تاۋ اڭعارىنداعىءۇيىرلى تاۋ ەشكىلەر

  التاي اقپارات تورابىنىڭ حابارى (ەرىكتى ٴتىلشى ديڭ نيڭ حابارلايدى) 10-ايدىڭ 14-كۇنى ءتىلشى كوكتوعاي اۋدانىنداعى ولكە جولىنىڭ 226- جەلىسىنىڭ ماڭىنداعى تاۋ اڭعارىنان جايىلىپ جۇرگەن تاۋ ەشكىلەردى كەسكىنگە ءتۇسىردى.

  تاۋ ەشكى مەملەكەتتىك 1-دارەجەلى قورعالاتىن حايۋانات بولىپ، جۇڭگونىڭ تۇقىمى قۇرۋعا اينالعان حايۋاناتتار قىزىل تىستى كىتابىنداعى تۇقىمى قۇرۋعا اينالعان حايۋاناتتار قاتارىنا ەنگىزىلگەن. تاۋەشكىنىڭ دەنە تۇرقى 115 ~ 170 سانتيمەتر، سالماعى 50 كيلوگرام اينالاسىندا بولىپ، تەڭىز دەڭگەيىنەن بيىكتىگى 3500 ~ 6000 مەتر كەلەتىن ۇستىرتتە، جالاما جارتاستاردا، تەڭىز دەڭگەيىنەن ەڭ بيىك جەردە تىرشىلىك ەتەتىن ٴسۇت قورەكتى حايۋاناتتاردىڭ ٴبىرى.

  ۇعىسۋعا قاراعاندا، تاۋ ەشكىلەر جالاما-جارتاستاردان، بيىك تاۋلاردان ازىق تاۋىپ جەيدى ەكەن، سەبەبى ولاردىڭ تۇياعىندا جارتاستى ۇستاپ تۇراتىن كۇشتى سەرپىمدىلىك بار. مۇنداي كەرەمەت ونەرى تاۋەشكىلەر قاتەرگە ۇشىراعاندا، جالاما-جارتاستار اراسىندا ەمىن-ەركىن قيمىلداپ جانىن ساۋعالاۋعا پايدالى، ٴتىپتى «تاۋ تاستان قارعۋدىڭ مايتالمانى«، قابىلان دا وعان توتەپ بەرە المايتىن كورىنەدى.

  جاقىنعى جىلداردان بەرى، كوكتوعاي اۋدانى ەگىستىككە اينالعان ورماندى قالپىنا كەلتىرۋ، اعاش ەگىپ ورمان وتىرعىزۋ، وزەننىڭ لاستانۋىن تىزگىندەۋ جانە ەكولوگيانى قالپىنا كەلتىرۋ سياقتى ورتانى وڭاۋ قىزمەتىن تىڭعىلىقتى ورىستەتىپ، ادامداردىڭ جابايى حايۋاناتتاردى قورعاۋ تانىمى ۇزدىكسىز جوعارىلاپ، ەكولوگيالىق ورتا قالپىنا كەلىپ، تاۋەشكى، ٴتۇز قويانى سياقتى جابايى حايۋاناتتاردىڭ ازىق ىزدەۋ قيمىل كولەمى بىرتىندەپ تەڭىز دەڭگەيىنەن تومەن وڭىرلەرگە قاراي ويىسا باستادى، كەيبىر قۇستار مەن جابايى قويانداردى باقشالارمەن جاياۋلار جولىنان ۇنەمى كورۋگە بولادى.

  اۋدارعان: ءاننا اكىمقان قىزى

جاۋاپتى رەداكتور: ءاننا اكىمقان قىزى