تيبىن جاڭالاۋ قۇرىلىسىن جەدەل ىلگەرىلەتىپ، سوعىس جۇرگىزۋ قابىلەتىن جەدەل جوعارىلاتىپ، بىرىكتىرىلگەن، كوپ فۋنكتسيالى، جەدەل اڭىس قايتاراتىن، جالپى سالاعا قولدانىلاتىن سايلاۋىت جاساق، ارىندى قوسىن سومداۋعا قۇلشىنايىق

شي جينپيڭ تەڭىز ارمياسىنىڭ قۇرلىق قوسىنىن كوزدەن كەشىرگەندە بىلاي دەپ باسا دارىپتەدى

تيبىن جاڭالاۋ قۇرىلىسىن جەدەل ىلگەرىلەتىپ، سوعىس جۇرگىزۋ قابىلەتىن جەدەل جوعارىلاتىپ، بىرىكتىرىلگەن، كوپ فۋنكتسيالى، جەدەل اڭىس قايتاراتىن، جالپى سالاعا قولدانىلاتىن سايلاۋىت جاساق، ارىندى قوسىن سومداۋعا قۇلشىنايىق

  10 - ايدىڭ 13 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تەڭىز ارمياسىنىڭ قۇرلىق قوسىنىن كوزدەن كەشىردى. سۋرەتتە: شي جينپيڭ مالىمەتتى تىڭداعاننان كەيىن ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  شينحۋا اگەنتتىگىنىڭ 10 - ايدىڭ 13 - كۇنى چاۋجوۋدان بەرگەن حابارى (تىلشىلەر لي شۋانلياڭ، لي يۇن). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 13 - كۇنى تەڭىز ارمياسىنىڭ قۇرلىق قوسىنىن كوزدەن كەشىردى. ول بىلاي دەپ باسا دارىپتەدى: تەڭىز ارمياسىنىڭ قۇرلىق قوسىنى سۋدا دا، قۇرلىقتا دا سوعىس جۇرگىزەتىن سايلاۋىت كۇش، مەملەكەتتىڭ يەلىك ۇقىعىن، حاۋىپسىزدىگىن جانە تەرريتوريا تۇتاستىعىن قورعاۋ، مەملەكەتتىڭ تەڭىز - مۇحيت ۇقىق - مۇددەسىن قورعاۋ، مەملەكەتتىڭ شەتەلدەگى مۇددەسىن قورعاۋ جاقتارىندا ماڭىزدى جاۋاپكەرشىلىك ارقالاۋدا. جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، تەڭىز ارمياسىنىڭ قۇرلىق قوسىنى قۇرىلىسىن باسقارۋ جانە سوعىستا قولدانۋ ەرەكشەلىگىن، زاڭدىلىعىن يگەرىپ، تيبىن جاڭالاۋ قۇرىلىسىن جەدەل ىلگەرىلەتىپ، سوعىس جۇرگىزۋ قابىلەتىن جەدەل جوعارىلاتىپ، بىرىكتىرىلگەن، كوپ فۋنكتسيالى، جەدەل اڭىس قايتاراتىن، جالپى سالاعا قولدانىلاتىن سايلاۋىت جاساق، ارىندى قوسىن سومداۋعا قۇلشىنۋ كەرەك.

  كۇزگى چاۋشاننىڭ بايتاق دالاسىندا تاۋ - سۋ ءوزارا جاراسىم تاۋىپ، كوركى كوز تارتادى. تۇستەن بۇرىن ساعات 10نان 40 مينۋت وتكەندە، شي جينپيڭ تەڭىز ارمياسىنىڭ قۇرلىق قوسىنى ورگانىنا كەلدى. قىزۋ قول شاپالاق ءۇنى ىشىندە شي جينپيڭ تەڭىز ارمياسى قۇرلىق قوسىنىنىڭ لۇيدەن جوعارى اسكەري ءبولىم نەگىزگى باسشىلارىن جانە ورگاننىڭ باسقارمادان جوعارى باسشى كادرلارىن ىستىق ىقىلاسپەن قابىلداپ، كوپشىلىكپەن توپتىق ەستەلىك سۋرەتكە ءتۇستى.

  تەڭىز ارمياسىنىڭ قۇرلىق قوسىنى 2017 - جىلى پارتيا ورتالىق كوميتەتى مەن ورتالىق اسكەري ىستەر كوميتەتىنىڭ مەملەكەت قورعانىسى مەن ارميا رەفورماسىن تەرەڭدەتۋ جونىندەگى شەشىمدەرىنە، ورنالاستىرۋلارىنا ساي رەتتەلىپ قۇرىلعان. شي جينپيڭ كورمە تاقتاسى ارقىلى تەڭىز ارمياسى قۇرلىق قوسىنىنىڭ نەگىزگى جاعدايىن ۇعىستى. ونان كەيىن، شي جينپيڭ اسكەري ءبولىمنىڭ قۇرىلىس جاعدايى بەينەلەنگەن كوپ مەديالى فيلمدى كوردى ءارى بەينەەكران ارقىلى قاتىستى مىندەتتەگى بولىمشە قوسىننىڭ ارنايى جاتتىعۋ جاعدايىن كوردى. شي جينپيڭ تەڭىز ارمياسى قۇرلىق قوسىنىنىڭ رەتتەلىپ قۇرىلعاننان بەرگى قۇرىلىس، دامۋ جانە مىندەت ورىنداۋ جاعدايىن تولىق تۇراقتاندىردى.

  شي جينپيڭ مالىمەتتى تىڭداعاننان كەيىن ماڭىزدى ءسوز سويلەدى. ول بىلاي دەپ باسا دارىپتەدى: تەڭىز ارمياسى قۇرلىق قوسىنىنىڭ قۇرىلىس ستراتەگياسى جوباسىنىڭ ەلىمىزدىڭ دامۋ ستراتەگياسى، حاۋىپسىزدىك ستراتەگياسى، اسكەري ىستەر ستراتەگياسى قاجەتىنە ۇيلەسۋىن، مەملەكەت قورعانىسى مەن ارميانى وسىزامانداندىرۋ ستراتەگيالىق ورنالاستىرۋىنا ۇيلەسۋىن، بۇكىل ارميانىڭ بىرلەسىپ سوعىس جۇرگىزۋ جۇيەسى قۇرىلىسى جانە تەڭىز ارمياسىنىڭ تيبىن جاڭالاۋ قۇرىلىسى تالابىنا ۇيلەسۋىن كۇشەيتىپ، تەڭىز ارمياسىنىڭ قۇرلىق قوسىنىن قۇرۋدىڭ نىساناسىن، بەتالىسىن، جولىن، ماڭىزدى ءتۇيىنىن انىقتاۋ، جول كارتاسىن، قۇرىلىس چەرتوجىن ايقىنداۋ كەرەك. كەلەلى نازاريالىق جانە امالياتتىق ماسەلەلەردى زەرتتەۋدى كۇشەيتىپ، جۇڭگوشا تەڭىز ارمياسى قۇرلىق قوسىنىن قۇرۋ جولىمەن ءجۇرۋ جونىندە ىزدەنىس جاساۋ كەرەك. ارميامىز قۇرىلىسىنىڭ ”14 - بەسجىلدىق“ جوباسىن جاساۋ قىزمەتى جەدەل جۇرگىزىلۋدە، قازىرگىنى تياناق ەتىپ، ۇزاق بولاشاقتى كوزدەپ، كورنەكتى قايشىلىقتار مەن رەال قاجەتتى مۇقيات اقىلداسىپ شەشىپ، تەڭىز ارمياسىنىڭ قۇرلىق قوسىنى قۇرىلىسىن ءبىر تۇتاس ويداعىداي جوبالاۋ كەرەك.

  شي جينپيڭ بىلاي دەپ اتاپ كورسەتتى: بارلىق زەيىن - زەردە مەن كۇش - قۋاتتى سوعىسقا دايىندالۋعا، سوعىس جۇرگىزۋگە قويىپ، ايرىقشا ساقتىق كۇيدى ساقتاۋ كەرەك. تەڭىز ارمياسىنىڭ قۇرلىق قوسىنى اتقاراتىن مىندەتىنىڭ كوپ ءتۇرلى، قابىلەت تالابىنىڭ كوپ نەگىزدى بولۋىنا ىلەسە، سوعىس ارقىلى جاتتىعۋعا جەتەكشىلىك ەتۋگە تاباندى بولىپ، مىندەت ارقىلى جەتەكتەۋدى كۇشەيتىپ، باعىتتامالى سيپاتتى، قارسىلاسۋ سيپاتتى جاتتىعۋدى كۇشەيتىپ، اسكەري ءبولىمدى قيىن، قاتاڭ ورتادا ىسىلدىرۋ جانە شىنىقتىرۋ كەرەك. سوعىس جۇرگىزۋ نازارياسى، جاتتىعۋ ۇلگىسى، مىندەتتى جىكتەۋ سياقتى جاقتاردا جاڭالىق اشۋدى ىلگەرىلەتىپ، جاتتىعۋ دەڭگەيى مەن ناقتى سوعىستىق قۋاتىن جوعارىلاتۋ كەرەك. قاراستى سوعىس جۇرگىزۋ كۇشتەرىنىڭ، سوعىس جۇرگىزۋ بىرلىكتەرىنىڭ، سوعىس جۇرگىزۋ ماڭىزدى فاكتورلارىنىڭ توعىسۋىن، بىرىگۋىن كۇشەيتىپ، باسقا ارميا - اسكەر تۇرلەرى بولىمدەرىمەن سايكەسۋدى، سەلبەسۋدى كۇشەيتىپ، قاتىستى قولباسشىلىق قاتىناسىن، قامتاماسىز ەتۋ قاتىناسىن رەتكە سالىپ، بىرلەسىپ سوعىس جۇرگىزۋ جۇيەسىن تەرەڭدەي توعىستىرۋ كەرەك.

  شي جينپيڭ بىلاي دەپ باسا دارىپتەدى: پارتيانىڭ ارمياعا شارتسىز باسشىلىعىنا تاباندى بولىپ، پارتيانىڭ جاسامپاز نازارياسىمەن قارۋلانۋدى كۇشەيتىپ، پارتيانى جاپپاي قاتاڭ جونگە سالۋدى، ارميانى جاپپاي قاتاڭ جونگە سالۋدى مىقتاپ يگەرىپ، اسكەري ءبولىمنىڭ شارتسىز ادال، شارتسىز كىرشىكسىز، شارتسىز سەنىمدى بولۋىنا شىنايى كەپىلدىك ەتۋ كەرەك. تاماشا ءداستۇردى اسقاقتاتىپ، قىزىل گەندى جالعاستىرىپ، تەڭىز ارمياسى قۇرلىق قوسىنىنىڭ ەرەكشە اسكەر ءتۇرى مادەنيەتىن تۇلعالاپ، بىرىنشىدەن، جاپا - ماشاقاتتان قورىقپايتىن، ەكىنشىدەن، ولىمنەن قورىقپايتىن جاۋىنگەرلىك رۋحتى جەتىلدىرىپ، اسكەري ءبولىمدى ايبىندى دا ايبارلى ەتىپ جەتەكتەۋ كەرەك. اسكەري ءبولىمدى تاربيەلەۋدى، باسقارۋدى قاتايتىپ، اسكەري ءبولىمنىڭ جوعارى دەڭگەيدەگى ورتالىقتانعان ءبىر تۇتاستىعىن جانە حاۋىپسىزدىگىن، ورنىقتىلىعىن ساقتاۋ كەرەك. وي جەلىدە، شارادا جاڭالىق اشىپ، نەگىزگى ساتىنى يگەرۋ، نەگىزدى بەكەمدەۋ قىزمەتىن ويداعىداي ىستەپ، ىسىلعان نەگىزگى ساتى سومداۋ كەرەك. ىنتىماقتى، تاتۋ، جاراسىمدى، كىرشىكسىز ىشكى قاتىناستى دامىتىپ، ىستىق ىنتامەن كوماندير - جاۋىنگەرلەر ءۇشىن ناقتى ءىس تىندىرىپ، قيىن ىستەرىن شەشىپ، يگى ءىس ىستەپ، قالىڭ كوماندير - جاۋىنگەرلەردىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتۋ كەرەك.

  شي جينپيڭ سوڭىندا بىلاي دەپ باسا دارىپتەدى: كەزەكتە ىندەتتەن ساقتانۋ - تىزگىندەۋ جاعدايىندا ءالى دە تۇراقسىزدىق بار، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىماي ويداعىداي يگەرىپ، ءتۇرلى قىزمەتتەردى كوپ شارالاردى قاتار قولدانىپ ىلگەرىلەتىپ، اسكەري ءبولىم قۇرىلىسىن ۇزدىكسىز العا ىلگەرىلەتۋ كەرەك.

  شۇي چيلياڭ قاتارلىلار قيمىلعا قاتىناستى.

جاۋاپتى رەداكتور: ءاننا اكىمقان قىزى