ايماق ”التاي ۇلكەن ساباقحاناسى“ اتىنداعى ۇگىت ـ لەكسيا جاساۋ بايانداما ءماجىلىسىن اشتى

 

 التاي گازەتىنىڭ پراكتيكانت ءتىلشىسى لۋ جياۋ حابارلايدى. 10 ـ ايدىڭ 9 ـ كۇنى ايماق ”التاي ۇلكەن ساباقحاناسى“ اتىنداعى ۇگىت ـ لەكسيا جاساۋ بايانداما ءماجىلىسىن اشتى. جۇڭگو عىلىم اكادەمياسى عىلىم ـ تەحنيكا ستراتەگيالىق كەڭەس بەرۋ زەرتتەۋ ورنىنىڭ ورىنباسار باستىعى فان جيە ”14 ـ بەسجىلدىق جوبا مەزگىلىندەگى جۇڭگونىڭ وڭىرلىك سايكەستى دامۋ ماسەلەسى“ دەگەن نەگىزگى تاقىرىپتا ارناۋلى ساباق ءوتتى. ايماقتىق پارتكومنىڭ ورىنباسار شۋجيى، ۇگىتءبولىمىنىڭ باستىعى دوۋ جاۋحۇي بايانداما ءماجىلىسىن باسقاردى.

  بايانداما ماجىلىسىندە فان جيە وڭىرلىك دامۋ جاعدايىنداعى وزگەرىستىڭ 3 ۇلكەن ەرەكشەلىگى، جوعارى ساپالى وڭىرلىك سايكەستى دامۋدىڭ جاڭا تالابى، وڭىرلىك ەكونوميكانىڭ ورنالاسۋىن ساپالىلاندىرۋدىڭ ستراتەگيالىق شاراسى سياقتى جاقتاردان ”14 ـ بەسجىلدىق“ جوبا مەزگىلىندە جۇڭگوشا سوتسياليستىك تۇزىمگە تاباندى بولۋ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى مازمۇنىن ەگجەي ـ تەگجەيلى بايىمدادى.

  بايانداما ماجىلىسىندە مىنالار تالاپ ەتىلدى: ”14 ـ بەسجىلدىق“ جوبانى عىلمي جاساۋ ايماقتىڭ جاپپاي دوڭگەلەك داۋلەتتى قوعام قۇرۋدىڭ جەتىستىكتەرىن بەكەمدەۋىندە، قوعام ورنىقتىلىعى مەن باياندى تىنىشتىقتى جەدەل ىلگەرىلەتۋىندە، اناعۇرلىم تىنىش، كورىكتى، باقىتتى جاڭا التاي قۇرۋىندا كەلەلى دە تەرەڭ مانگە يە. ايماقتاعى ءار دارەجەلى ورىندار، تاراۋلار باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرۋى، ستراتەگيالىق جانە جالپى جاعداي تۇرعىسىنان ”14 ـ بەسجىلدىق“ جوبانى ويداعىداي جاساۋدىڭ كەلەلى ماڭىزىن جەتە تانىپ، بولجامپازدىقپەن وي جۇگىرتۋدى، جالپى جاعداي تۇرعىسىنان جوسپارلاۋدى، ستراتەگيالىق ورنالاستىرۋدى شىن مانىندە كۇشەيتۋى كەرەك. يدەيالىق تانىمدى شىنايى جوعارىلاتىپ، بورىش پەن جاۋاپكەرلىكتى كۇشەيتىپ، ىشكەرىلەي تەكسەرۋ ـ زەرتتەۋ جۇرگىزۋ، اناعۇرلىم دالمە ـءدال تالداۋ جاساپ، تۇجىرىمداپ، اناعۇرلىم عىلمي جوبا جاساپ، ستراتەگيالىق، كورەگەندىك، جەتەكشىلىكتى كورنەكتىلەندىرىپ، ءتۇرلى جوسپارلاردى جاساۋ مىندەتىن جوعارى ولشەممەن، جوعارى ساپامەن ورىنداۋ قاجەت. ماسەلەنى باعدار ەتۋگە، نىسانانى باعدار ەتۋگە، ناتيجەنى باعدار ەتۋگە باستان- اياق تاباندى بولىپ، ورتالىقتىڭ رۋحىنا مۇقيات تۋرالانىپ، التايدىڭ دامۋ امالياتىنا تىعىز ۇشتاستىرۋ، جاڭا وي جەلى، جاڭا شارالاردى بەلسەنە جوسپارلاپ، جوبا جاساۋدىڭ ساپا دەڭگەيىن كۇش سالا جوعارىلاتۋ ٴتيىس. جوبا جاساۋدىڭ تۇلعالىق جاۋاپكەرلىگىن شىنايى ۇستىنە الىپ، قاتىستى تاراۋلارمەن جانە اۋداندارمەن (قالا، كورىنىس رايونى) بايلانىستى قويۋلاتىپ، جوبا جاساۋ قىزمەتىن ءتارتىپتى ىلگەرىلەتىپ، ”ءبىر تۇتاس جۇيە“ قالىپتاستىرۋ كەرەك. حالىقتىڭ قامىن ويلاپ، كەڭىنەن اقىل ـ كەڭەس بەرىپ، حالىق قۇرىلتايىنىڭ، ساياسي كەڭەستىڭ فۋنكتسيالىق رولىن جانە بۇقارالىق توپتاردىڭ ابزالدىلىعىن تولىق ساۋلەلەندىرىپ، كەڭ كولەمدە پىكىر ـ ۇسىنىس توپتاپ، پارتيا ورتالىق كوميتەتى مەن اۆتونوميالى رايوندىق پارتكومنىڭ تالابىنا ۇيلەسەتىن، التايدىڭ ءىس جۇزىندىك جاعدايىنا ۇيلەسەتىن، كادرلار مەن بۇقارانىڭ تىلەگىنە ۇيلەسەتىن تاماشا جوبانى جاساپ شىعۋ كەرەك.

  بايانداما ءماجىلىسى بەينە كەسكىن فورماسىندا اۋداندارعا (قالا، كورىنىس رايونىنا) دەيىن اشىلدى. ءسابيت قازەز ۇلى، ليۋ نايجۇن، ما شۋەلياڭ قاتارلى ايماقتىق ءتورت باسشىلىق القانىڭ باسشىلارى، ورىنباسار باس حاتشىلار، ايماقتىق ورتا دارەجەلى حالىق سوتى، ىلە قازاق اۆتونوميالى وبلىستىق حالىق پروكۋراتۋراسى التاي بولىمشە پروكۋراتۋراسى پارتيا، اكىمشىلىگىنىڭ نەگىزگى باسشىلارى، ايماققا توتە قاراستى تاراۋلار (ورىندار) پارتيا، اكىمشىلىگىنىڭ نەگىزگى جاۋاپتىلارى، ”14 ـ بەسجىلدىق“ جوبا قىزمەتىنە جاۋاپتى جولداستار مەن كاسىپتىك تىرەكتىلەر بايانداما ءماجىلىسىن تىڭدادى.

جاۋاپتى رەداكتور: ءاننا اكىمقان قىزى