10-ايدىڭ 25-كۇنىنەن باستاپ، حۋاشيا اۆياتسياسىنىڭ قىس، كوكتەم ماۋسىمىنداعى كەزەكشى ۇشاعى قاتىنايدى

ءوز ءتىلشىمىز قۇرمانگۇل جەڭىسبەك قىزى حابارلايدى. 10-ايدىڭ 13-كۇنى ٴتىلشىنىڭ حۋاشيا اۆياتسياسىنان ۇعىسۋىنشا، 10-ايدىڭ 25-كۇنىنەن باستاپ حۋاشيا اۆياتسياسى ٴبىر ٴبولىم اۋە لەنياسىن رەتتەپ، قىس، كوكتەم ماۋسىمىندا قاتىنايتىن كەزەكشى ۇشاق شىعارادى ەكەن.
ءتىلشىنىڭ ۇعىسۋىنشا، 10-ايدىڭ 25-كۇنىنەن بۇرىن، التايداعى ءار ۇلت بۇقاراسىنىڭ قاتىناس قاجەتىن قاناعاتتاندىرۋ، التايدىڭ وڭتۇستىك، سولتۇستىك شينجياڭمەن اراداعى ساۋدا ىستەرىنىڭ جانە ساياحاتىنىڭ دامۋىنا دانەكەر بولۋ ءۇشىن، حۋاشيا اۆياتسياسى التايدىڭ جاز، كۇز ماۋسىمىنداعى ءبىر ءبولىم اۋە لەنياسىن جالعاستىرىپ، كورلا، بۇراتالا، اقسۋ، قۇلجا سياقتى كوپتەگەن قالالارعا ۇشاق قاتىناتادى.
سونىمەن بىرگە، حۋاشيا اۆياتسياسى ۇلاسپالى كەزەكشى ۇشاق شىعارىپ، تەك باسقا ٴبىر قالادا ايالداۋ قاجەت بولسا بولعانى، جالعاستى ٴتىپتى دە كوپ قالاعا قاتىناۋعا بولادى. بۇل توتە ۇشا المايتىن قالالار اراسىنا قولايلى اۋە قاتىناسى تورابىن قۇردى.
ۇلاسپالى كەزەكشى ۇشاقتىڭ ادەتتەگى ورتا جولدان اينالاتىن ۇشاقتارعا قاراعاندا، جۇكتى توتە جەتكىزۋ، ۇشاق اۋىستىرعان كەزدە جولاۋشىنىڭ جۇكتى الىپ ءجۇرۋى قاجەتسىز، اۋە جولىنىڭ وزگەرۋىنەن الاڭدامايدى، ۇشۋدىڭ الدى-ارتىندا كەزەكشى ۇشاقتىڭ ۇشۋ ۋاقىتى قالىپسىز بولۋ جاعدايى بايقالسا حۋاشيا اۋە قاتىناسى اقىسىز ۋاقىتتى وزگەرتىپ بەرۋگە ۋادە بەرەدى، ءبىر جولدا ەكى دانا بەلەتتى شىعارىپ بەرىپ، اۋاشالاۋ رايونىنان كىرىپ-شىعىپ قايتالاي بەلەت ءبىتىرىپ، جۇك الۋدىڭ قاجەتى جوق سياقتى ارتىقشىلىقتارى بار ەكەن.

  بۇدان سىرت، حۋاشيا اۆياتسياسى 11 ـ ايدا ىركەس-تىركەس التاي ـ كورلا-حوتان، قارامايلى ـ قاناس جانە قارامايلى ـ كوكتوعاي سياقتى اۋە لەنيالارىن اشادى ەكەن.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى