حۋبەي ولكەسىنىڭ ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەردى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 10 - ايدىڭ 10 - كۇنى ۇرىمجىدەن حابارلايدى. 10 - ايدىڭ 7 - كۇنىنەن 9 - كۇنىنە دەيىن حۋبەي ولكەلىك پارتكومنىڭ تۇراقتى مۇشەسى، ولكەلىك پارتكوم بىرلىكساپ ءبولىمىنىڭ باستىعى ەركىنجان تۇراحۇن حۋبەي ولكەسىنىڭ ۋاكىلدەر ۇيىرمەسىن باستاپ شينجياڭعا كەلىپ باعىتتامالى كومەكتەسۋ قىزمەتىن تەكسەرىپ، ەكى جەردىڭ سەلبەستىگىن، اۋىس - كۇيىسىن ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ اڭگىمە ماجىلىسكە قاتىناستى.

  10 - ايدىڭ 8 - كۇنى تۇستەن كەيىن حۋبەي ولكەسى مەن اۆتونوميالى رايون جانە بيڭتۋان ءۇرىمجى قالاسىندا اڭگىمە ءماجىلىسىن اشتى.

  شوكىرات زاكىر اڭگىمە ماجىلىسىندە بىلاي دەپ اتاپ كورسەتتى: جاڭا ءبىر كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، حۋبەي ولكەلىك پارتكوم مەن ولكەلىك ۇكىمەت شينجياڭعا كومەكتەسۋ قىزمەتىن باستان - اياق ماڭىزدى ورىنعا قويىپ، جالپى جاعداي قىزمەتىنە ەنگىزىپ، شىنايى يگەرىپ ناقتى ىستەۋگە، شىنايى سۇيىسپەنشىلىگىن، بار ىقىلاسىن ارناۋعا تاباندى بولىپ، كوكىرەك تولى تەرەڭ سۇيىسپەنشىلىكپەن حۋبەيدىڭ شينجياڭعا باعىتتامالى كومەكتەسەتىن دوستىق كوپىرى مەن دانەكەرىن قۇرىپ شىعىپ، حۋبەيدىڭ شينجياڭعا كومەكتەسۋ قىزمەتىنىڭ جاڭا جاعدايىن اشتى. جاڭا داۋىردەگى شينجياڭ قىزمەتى جاڭا تاريحي باستالۋ تۇيىنىندە تۇر، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، تۇلعالىق رولىن شىنايى ساۋلەلەندىرىپ، حۋبەي ولكەسىمەن ءتۇيىلىسۋدى، بايلانىس جاساۋدى بەلسەنە كۇشەيتىپ، قىزمەت وتەۋدى قامتاماسىز ەتۋدى جان - جاقتى ويداعىداي ىستەپ، شينجياڭعا كومەكتەسۋ قىزمەتىن جوعارى ساپالى، جوعارى ءونىمدى ىلگەرىلەتۋگە، تياناقتاندىرۋعا شىنايى كەپىلدىك ەتۋىمىز كەرەك. اناعۇرلىم ناقتى ءىس ىستەۋ رۋحىمەن، اناعۇرلىم ءونىمدى شارامەن ەكى ولكە - رايون اراسىنداعى ارالاسۋدى، اۋىس - كۇيىستى ىلگەرىلەتىپ، اناعۇرلىم تەرەڭ ساتىدا، اناعۇرلىم جوعارى دەڭگەيدە ەكى ولكە - رايوننىڭ سەلبەستىگىندە جاڭا ناتيجەلەرگە قول جەتكىزۋدى ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ ۇلەس قوسۋىمىز كەرەك.

  ەركىنجان تۇراحۇن حۋبەي ولكەلىك پارتكوم مەن ولكەلىك ۇكىمەت اتىنان شينجياڭ ۇيعۇر اۆتونوميالى رايوندىق پارتكومنىڭ، ۇكىمەتتىڭ جانە بيڭتۋاننىڭ حۋبەيدىڭ ىندەتكە قارسى اتتانۋ شايقاسىن جانە شينجياڭعا باعىتتامالى كومەكتەسۋ قىزمەتىن زور كۇشپەن قولداعاندىعىنا العىس ايتىپ، حۋبەي حالقىنىڭ شينجياڭداعى ءار ۇلت كادر - بۇقاراسىنا بولعان العىسىن جەتكىزدى. ول بىلاي دەپ اتاپ كورسەتتى: شينجياڭعا باعىتتامالى كومەكتەسۋ قىزمەتى پارتيا ورتالىق كوميتەتى حۋبەيعا تاپسىرعان ماڭىزدى ساياسي مىندەت، حۋبەيدىڭ بۇلتارتپاس ساياسي جاۋاپكەرشىلىگى. حۋبەي ولكەلىك پارتكوم مەن ولكەلىك ۇكىمەت شينجياڭعا باعىتتامالى كومەكتەسۋ قىزمەتىنە تۋ باستان باسا ءمان بەرىپ كەلدى، بيىل ىندەتتىڭ، تاسقىننىڭ قاباتتاسقان ىقپالىنا ۇشىراعان بولسادا، ءبىراق، ولكەلىك پارتكوم مەن ولكەلىك ۇكىمەت شينجياڭعا باعىتتامالى كومەكتەسۋدىڭ تەبىنىن السىرەتپەۋگە، ولشەمىن تومەندەتپەۋگە شىنايى كەپىلدىك ەتۋدەن اۋىتقىماۋدى ۇيعاردى. ءبىز باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندەگى ماڭىزدى ءسوزىنىڭ رۋحىن باتىل تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاۋاپكەرشىلىك، بورىشتىلىق جانە تەرەڭ دوستىقپەن شينجياڭعا كومەكتەسۋ قىزمەتىن ونان ارى ناقتىلاندىرىپ، ەگجەي - تەگجەيلىلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا حۋبەيدىڭ ۇلەسىن قوسامىز.

  شينجياڭداعى كەزىندە حۋبەي ولكەسىنىڭ ۋاكىلدەر ۇيىرمەسى بۇراتالا موڭعۇل اۆتونوميالى وبلىسىنا جانە بيڭتۋان 5 - شىسىنىڭ شۋاڭحى قالاسىنا بارىپ تەكسەرۋ - زەرتتەۋ جۇرگىزىپ، شينجياڭعا كومەكتەسۋ نىساندارىنىڭ ىلگەرىلەۋ جاعدايىن تەكسەرىپ، حۋبەيدىڭ شينجياڭعا كومەكتەسەتىن كادر - دارىندىلارىنا امانداسا باردى، حال سۇرادى.

  اۆتونوميالى رايوننىڭ جانە بيڭتۋاننىڭ باسشىلارىنان تيان ۋىن، سارقىت اقان، ياۋ شينمين قاتىستى قيمىلدارعا قاتىناستى.

جاۋاپتى رەداكتور: ءاننا اكىمقان قىزى