىق قوقىر - قوقسىقتاردى تۇرگە ايىرۋدى قالانى ەگجەي - تەگجەيلى باسقارۋدىڭ ماڭىزدى تۇتقاسى ەتىپ، مولشەرىن ازايتۋدى، بايلىققا اينالدىرۋدى، زالالسىزداندىرۋدى نىسانا ەتىپ، تۇرگە ايىرىپ تاستاۋ، تۇرگە ايىرىپ جيناۋ، تۇرگە ايىرىپ تاسىمالداۋ، تۇرگە ايىرىپ ءبىر جاقتى ەتۋ، بايلىققا اينالدىرىپ پايدالانۋ سىندى بەس بۋىندى تىعىز بىرلەستىرىپ، نازاردى قالاداعى الەۋمەتتىك اۋماق، شاعىن اۋماق سىندى ”نەگىزگى شايقاس مايدانىنا“ شوعىرلاندىرىپ، قوقىر - قوقسىقتاردى تۇرگە ايىرۋدىڭ نەگىزدىك قۇرىلعى قۇرىلىستارى سىندى ولقىلىقتاردى، ءالسىز تۇستاردى جەدەل تولىقتاپ، ”جالپى فاكتورلى، جاپپاي قامتىمدى، جالپى تىزبەكتى“ قوقىر - قوقسىقتاردى تۇرگە ايىرۋدىڭ وڭاۋ جۇيەسىن قۇرۋ كەرەك. قوقىر - قوقسىقتاردى تۇرگە ايىرۋدىڭ ءتۇرلى زاڭ ەرەجەلەرىن، بەلگىلەمەلەرىن ورناتىپ، اقاۋسىزداندىرىپ، ءتۇرلى ءتۇزىم - بەلگىلەمەلەردى سايكەستى شىعارىپ، ەرەجە ورناتىپ ءتۇزىم شىعارۋ، ۇلگى كورسەتىپ باستاماشى بولۋ، ۇگىت جۇرگىزىپ تاربيەلەۋ، سيلاۋ - جازالاۋدى بىرلەستىرۋ، جالپى حالىق قاتىناسۋ ارقىلى قوقىر - قوقسىقتاردى تۇرگە ايىرۋدى وڭاۋدىڭ ونىمدىلىگىن شىنايى جوعارىلاتۋ كەرەك. شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتىپ، وركەنيەتتى، سالاماتتى، جاسىل، ورتانى قورعايتىن تۇرمىس ءتاسىلىن زور كۇشپەن دارىپتەپ، ”قوقىر - قوقسىقتاردى تۇرگە ايىرۋدى وزىمنەن باستايمىن“ دەيتىن تاماشا راي قالىپتاستىرۋ كەرەك.

  نۇرلان ءابىلماجىن بىلاي دەپ اتاپ كورسەتتى: كوپشىلىك ءتۇرلى تۇرعىدان باعىتتامالىققا، قولدانىلمالىققا يە پىكىر - ۇسىنىستاردى ورتاعا قويىپ، يدەيالىق اۋىس - كۇيىس جاساۋ، تانىمدى تەرەڭدەتۋ، ماسەلەلەردى زەرتتەۋ، قىزمەتتەردى ىلگەرىلەتۋ ماقساتىنا جەتتى. دەر كەزىندە كوپشىلىكتىڭ ناقتى پىكىر، ورەلى ۇسىنىستارىن جيناقتاپ، رەتتەپ، پارتكوم مەن ۇكىمەتتىڭ شەشىم جاساۋى ءۇشىن پايدالانۋعا بەرىپ، كەڭەسۋ ناتيجەسىنىڭ اناعۇرلىم ناقتى تياناقتانىپ، ونىمدىلىك كورسەتۋىنە مۇمكىندىك جاساۋ كەرەك.

  اۆتونوميالى رايوننىڭ ورىنباسار ءتوراعاسى جاروللا يسامدين ماجىلىسكە قاتىناسقانداردىڭ پىكىر - ۇسىنىستارىنا جاۋاپ قايتاردى. اۆتونوميالى رايوندىق ساياسي كەڭەستىڭ ورىنباسار ءتوراعاسى يلھام سابىر نەگىزگى تاقىرىپتىق ءسوز سويلەدى.

جاۋاپتى رەداكتور: ءاننا اكىمقان قىزى